1 TIMOTHI 6:16 - PATHIAN LEKHABU THIANGTHO (BSI)

¹⁶ Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

1 TIMOTHI 6:16 ပူးပေါင်းရင်းမြစ်များ

JOB LEKHABU 37:23

Hat Chungnung Pathian chu I mudok zo puau in, ama chu thilhitheina lopi leh, dikna dim ahi’n, dikna a hau ziakin, kuama pawngbawl pua’n a.

SAM 104:2

khawvak hi puan gual ah kithuamna’n la mang hi. Puanbûk gual in vante la kaipal in,

SAM 90:2

Tângte la siam masang leh, khawvel leh leilung la siam ma’nle, kumtuang ah kipat kumtuang tiang in, Pathian la hi.

PAWTDAWNA THU 3:14

Pathian in Mosi kiang in, “KEI CHU A UMZINGPA chu ka hi,” a tia. Israel mite kiang ah chun, “KEIMA kiti chun nanghaw kiang in ei sawl ka hi, ti’n gen in,” a tia.

PAWTDAWNA THU 33:20

Himaleh, ka mêl vang mu thei pua’n la: kuama ka mêl mu ngal ah, dam zing um ngai him him lo ahi ngal in,” a tia.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

HABAKKUK 3:4

A vak dan chu nisa a bang in; a khut ah pat vâk zung a kikhawdok in, zia tak ah chun thilhitheina sêlgûk ahi.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 14:9

Jesu’n a kiang in, Philip, zia chanpi hi la kiang in ka um ta’n, ei he diak nai lo la hi maw? Kuale kei ei mu chu Pa mu ahi; Pa chu kei uh ei musak in, bangtidan ah la ti a hem?

JOHAN 6:46

Pathian ah kipat hung bep longal chun, kuama’n Pa chu a mu kha puau in, ama bep chun Pa chu a mu ahi.

JOHAN 8:58

Jesu’n a dawnhu a, “Titakzet in ka hil la hiu, Abraham um masang khanle ka la um tai,” a tia.

EPHESA 3:21

suan zosia tiang in, kochuamte leh Khrista Jesu ah chun kumtuang in lopina um ta hen. Amen!

DAN LEKHABU 32:40

Van lam ah ka bân jak in, ka kihaksial ta’n; kumtuang ah ka hin nâk chun,

PHILIPPI 4:20

I Pathian leh I Pau kiang ah chun lopina kumtuang in um ta hen. Amen.

KOLOSSA 1:15

Ama chu mu theilo Pathian mêlpu ahi’n, thilsiam zosia lak ah piang masa pen ahi.

1 TIMOTHI 1:17

Khang zosia ah Lalpen, thi theilo, muthei lo, Pathian pakhat bep kiang ah chun kumtuang in choihoina leh lopina um zing ta hen.

HEBRAITE 13:8

Jesu Khrista chu jani leh tu’ni leh kumtuang in a ngai ngai ahi zing hi.

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

1 JOHAN 1:5

Thu vaithâk a kiang ah kipat ka het uh ka hun hilsawn uh chu zia hi ahi: Pathian chu vâk ahi’n, ama ah chun thim him him a um puai, ti hi.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

1 JOHAN 4:12

Kuama’n Pathian a mu kha nai puai; I kihepitua chiat ua chun Pathian chu eimau ah um in, a hepina chu eimau ah a hung bukim ahi.

JUDA 1:25

Pathian tak bep I Hukdampau kiang in, I Lalpau Jesu Khrista jal in, lopina, lalna, thilhitheina leh thuneina, hun chiasa leh tu’hun leh kumtuang in um zing ta hen. Amen.

THUPUAN 1:6

Chuleh, ei hepi ah, gitlona kipat a thisan in ei tandok ta’n, a Pa leh a Pathian lam ah lal leh thiampu ei siampa kiang ah chun, lopina leh thuneinate kumtuang in um ta hen.

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.

THUPUAN 22:5

Jan um ta pua’n tin; thaumei vâk leh nisa vâk le ngai ta pua’n tin; Lalpa Pathian in amau chu salvâk ta’n tin; kumtuang in vaihawm ta’n au.

THUPUAN 4:11

“Aw ka Lalpau leh Pathian, lopinate choihoinate leh, thilhitheinate chu chang tâk him la hi; nang in bangkim la siam ah, la kipakna ding ah siam leh um him a hiu,” a tiu a.

THUPUAN 7:12

zia gual hin La a sau a: “Amen! Maljawlna, lopina, pilna, choihoina leh kipak thu genna, thilhitheina leh hâtna chu, I Pathian kiang un, kumtuang kumtuang in um zing ta hen! Amen,” a tiu a.