1 TIMOTHI 4:8 - PATHIAN LEKHABU THIANGTHO (BSI)

⁸ Taksa lam ah kisoizoina hin phatchuamna a nei tho hi; himaleh, Pathian ngaisakna chu bang lam lam inle a phachuam hi; tu’ ah hinna leh hinna hung tung ding tiang ah thutep nei ahi.

1 TIMOTHI 4:8 ပူးပေါင်းရင်းမြစ်များ

JOB LEKHABU 22:2

Mihingte hin Pathian â ding ah, phatchuamna a nei awm? mipil pen pen te ziang hile, a mat tak ding a um ua a hem?

JOB LEKHABU 36:11

A ngaisak ua, a na a sep ua chun, a dam sung nikhuau chu, muizang tak in a mang tum sek un, a kumteu chule nuam tak in a mang zo sek ui.

SAM 145:19

Ama laute lungtup chu a lawtin sek in; a kiko thawm uh hia’n a hukdok sek hi.

SAM 37:11

Thunuaigolte chun vang gam hi lua in au; vangphatna nasa tak chên in au.

SAM 37:29

Midikte chun gam hi lua in, kumtuang in chêng in au.

SAM 37:9

Mi nunsiate chu paithâk in, hung um ding ahi ngal un; Lalpa ngâkte chun vang gam hi la lua’n au.

SAM 84:11

Lalpa Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, Lalpa‘n thilpha him him a ît ngai puai.

THUPILTE 19:23

Lalpa launa chu hinna dik tak ahi’n; zia neite chu bit tak ah chawldam in, siatna le tuak pua’n au.

THUPILTE 22:4

Thunuaigolna leh Lalpa launa man chu, hausakna leh choihoina leh hinna ahi.

THUGENTU 8:12

Migilo in thil phalo za khat vei bawl hen la, a damsung nikhua hisau in um ziang leh le, Pathian lau mi, a ma-âng ah lau dan thiam tak ah um chu a pha zawi ti ka hia’i;

ISAI 3:10

Mawna neilote chun a khut sepgim gau, ne ding a hiziak un, mi vangpha ahi dan uh hil in.

ISAI 33:16

zia gual mite chu munsâng leh, thawveng ah chêng intiu in; a kisêlnau chu suangpi lak ah kulte chu hi’ntin, a nêk ding uh piak hizing intiu in, a tui dawn ding uh kang ngai pua’n a.

JEREMIAH 6:20

Sheba ah kipat begaw a hun puau a, gamla tak ah kipat kêlzu thum tak a hun puak uh haw hi; kei â dingin bang ah pang ding a hem? La hâlmang thilpiakteu pom tâk a hipua’n, la kithoinateu le kipak um ahi diak puai.

MATTHAI 12:32

Kuale, Mihing Chapa gensia chu ngaidam thei hi’ntin; Thagau Thiangtho gensia chu vang ngaidam thei hi pua’n au; zia khawvel leh khawvel hung tung kit dinginle.

MATTHAI 19:29

Kuale ka min ziak ah In a hem, a suapipa a hem, suapinu a hem, a nu a hem, a pa a hem, a ji a hem, a cha a hem, a gam a hem nusia chun, a le, za’n mu’n tiu in, kumtuang hinna chang in au.

MATTHAI 6:33

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

MARKA 10:30

tu’ damsung ma ma hinle, Inte, suapipate, suapinute, nute, pate, gamte, sukgentheina tawh ale’ za khat ah mulo ding a um puau, a hung tung ding kumtuang hinna tawh.

LUKA 5:38

Uain thak chu thawl thak ah thun ding ahi.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

1 KORINTH 3:22

Paul le, Apollo le, Kipha le, khawvel le, hinna le, thina le, thil um laite le, thil um dingte le; a leng un nang uh â ahi;

1 KORINTH 8:8

An hin Pathian ei naisak pua’n tin. Nelo lehinle I siatpi pua’n, ne lehinle I phatpi diak puai.

1 TIMOTHI 4:7

Thu kiphuak kawm polche leh tuanthu manlote ah chun kihi’ nât kin. Pathian ngaisakna lam in kisawizoi in.

1 TIMOTHI 6:3

Kua’nle thuhilna chuam a hun hil ah, thu dik, I Lalpa Jesu Khrista thute leh, Pathian ngaisakna tawh kituak ah thuhilnate pom lo ahi chun,

1 TIMOTHI 6:5

ngaituana gilo leh thutak neilo mite lak ah chun kinialnate a um sek ah, amau chun Pathian ngaisak hi lawkna ding bep in a ngaituau hi.

1 TIMOTHI 6:6

Lungawina tawh kithua ah Pathian ngaisakna hi lawkna thupi tak chu vang ahi him hi;

2 TIMOTHI 3:5

pawlam bep ah Pathian ngaisak, himaleh a thilhitheina taksanglote hi ding a hiu. Zia gual mite chu kiheisan in!

TITA 3:8

Pathian gingtate chun nasep pha chu sêm ah a pilvâng diu ahi, ti hi thu ginum tak ahi: Zia thu chu hangsan tak ah gen dingin ka dawi la hi. Zia thilte chu mihingte â dingin a pha’n, a phachuam ma ma hi.

HEBRAITE 13:9

Thuhilna zat chuam taphot zui ziang kiu in; nêk leh dawn thu, a zuite â ding ah le phachuam lo haw hi ngaisak kiu in, lungthim hi vang kidoisakna suk-hat ah um sek ahi.

1 JOHAN 2:25

Ama’n ei tiam piak chu kumtuang hinna hi ahi.

THUPUAN 3:12

Kuale a zo tapo chu ka Pathian biak In ah khuam in pansak ing ka tin, zia kipat chun pawt kît ta pua’n tin; chuleh, a chung ah chun ka Pathian min leh, ka Pathian khawpi min Jerusalem thak, van ah Pathian kiang ah kipat hung kitâwl suk min leh keima min thak chu zik ding ka hi.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

1 SAMUEL 15:22

Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.