2 KHANGTHU 1:1 - PATHIAN LEKHABU THIANGTHO (BSI)

¹ David chapa Solomon chun a lenggam a sukdet ma ma phatin, Lalpa a Pathian in a umpi zing ah, nasa tak in a sulian tai.

2 KHANGTHU 1:1 ပူးပေါင်းရင်းမြစ်များ

THILSIAM THU 21:22

Zia lai ah chun, Abimelekh tawh a sepai hotu Phikol chun Abraham kiang in, “La thilbawl tapo ah Pathian in a hun umpi ah;

THILSIAM THU 39:2

Lalpa chu Joseph kiang in a um zing ah; ama chu mi lawting tak a hung hi’n: chun a pu Aigupta mi In ah chun a um tai.

THILSIAM THU 39:21

Himaleh, Lalpa chu Joseph kiang in a um pek ah, a chung in a ngilnei ah; suangkul vêngpa hepina a donsak hi.

THILSIAM THU 39:3

Lalpa chu a kiang in a um zing ah; a thil hi taphot ah a lawtinsak hi ti a pu chunle a he tai.

1 LENGTE 2:12

Zia nung chun, Solomon chu a pa lalchutpha chung in a chu ta’n; a lenggam chu lopi tak ah phudet in a um tai.

1 LENGTE 2:46

Tichun, lengpa chun Jehoiada chapa Benaiah chu thu a pia, ama chu a chia ah, a chung in khut a tha, a thi tai. Lenggam chu Solomon khut ah chun phudet in a um tai.

1 KHANGTHU 17:8

la chiana lam lam in ka hun umpi pek ah, la âng ah la mêlmate zosia ka tha gam piak pek in; chuleh, khawvel ah mi minthang te lak ah la min chu pakhat hisak ding ka hi.

1 KHANGTHU 22:11

Tu’hin, nang ka chapa, nang chung thu ah a gen dungzui ah Lalpa la Pathian In ding chu la sakdaw theina dingin Lalpa‘n hun umpi zing ta hen.

1 KHANGTHU 22:16

sanate, dangkate, sum-engte leh thik bawl dan chi chuam chuam ah thiamte le la nei hi. Tu’hin na chu sêm pan ngâl inla, Lalpa‘n hun kithuapi ta hen,” ti’n a gen hi.

1 KHANGTHU 29:23

Ziaphatchun, Solomon chun a pa David leng hi’na chu lua in, Lalpa lalchutpha chun a kichu ta’n; a hung lamzang pek ah, Israel zosia’n a thu a mang chiat tau hi.

1 KHANGTHU 29:25

Lalpa‘n Solomon chu Israelte zosia mit mu in nasa tak in a chawisâng ah; chuleh, Israel lakah ama masang ah leng zosia’n a la chan khak ngai lo uh ja’umna sâng tak chu a pia tai.

1 KHANGTHU 29:30

a vaihawm dan zosia leh, a gâlhat dante, ama leh Israelte leh khawvel lenggam zosia chung ah thil a la tung zosia chule zik lut chiat ahi.

2 KHANGTHU 32:23

Mi tam tak in Jerusalem khua Lalpa kiang ah thilpiakte hun chawi in, Judai gam ah Lengpa Hezekiah â dingin thilpiak lûl tak tak a hun pekhawm tau ah; zia kipat chun nam tinte mit mu ah nasa tak ah choisa’n in a hung um tai.

PAWTDAWNA THU 3:12

Ama chun, “Keima’n nang hun umpi ing ka; chuleh, zia hi keima hun sawl ngei la hinai ti tepte’na hi’n a: Mipite chu Aigupta gam ah kipat la hun puidaw phat leh, zia tâng chung ah hin Pathian ho ding la hi,” a tia.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

JOSHUA 3:7

Lalpa‘n Joshua kiang in, “Mosi ka umpi gual tho ah khan nang le hun umpi ding ka hi ti la hettheina dingin, tu’ni hin Israelte zosia mit mu in hun chawihoi pan ding ka hi tai.