2 JOHAN 1:4 - PATHIAN LEKHABU THIANGTHO (BSI)

⁴ Pa ah kipat thupiak I mu gual ua, la chate thutak in a um ui ti ka mu ziakin ka kipak ma ma hi.

2 JOHAN 1:4 ပူးပေါင်းရင်းမြစ်များ

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

MALAKI 2:6

Zilsakna dik chu a kam in a um ah, a lei ah kipat in zuau thu a pawt kha puai. Thutak leh dikna’n ei kitonpi zing ah, gitlona lampi zui mi tam tak a pui dik ta ahi.

1 KORINTH 13:6

dik lona a kipakpi pua’n, thutak vang a kipakpi sek hi;

GALATIA 2:14

Himaleh, chanchinpha thutak gual in a um dukdak puau hi ti ka het in, Kipha kiang ah, a leng ua ma ah chun, “Nang Juda mi la hingal a, Judate um gual ah umlo in, Jentelte um gual ah la um zawk leh bangtidan ah Jentelte chu Judate umdan gual ah la umsak a hem?” ka ti tai.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

EPHESA 5:8

Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.

PHILIPPI 4:10

Keima lei khawtuanau la hun thak bawl tak ziak un nasa tak in ka kipak ahi; lei khawtua zing ngei ua, hun lemchâng la mu paw mai ua ahi.

1 JOHAN 2:6

Kuale ama ah ka um zing hi ti tapo chu, ama tawidan gual in a tawi ding ahi.