1 TIMOTHI 6:1 - PATHIAN LEKHABU THIANGTHO (BSI)

¹ Pathian min leh thuhilna thu chu gensiat ah a um lona ding in, suak ngawngkol bât tapo in a puteu chiat chu jabawl tâk in ngai uh hen.

1 TIMOTHI 6:1 ပူးပေါင်းရင်းမြစ်များ

THILSIAM THU 16:9

Lalpa vansawlchâk in a kiang in, “La pi kiang in chia kit inla, a thu thu’n va um ta’n,” a ti’n.

THILSIAM THU 24:12

“Aw Lalpa, ka pu Abraham Pathian, lungsiat in tu’ni hin ei lawtinsak in, ka pu Abraham chung ah la hepina latsak in.

THILSIAM THU 24:2

Abraham in a suak, a In sung ah umte lak ah upa pen, a nei zosia chung ah thuneipa kiang ah chun, “Lungsiat tak in la khut kha ka malpi nuai in hun koi in;

THILSIAM THU 24:27

“Ka pu chung ah hepina leh dikna haisan diak lo Lalpa, ka pu Abraham Pathian chu pâk in um ta hen. Kei hile Lalpa chun ka pu suapite In lam in ei pui ahi hilam,” a ti tai.

2 SAMUEL 12:14

Himaleh, nasa tak ah Lalpa la musit ziak ah zia gual thil hi a la bawl kha la hiziak in, la cha chu vang thi ding ahi,” ti’n a gen tai.

2 LENGTE 5:13

Himaleh, a suakpa chun a hun nai ah a kiang in, “He pu, jawlnei chun haksa tak ah bawl dingin thu hun peleh le bawl ziang ding hilo a hem? Bailam tak ah, ‘Vakisil inla, thiang ta’n’ a ti chu bawl ziang in,” a tia.

NEHEMIAH 9:5

Ziaphatchun, Levite, Jeshua, Kadmiel, Bani, Hashabneiah, Sherebiah, Hodiah, Shebaniah leh Pethahiah te chun, “Ding unla, Lalpa I Pathian uh chu kumtuang ah kipat kumtuang in pakcha tau in. Lalpa, la min lopi tak chu, maljawlna leh pâkna zosia chung ah choisa’n in um ta hen,” a hun ti tau a.

ISAI 47:6

Ka mite chung ah lungna ka hi’n, ka gochante chu ka hi’buak zo tai; la khut in amau chu ka hun pia ta’n, ja’ngaina la la nei pua’n; têksete chu ngawngkol gik tak la puaksak tai.

ISAI 52:5

Tu’hin, a ziak leh jal umlo ah ka mipite chu puimang a hiu ti ka mu ziakin, bang hun bawl ding ka hi diam, Lalpa chun a ti ta ahi. A chung ua vaihawmte chun ki-uang tak ah chawl lo in, sûn nitum tum in, ka min a gensiau hi, Lalpa‘n a tii.

ISAI 58:6

Anngawl dan ka doidan chu zia gual hi ahi: Diktatlo’na khauhual thap thâk a, ngawngkol puak lâk thâk ah, nuaisia ah umte zalensak ah, ngawngkol zosia khetbot hi ahi.

EZEKIEL 36:20

Ahi’n, namtin lak a hung tun phat un, a chiana lam zosiau in, ka min thiangtho a subuak un; a chianau gam ah mite chun, “Ziate hi Lalpa mipite himaleu, a gam ah kipat pawtdokte a hiu,” a tiu a.

EZEKIEL 36:23

Ka min lopi namtin lak ah la la sukbuak uh, a lak ua la sukbuak uh chu hi’thiangtho ing ka; a mit muu ah nangmau ziak ah ka thiantho’na hi’lat ahi’phat leh, namtin in Keima hi Lalpa ka hi ti hun he ta’n au, Lalpa Pathian in a tii.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MATTHAI 11:30

Ka ngawngkol a nuam in, ka puak le a jang hi, a tia.

MATTHAI 11:9

Aleh, bang en nuam mawng mawng ah chia la hiu em? Jawlnei kha maw? Ahi, ka hil la hiu, jawlnei sâng ah lopi zaw zia hin a um hi.

LUKA 17:1

Jesu’n a nungzuite kiang in, “Pûksanna hi a umlo thei ahi puai; himaleh, pukna umsakte chung a gik hi.

NASEPTE 10:22

Amau chun, “Kornelia kiti, sepai za hotu, mi ginum tak leh Pathian kicha tak ah khawsa leh, Juda nam zosiate lak ah le minpha tak ah um chu, Pathian ah kipat hung vansawlchâk thiangtho hiatsak in, a In ah nangma vachia ah, la thugen a ngaithâk theina dingin a hung ko ding ah ei sawl ah, hung ka hiu,” a vatiu a.

NASEPTE 10:7

Kornelia kiang ah thu hung gen vansawlchâk chu a chia mang phatin, a In ah a suakte lak ah mi pani a ko a; chuleh, sepai kipezo tak, ama en zui zo zing khat tawh,

NASEPTE 15:10

Ziaziakchun, tu’hin, bang ziakin em I pu leh pateu leh, eimau ngei inle I puak zaw tâk lo uh ngawngkol chu, zia nungzuite chung ah nga kit in Pathian chu patep ding I hiu em?

ROMTE 2:24

“Nangmau ziakin Pathian min chu, Jentelte lak ah sukminsiat in a um tai,” ti zik gual ah khan.

1 KORINTH 10:32

Judate hi’n, Grikte hi’n, Pathian kochuam hitaleh, a kilikna ding bangma bawl kiu in;

GALATIA 5:1

Suak hilo dingin Khrista chun ei thâdok tai; ziaziakchun, ding det unla, suak ngawngkol in tâng kit ta kiu in.

DAN LEKHABU 28:48

bangkim tasam kawm ah gilkial, dangchâk leh ngawnchang in Lalpa‘n nanghaw do ding ah la mêlmateu a hun sawlteu na chu sep piak in lau.

1 TIMOTHI 5:14

Ziaziakchun, meithâi khangdawng nalai deute chun pawsal nei uh hen la, chate nei uh hen la, a Insung uh pawtûp in, mêlma’n ei demna ding uh lemchâng musak kileu ka dawi hi.

TITA 2:5

kisumthei ding leh kikoi thiangtho ding leh, Insung enkol tup ding leh, pawsalte nuai ah kitulut ding leh, amau ah Pathian thu chu gensiat ah a um lona ding ah a hil theina ding un.

1 PETER 2:12

Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.

1 PETER 3:16

Nunnem leh ja um tak ah um in, sia leh pha hetna chîm tak nei unla, nang uh hun gensete’n Khrista ah la umdan uh phat ziakin mualpho in au.