1 TIMOTHI 6:18 - PATHIAN LEKHABU THIANGTHO (BSI)

¹⁸ Amau chun thilpha a hiu ah, nasep pha lam ah a hausat ua, a huangphal ua, a kiphal ding uh ahi.

1 TIMOTHI 6:18 ပူးပေါင်းရင်းမြစ်များ

2 KHANGTHU 24:16

Israelte â ding leh Pathian leh a In â ding ah thil a bawl phat ziak in, David khawpi chun lengte lakah vui ahi tai.

SAM 112:9

Huangphal tak in a hawm jak un, gentheite kiang in a piau a; a diknau chun kumtuang dai in a; a lopinau chu ja’um tak ah choisa’n in um in a.

SAM 37:3

Lalpa chu ging inla, thilpha bawl ta’n; tichun, zia gam ah hin bit tak in um zing ta’n.

THUGENTU 11:6

Jingkal in la thâichi tû inla, nitâk lam tiang inle la khut thada diak ki’hen; a khoi pen hin ga sua ding ah, a khoi pen hi hût ding ti leh a paniu ah pha gêl ding a hiu em ti la hepaw ngal in.

THUGENTU 3:12

A dam sungsiau kipak tak ah a um ua, amau kihilim thei khêl ah a bawl ding ua thil phazaw ka hepua’n;

ISAI 32:8

Himaleh, mi ja’um tapo in ja’um tak thilte a guanggal un, thil ja’um ah chun a kinga sek ui.

ISAI 58:7

Gilkialte nêk ding la piak ah, In leh lou bei gentheite la In ah la chênsak ah, nîk leh puan beite la thuam ah, la sang la suaiteu la kisêlmang san lo ding uh hilo maw?

MATTHAI 5:42

La thil hun donte chu pia’n la, a khêl nuamle kilepsan kin.

LUKA 12:21

Mi ama â ding bep ah go khol khawm ah, Pathian lam ah hausa lo chu, zia gual chu hiding a hiu,” a tia.

LUKA 3:11

Ama chun a kiang un, “Kuale puanâk pani nei chun a neilote hawm unla, nêk ding nei chunle zia gual ma chun hiu in,” a tia.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 11:29

Nungzuite chun amau hi’thei dan chiat tuak khawm ah, Judea gam ah unaute panpina dingin thot a guau a;

NASEPTE 9:36

Joppa khua chun nungzui pakhat, a min, Tabitha kiti a um a: Zia chu Grik pau ah Dorka ahi’n. Ama thilpha bawl leh thilpiak pha ah dim mi ahi.

ROMTE 12:13

Mithiangtho tasamte chu hawm unla, malzin pha tak in zintun un.

ROMTE 12:8

mi tîlhat ding chun, mi tîl jel mai hen la; thilpiak lam ah sêm ding chun phal tak in pia mai hen la; lawi upa ah pang ding chunle taima tak in sêm hen la; jangaina tâklang ding chunle thanuam tak in tâklang mai hen.

1 KORINTH 16:2

Hapta ni masa pen ah chun mitin in la law dawu vâl zosia koidok in, khol unla, ka hung phat leh dawl khawm ngailo dingin.

2 KORINTH 8:12

Thâtnopna a um ah, min a neilo gual hilo ah, a nei tawh kiphutawk ah a piak chu kipakpi a um ngal a.

2 KORINTH 8:9

Lalpa Jesu hepina chu, a gentheina ziak ah la hung hausak theina ding un, hausa maleh nanghaw ziak ah a genthei law kha la he’nau.

GALATIA 6:10

Chutichun, hun lemchâng I nei dan dan un, mi zosia chung ah thilpha bawl chiat hitiu; ginna’ I Inkuanpiteu chung in bawl diak hitiu.

EPHESA 4:28

Gucha chun gûkchâk haisan hen la, a tasam kiang ah piak ding a neitheina dingin a khut ah dik tak in sêmgim zaw ta hen.

1 TIMOTHI 5:10

a nasep phate hetpi hita, chate vâk lian ta, zin leh lêng bawldan thiam, mithiangthote keng sil piak ta, liangvaite a la somdawl ta leh nasep pha zosia ah kipe zo mi ahi ding ahi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

TITA 3:8

Pathian gingtate chun nasep pha chu sêm ah a pilvâng diu ahi, ti hi thu ginum tak ahi: Zia thu chu hangsan tak ah gen dingin ka dawi la hi. Zia thilte chu mihingte â dingin a pha’n, a phachuam ma ma hi.

HEBRAITE 13:16

Ahi’n, thilpha hi leh kipanpitua ding hemil puai tiu, zia chu Pathian pom tâk kithoina chu ahi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

1 PETER 3:11

Gitlona kiheisan in thilpha bawl hen; chamna hawl in del pek hen.

1 JOHAN 3:17

Kua’nle khawvel sum leh pâi nei in, a suapi tasam chu mu ngal in, panpi nuamlo ta leh, Pathian hepina ama ah bang ti’n a um thei diam?

3 JOHAN 1:11

Doitak, a phalo chu enton kiu inla, a pha chu enton zaw tau in. Thilpha bawl taphot chu Pathian ah kipat mi ahi’n; thil phalo bawl taphot chun vang Pathian a mu puau hi.