1 TIMOTHI 5:10 - PATHIAN LEKHABU THIANGTHO (BSI)

¹⁰ a nasep phate hetpi hita, chate vâk lian ta, zin leh lêng bawldan thiam, mithiangthote keng sil piak ta, liangvaite a la somdawl ta leh nasep pha zosia ah kipe zo mi ahi ding ahi.

1 TIMOTHI 5:10 ပူးပေါင်းရင်းမြစ်များ

THILSIAM THU 18:4

tui neukhat hun lau hen la, la keng uh sil unla, zia thingbul lîm ah hin chawldam tadiu in;

THILSIAM THU 19:2

Chuleh, a kiang un, “Ka Lalpa te, lungsiat tak in la suak In ah hin hung lût ta diu inla tu’jan giak un, la keng uh sil ta diu in; jing leh ma tak ah tho in, la chiana ding lam un chia na’n lau,” a ti’n. Himaleh, amau chun, “Himaijenlo e, khawlai ah giak zaw’ng kau,” a tiu a.

THILSIAM THU 24:32

Tichun, mipa chu In sung ah chun a lut ah, Laban in sangawngsaute van a thap piak ah; sangawngsaute â dingin bupawl leh gan an a pia’n, ama keng leh a lawite keng silna dingin tui le a pia tai.

THILSIAM THU 43:24

Amau chu Joseph In ah chun a pui lût ah, a keng silna ding uh tui le a pia’n; a sabiltungteu chu an a piak sung ah chun,

SAM 119:4

Nang in la thununna thute chu, phatchuamngai tak ah ka vop theina dingin, thu lei pia ta ngal a.

ISAI 1:17

thilpha bawl zil un; vaihawmna dik hawl unla, tawden ah umte hukdok unla, nauchagate hûk unla, meithâite genpi un.

THIAMPUTE LEKHABU 25:35

La suapipa a genthei ah, la lak ua a khawsak maw chun la kaitua ding uh ahi; mikhual gual in la kaitua ding uh ahi.

MATTHAI 25:17

Zia gual ma chun talent ni changpa kha le a kuandok ah, talent ni dang a vaveipung kit a.

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

LUKA 7:38

A nung ah chun a kengbul ah kap kawm kawm in a ding ah, a mitthitui in a kengpêk chu a hi’top ah, a sam in a thiak ta’n. A kengpêk chu a chawp ah, zia sathau chu a nu’ tai.

LUKA 7:44

Chuleh, numei lam chu a nga, “Zia numei hi la mu em? La In ah ka hung lut in keng silna ding tui lei pepua’n; himaleh, ama hin a mitthi tui in ka keng a sil ah, a sam in a thiak hi.

NASEPTE 10:22

Amau chun, “Kornelia kiti, sepai za hotu, mi ginum tak leh Pathian kicha tak ah khawsa leh, Juda nam zosiate lak ah le minpha tak ah um chu, Pathian ah kipat hung vansawlchâk thiangtho hiatsak in, a In ah nangma vachia ah, la thugen a ngaithâk theina dingin a hung ko ding ah ei sawl ah, hung ka hiu,” a vatiu a.

NASEPTE 22:12

Zia tak ah chêng mi pakhat, dan lam ah le mi kipe zo tak mai, Judate lak ah le mi min pha tak, Ananiah kiti chu a la um a;

NASEPTE 6:3

Ziaziakchun, suapite haw, la lak ua mi minpha pasagi, Thagau leh pilna ah dim chiat hun têldok unla, amau chu zia nasem ding ah hin hun namdet ing kau.

NASEPTE 9:36

Joppa khua chun nungzui pakhat, a min, Tabitha kiti a um a: Zia chu Grik pau ah Dorka ahi’n. Ama thilpha bawl leh thilpiak pha ah dim mi ahi.

NASEPTE 9:39

Tichun, Peter le a kipan ah, a zui ngal ah; a tun phatin pindan chungnung lam ah chun a pui to pai tau a. Meithâite zosia chu a kiang ah dingin a la kap un, Dorka chun a dam lai ah amau â ding ah a puanâk leh puan a bawlpiakte chu a la etsak ua.

ROMTE 12:13

Mithiangtho tasamte chu hawm unla, malzin pha tak in zintun un.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

1 TIMOTHI 2:10

nasep phate’n kivan zawu hen; zia chu numei Pathian ngaisak kitite â ding ah kilawm him ahi.

1 TIMOTHI 3:2

Chutichun, kochuam hotulian chu dem kâi lo, ji pakhat nei, kisûm thei, lungthim navak, mi ja’um, mi lop thiam, mi hil thiam;

1 TIMOTHI 3:7

Zia lo chun le, pawlam mite gen phat a hiding ahi; a chutilochun, gensiat ah um in diabol thâng ah chun awk kha’n a.

1 TIMOTHI 5:16

Gingtu numei kua’nle chanau meithâi a nei leh panpi hen; kochuam chung chu giksak ki’hen, meithâi tak takte chu a kaitua theina ding un.

1 TIMOTHI 5:25

Zia gual ma chun thilpha chu a kilang ziang a um in, zia gual hilote chule sêlgûk thei ahi diak puai.

1 TIMOTHI 6:18

Amau chun thilpha a hiu ah, nasep pha lam ah a hausat ua, a huangphal ua, a kiphal ding uh ahi.

2 TIMOTHI 1:5

Ginna tak tak nangma ah um chu ka hezing hi; zia ginna chu a lim in la pi Loisi leh, la nu Euniki ah a um in, tu’hin nangma ah le a um hi ti ka hechian tai.

2 TIMOTHI 2:21

Kuale zia thil phalo ka gente lak ah kipat a kihi’thiantho chun, bêl manpha, In neipa â ding ah a thiangthosa leh mat tâk, nasep pha zosia ah matthei ngal chu hi’n a.

2 TIMOTHI 3:15

chuleh, Khrista Jesu ginna ziak ah hukdamna lam ah hun hil pilthei, Lekha Thiangtho kha la naupan lai ah kipat la het ahi tai, ti hezing in.

2 TIMOTHI 3:17

Pathian mite zosia chu thiam tak, nasep pha chitin sêm ding ah kithuam bukimsa a hitheina ding un.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

TITA 2:7

Bangkim ah thilpha lam taphot ah, mi etton dingin kisiam inla; la thugen ah chun la lunglut zia leh la ti’takna a kilat a;

TITA 3:1

Kuale a chung ua vaihawmte leh thuneite nuai ah kitulut ding leh, thumang ding leh, napha taphot sêm ding ah kisazo ding leh,

TITA 3:14

Chuleh, I mipiteu khan ga sua lo ah a um lona ding un, thil mamawte sêmdok dingin nasep pha sep dan zilsak in.

TITA 3:8

Pathian gingtate chun nasep pha chu sêm ah a pilvâng diu ahi, ti hi thu ginum tak ahi: Zia thu chu hangsan tak ah gen dingin ka dawi la hi. Zia thilte chu mihingte â dingin a pha’n, a phachuam ma ma hi.

HEBRAITE 10:24

Hepina leh nasep pha ah kitîlhat in kikhoksak tua chiat hitiu.

HEBRAITE 13:2

Malzin khawtua ding sumsial kiu in; zia gual a bawlnau ah hin khenkhat in a het lo kâl un vansawlchâkte a la zintun kha sek uh ahi.

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.

1 PETER 2:12

Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.

1 PETER 4:9

Phunchiak lo in kizintun tuau inla;

3 JOHAN 1:12

Mi zosia’n le Demetria chu thutak ngei inle a pâkchau hi; Kei unle ama chu ka hiatsak un, ka hiatsaknau chu a dik ngei hi ti la hia’i.