2 KHANGTHU 11:14 - PATHIAN LEKHABU THIANGTHO (BSI)

¹⁴ Jeroboam leh a chapate chun Lalpa thiampu na sêm ding a phal lo ziak un, a nasepteu a la haisan zo tau ah; Levite chun a gam leh a umna munteu hun taisan in, Judai gam leh Jerusalem khua lam ah hung a hiu a;

2 KHANGTHU 11:14 ပူးပေါင်းရင်းမြစ်များ

1 LENGTE 13:33

Zia nung ah hinle Jeroboam in a lampi phalo ah kipat in a kihei mang diak puai; himaleh, thoimualte â dingin mi vantang lak ah kipat in thiampu dingte a siam ah; thiampu hi’nuam taphot chu thoimual â ding in a koichuam tai.

2 KHANGTHU 11:13

Israel gam pumpi thiampu leh Levite um zosia chu a umna mun chiat ua kipat hung pawtdok in, Lengpa kiang in a hung tau a.

2 KHANGTHU 13:9

Lalpa thiampu, Aron chate leh Levite chu nawdok in, gamdangte gual ah la thiampu ding uh kisiam kawm mai mai hilo la hiu em? Bawngchal khat a hem, belamchal pasagi a hem ah hung kilân thiangtho thei taphot chu, zia pathian bawn hilote thiampu ding po ah chun la pansak mai mai hilo a hem?

KISIMNA LEKHABU 35:8

Chuleh, Israelte gam luana lak ah kipat khawpi la piakdaw ding dan uh chu: nam liante ah kipat in tam deu, nam neute ah kipat in tawmdeu hi’ntin; a chan uh a let leh a neu kigûn chiat in Levite chan ding khawpi chu la hopsak ding uh ahi, ti in.