2 KHANGTHU 10:8 - PATHIAN LEKHABU THIANGTHO (BSI)

⁸ Himaleh, upate lemguat dan chu a pom lo ziakin, khangthak, ama khangualpi a nasêm, a kiang ah um sekte chu a dongah;

2 KHANGTHU 10:8 ပူးပေါင်းရင်းမြစ်များ

2 SAMUEL 17:14

Absalom tawh Israelte zosia chun, “Arkha mi Hushai lemguat dan chu Ahithophel lemguatna sâng in a pha zawi,” a ti chiat tau a. Lalpa chun Absalom chung ah siatna a tunsak theina dingin, Ahithophel lemguatna pha tak chu bangmalo sua dingin Lalpa‘n a la lemguatsa ahi ta’ngal a.

2 KHANGTHU 10:9

a kiang un, “Zia tak ah mipi, ‘La pa khan ka chung ua a ngawngkol ngak hi a gik talua hen ei hijang piak in,’ ti ah hung donte hi bang gual in dawnhu leu hin pha la sau em?” ti’n a dongah.

THUPILTE 1:25

ka lemguatna zosia bangma’n lei ngai piak puau in; ka zilgainate mawng mawng lah la pom nuam puau a;

THUPILTE 13:20

Mipil tawh kivop chu pil intin; miphalote lawi pawlna chun vangsiatna a tun sek hi.

THUPILTE 19:20

Tu’nung ah mipil la hung hitheina dingin, mi thuhilna ngaitha’n la, zilgaina le pom in.

THUPILTE 25:12

Thumang thei nakhang ah hilgaina thu pha kigen chu, bil ah sana bilba leh ngawng ah sana khi tawhbang ahi.

THUPILTE 27:10

Nangma leh la nu leh la pa gualphate kha tha’suak kin; haksatna la tuak pet in la chanaute In ah tai lut kin. Chanau mun gamla tak ah um sâng in, In kiang naicha Insak Inthang ah lawipha um chu a pha zawi.

THUPILTE 9:9

Mipil chu hil lechin, pil zaw sêm sêm intin; midik chu hil lechin, a hetna pung in a.

THUGENTU 10:16

Aw gam, la chung a gik hi: La leng chu a khangdawng talua’n; la lalchapate’n jingkal nasan in, luaithe’na a siam ui!

ISAI 30:1

Aw naupang thukhelte haw, ka ti lo gual ah thil guanggal ah, ka lung lo lam lam ah kithukoppi ding siam ah, gitlona a thua thua ah bawlte chung chu a gik na e! Lalpa‘n a ti’n.