1 TIMOTHI 6:2 - PATHIAN LEKHABU THIANGTHO (BSI)

² Chun, gingtu hotu ah neite chun unau khat a hung hi tâk ziak un ngainiam diak kiu hen la, a na seppiakteu chu gingtute leh doitakte ahi tâk ziak un, a phazaw diak in sep piak zawu hen. Zia thute hi hil inla, tîl in.

1 TIMOTHI 6:2 ပူးပေါင်းရင်းမြစ်များ

JOEL 2:28

Ziazaw nung ah chun, mi zosia chung in ka thagau buntha’ng ka tin; la chapateu leh la chanuteu in hillawk intiu in; la têkseteu in mang in mat intiu in, la tangvalteu in kilâkna mu’n au.

KISIMNA LEKHABU 16:3

Mosi tawh Aron kilanpi dingin a pung khawm tau ah, amau teni kiang ah chun, “La kiphatsak talua tau hi! Mipi zosia hi a thiangtho un, mi tin hile a thiangtho chiat nau hi; chuleh, Lalpa chu a lak un a um zing hi. Bang ding ah nang uh teni hi Lalpa mipite sâng ah kikoisang zaw la hiu em?” a hung tiu a.

MATTHAI 23:8

Himaleh, nanghaw vang, zilsakpa ti dingin um kiu in; hotu pakhat bep la nei ui, nang uh hi suapi khat chiat la hiu hi.

MATTHAI 25:40

Lengpa chun a kiang un, titakzet in ka hil la hiu, zia ka unaute lak ah a neupen chung ah la hiu kha le, keima chung ah hi’ la hiu, hun ti ta’n a.

MATTHAI 6:24

Kuama’n hotu pani na a sêmkop thei puai; pakhat muda in pakhat ngaina’n, pakhat â di’n gunchu intin, pakhat simmaw in a. Pathian leh sum na sêmkop thei pua’n lau.

NASEPTE 1:15

Zia hun lai ah chun Peter chu gingtute lak ah chun a hung dingdok a, (zia tak ah kikhawmte chu mi za leh sawmni vel a hiu,) ama chun,

ROMTE 11:17

Chun, a bâk khenkhatte chu sâtthâk ah um in, nang gam Oliv chu amau zung ah kizom ah la um ah, Oliv thing phatna chu kikoppi la hi chun,

ROMTE 8:29

Pathian chun, a Chapa chu unau tam tak lak ah cha piang masa pen ahi’theina dingin, a hetlawkte chu a Chapa gual hiding in a guatlawk a.

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

EPHESA 1:1

Pathian doilam ah Khrista Jesu sawlchâk Paul hin, Ephesa khua mi thiangtho, Khrista Jesu ah mi ginumte kiang ah chun:

EPHESA 1:15

Lalpa Jesu ah la ginnau leh, mi thiangthote zosia chung ah hepina la latsak danteu ka la het ah kipat in,

EPHESA 3:6

Chanchinpha ziakin Khrista Jesu ah chun, Jentelte hi goluapi dingte, taksa bâk chanpite leh thutep chanpite a hung hitau hi.

KOLOSSA 1:2

Kolossa khua Khrista mi thiangthote leh suapi ginumte kiang in; I Pau Pathian kiang ah kipat hepina leh chamna, la kiang un um ta hen.

KOLOSSA 1:4

Khrista Jesu la gindan uh leh, mithiangtho zosia chung ah hepina la nei dan uh ka het tâk ziak un;

KOLOSSA 4:1

Hotute haw, nanghaw’n le van ah Hotu la nei ui ti hia’n, la suakteu chung ah dik tak leh kilawm tak in bawl un.

2 THESSALONITE 1:3

Suapite haw, nangmau chung thu ah hin Pathian kiang ah kipak thu gen ding him ka hiu; zia chu hi’ding ah kilawm him ahi, la ginnau chu nasa tak ah khang in, la leng ua la kihepi tua chiatnau chu a khan belap zing ngal a.

1 TIMOTHI 4:11

Zia thute hi poimaw la sak ah, la zilsak ding ahi.

1 TIMOTHI 5:1

Upate chu vau thaw kin la, pa gual in hil zaw’n; tangval zaw te chu suapite gual in;

TITA 2:1

Himaleh, nang in vang thugin dik takte chu gen in.

TITA 2:15

Zia thute hi hil inla, zilgai in. Kuama’n hun simmaw kiu hen.

TITA 3:8

Pathian gingtate chun nasep pha chu sêm ah a pilvâng diu ahi, ti hi thu ginum tak ahi: Zia thu chu hangsan tak ah gen dingin ka dawi la hi. Zia thilte chu mihingte â dingin a pha’n, a phachuam ma ma hi.

HEBRAITE 3:1

Ziaziakchun, suapi thiangtho, van kona chanpite haw, I thugin ua sawlchâk leh thiampu lianpen Jesu chu ngaitua tiam un.

HEBRAITE 3:14

A tîl ah kipat I ginnau kingakna kha a tawp tiang ah I tûkdet ua chun, Khrista kikoppite chu I hitau hi.

1 PETER 5:1

Chutichun, la lak ua kochuam upate chu, keima la upatpiu, Khrista thoknate he pa, lopina chang dingpa hin, la lak ua upate chu ka hun tîl ahi.

2 PETER 2:10

Taksa nopna buak zui leh vaihawmna simmawte chu koidan a he diak hi. Ngolhân leh chapo a hiu a, vansawlchâkte a gensiat unle a kithing puau hi.

JUDA 1:8

Zia gual ma chun, amau hinle a taksau chu a hibuak un, thuneina musit in, a lopi tak takte haw chu a gensia sek ui.