2 KHANGTHU 10:14 - PATHIAN LEKHABU THIANGTHO (BSI)

¹⁴ khangthakte thuhilna dungzui in a la dawnhu a: “Ka pa khan la ngawngkol uh gik tak in a hun puak sak in, keima’n la puakgik uh chu hun belap nalai ding ka hi; ka pa khan mi jepna mol in a hun vaw sek in, keima’n chu ainuvette hun pe’sak in, hun engbawl ding ka hi,” ti’n a la dawnhu a.

2 KHANGTHU 10:14 ပူးပေါင်းရင်းမြစ်များ

2 KHANGTHU 10:13

Lengpa chun daidawpna pang lo in a la ho a. Lengpa Rehoboam chun upate thuhilna kha pom lo in,

2 KHANGTHU 10:15

Tichun, lengpa chun mipite thugen chu a ngaisak ta pua; Lalpa chun Shilon khua’ Ahijah kiangah, Nebat chapa Jeroboam kiangah a thutiam dungzui ah a guitun theina ding ah, Pathian in a chuti bawlsak chu a la hi’ngal a.

THUPILTE 12:5

Midikte ngaituana chu a thiangtho a, mi nunsiate lemguatpina chu vang zuauthepna mai a hisek hi.

THUPILTE 17:14

Kinialna hi tui kithâdok tawh bang ahi’n; kinakna a hung pawt masang in kinialna chu haisan in.

THUGENTU 10:16

Aw gam, la chung a gik hi: La leng chu a khangdawng talua’n; la lalchapate’n jingkal nasan in, luaithe’na a siam ui!

THUGENTU 2:19

amau chu mipil ahi ding leh mingol ahi ding uh kua a hem hethei ding? Khawvel ah keima ngei in ka pilna mang ah ka la sepgimna zosia chung ah thuneitu ding a hung hi ta’ngal un. Zia hile bangmalo mai mai ahi.

THUGENTU 7:8

Thil khat kipatna hi a tawpna sâng in a pha zaw’n; lungthim chapo sâng in lungthim sekdo a pha zawi.

DANIAL 6:7

Gam zosia chung ah vaihawmte, gambung tin ah vaihawmte, danthiam mi zosia leh thudot mite zosia hin, lengpa’n thupuan khat bawl hen la, khau tak in mi a zui leh a zui lo hetchian hihen la; tichun, kuale nangma, Aw lengpa, ni sawmthum sung nangma hun ho lo ah mihing a hem, pathian a hem, a dang khat ho taphot chu sakeibaknei kul sung ah pai lut ziang ding hi hen.

JAKOB 3:14

Ahi’n, la lungthim ua thangsiatna leh nangmau bep kikhualna la nei ua leh, kiletsak in thutak chu zuau chansak kiu in.

THUPUAN 9:10

Chuleh, ainuvette mei gual mei a nei un, a mei un mi suknat theina a um hi; a mi suknatnau chu tha nga sung nat theina ahi.

THUPUAN 9:3

Meikhu lak ah kipat chun khaubepi lei chung lam in a hung pawt ua; lei ah ainuvette thilhitheina gual piak a hiu a.

THUPUAN 9:5

Chuleh, mihingte chu that lo ah tha nga sung sukgenthei ding ah thupiak a hiu ah; a hi’genthei dan uh chu ainuvet in mi a pe gual hi ahi.