1 TIMOTHI 5:17 - PATHIAN LEKHABU THIANGTHO (BSI)

¹⁷ Kochuam upa pha tak ah vaihawmte chu a le’ni ah choisa’n tâk ah ngai hiu hen, a diak in thugen leh thuhil ah sêmgimte chu;

1 TIMOTHI 5:17 ပူးပေါင်းရင်းမြစ်များ

2 LENGTE 2:9

A gâlkâi phat un, Elijah in Elisha kiang in, “La kiang ah kipat lakmang ah ka um masang in, bang hun bawl piak leng la nuam em ei gen in,” a tia. Elisha chun, “Lungsiat tak in la thagau chan a le’ni ei gosia in,” a tia.

ISAI 40:2

Jerusalem kiangah chun aw nem tak in thugen un: A thok gimnau kum a ting ta’n, a gawtna ding uh piak zaw a hita’n, a gitlonau zosia thukna chu, Lalpa khut ah kipat in a lêni’n a mu kit zo tai.

JEREMIAH 16:18

A milim ki’dak um takteu luang chun ka gam a pum ah a la sukpolche tak ziak uh leh, ka gochan chule a ki’dak umnau ah a la sundim tak ziak un, a khawlonau leh a gitlonau chu a le’ni in thuk ding ka hi.

JEREMIAH 17:18

Ei gawt gentheite mualpho uh hen la, kei vang ei mualphosak kin; amau chu lungdong uh hen la, kei vang ei lungdonsak kin. A chung un siatna ni tunsak inla, a le’ni in siatna tunsak in!

ZEKARIAH 9:12

Aw kinepna nei ah koltângte haw, la kulpi lam uh zuan kit tau in; a le’ni in hun tung ding kit ding ka hi ti, tu’ni ma ma hin ka puang ahi.

KISIMNA LEKHABU 18:31

Ziate chu nang tawh la In sung mite’n khoi tak mun inle nethei ta’n lau; zia chu kikhopna biakbûk ah la nasep man ding ua hun kipia ahi ta’ngâl a.

MATTHAI 24:25

En tiam un, a hun masang ah ka hun hil la hiu.

LUKA 10:7

La tunna ngai un tung zing unla, a hun piak tapo uh chu ne’n, dawn mai un; nasemte chu law mu tâk ahi ngal a. In chuam chuam in kichawn vêl vêl kiu in.

LUKA 12:42

Lalpa chun, ahileh, suak ginum leh sepkol ginum, a pu’n a Insung hotu ding ah a guat ding leh, a hun tak ah a nêk ding uh ngaitua tûp piak sek ding chu a kua pen chu ahi diam?

JOHAN 4:38

La tu’lo uh leh la sep gimlonau ah, bu va ât dingin ka hun sawl la hiu; midang in a la sepgimnau ah lût ding la hiu,” a tia.

NASEPTE 11:30

zia chu a bawl ngei un, Barnaba leh Saul khut in a upateu kiang tung dingin a thot tau hi.

NASEPTE 20:35

Bangkim ka hun nunmu ah, migentheite panpina ding ah la sep gim ding dan uh leh, ama I Lalpau Jesu ngei in, “Lâk sâng in piak in lukhawng a nei zawi,” a ti kha hezing un, a tia.

NASEPTE 28:10

Amau chun nasa tak in ei jau ah; ka kipatdaw kit ding phat ua chun, ka mamaw thilteu chu ei piau a.

ROMTE 12:8

mi tîlhat ding chun, mi tîl jel mai hen la; thilpiak lam ah sêm ding chun phal tak in pia mai hen la; lawi upa ah pang ding chunle taima tak in sêm hen la; jangaina tâklang ding chunle thanuam tak in tâklang mai hen.

ROMTE 15:27

Zia a thilbawl uh chun amau a kipaksak ah, zia gual thil hi, chu a bat uh le ahi him a; Jentelte chun thagau lam ah a thil chanteu chu a hun kikoppi tâk ziak un, taksa lam thil ah amau tâksapnau a kithuapiu chu, a bawl ding dawl uh le ahi him hi.

ROMTE 16:12

Triphaina leh Triphosa, Lalpa nasêm gim sekte kha, chibai ei bûkpiak un. Doi tak Persis, Lalpa nasem, gim ma ma kha chibai ei la bûk piak un.

1 KORINTH 15:10

Himaleh, Pathian lungsiatna jal in ka hi’ding gual tak ka hi zo ta’n; chun a lungsiatna chu a thawn puai. Amau zosia sâng in ka sêm nasa zaw bawn hi; himaleh, keima sep hilo in, Pathian lungsiatna kei ah um chun a sep a hizawi.

1 KORINTH 16:16

Zia gual mite leh, amau naseppi leh sepgimpi taphot kiang ah chun lut dingin ka ni la hiu.

1 KORINTH 3:9

Kei uh chu Pathian naseppi, a suakte ka hiu in, nang uh chu Pathian louma leh Pathian In chu la hiu hi.

2 KORINTH 6:1

Pathian hepina chu phatchuampi lo ah chang la hilona ding un, ama seppite hin in ka hun ni’ la hiu.

GALATIA 6:6

Chun, thuhil ah umpa chun a hilpa kiang in thilpha zosia pia hen.

DAN LEKHABU 18:8

A Inkuan neithil a zokna man uh nei tho maleu, thiampu dangte tawh nêk ding kibang tak in a chang tho tho ding uh a hi.

PHILIPPI 2:16

hinna thu chu la taklat theina ding un; zia kipakna chu keima’n Khrista ni a hung tun phat leh, a thawn in ka sêm gim pua’n, a thawn in ka tai gim puai, ka ti ngamna ding in.

PHILIPPI 2:29

Ziaziakchun, kipak tak in Lalpa ah ama hi a la lop unla, zia gual mi hi a la jabawl tau in.

PHILIPPI 4:3

Ahi, ka ngawngkol bâtpi dik tak, nang le zia numeite kha panpi dingin ka ni la hi; amau chun Klemen leh ka seppi dang, hinna bu ah a min uh chuangte tawh, chanchinpha ah chun ei la seppi ngal ua.

1 TIMOTHI 3:5

aziak chu, min ama Insung nangawn a puaktûp zaw lo chun bangti’n Pathian kochuamte enkol thei ding a hem?

1 TIMOTHI 4:10

Zia ziak tak ah chun I sêmgim un, I pang ham ham uh ahi; Pathian hing ah chun I kinepnau a um ah, ama chu mi zosia Hukdampa, a gingte â ding ah hizaw diak ahi.

1 TIMOTHI 4:14

Upa vaihawmte’n a khut ngat kawm ua thugenlawk dungzui ah thilpiak, nangma ah um chu ngaisak lo in um kin.

1 TIMOTHI 4:16

Nangma leh la thuhil ah pilvâng tak in um in; zia thilte chu bawl zom zing in, zia gual ah la bawl chun nangma leh la thu ngaithate chu hukdam in um in au.

1 TIMOTHI 4:6

Ziate chu unaute la hiatsak ahi chun, Khrista Jesu ah nasêm pha, ginna thute leh thuhilna pha la zuite ngei ah chu kivâk thahât hiding la hi.

1 TIMOTHI 5:19

Kochuam upa a hêknau chu hiatpitu pani a hem, pathum a hem a umlo ua leh pom kin.

1 TIMOTHI 5:3

Meithâi hi tak tak, meithâite chu jabawl in.

2 TIMOTHI 2:6

Lou ah sêmgimpa chu thâiga chang masa pen ahi ding ahi.

2 TIMOTHI 4:2

Thu chu gen in; a hun ah le, a hun lo ah le gunchu zingin; a thiamlo ziau hiatsak inla, zilgai inla, tilkhau inla, daw zo takin thu hil in.

HEBRAITE 13:17

La hotuteu thu mang unla, a nuai un kitulut un; amau in la thagau uh hun vêng bit ah, la chanchin uh hil ding ahi ngal un. Zia chu kipak tak leh thatho tak in sêm zawu hen, achutiloleh, nanghaw â dingin khawk zaw ding ahi.

HEBRAITE 13:24

La hotuteu leh mithiangtho zosia chibai ka bûk ui. Itali mite hin le a hun bûk ui.

HEBRAITE 13:7

La hotuteu, Pathian thugente chu hezing un; a hinkhua mat danteu chu ngaituau inla, a ginnau chu enton in zui un.