1 TIMOTHI 4:16 - PATHIAN LEKHABU THIANGTHO (BSI)

¹⁶ Nangma leh la thuhil ah pilvâng tak in um in; zia thilte chu bawl zom zing in, zia gual ah la bawl chun nangma leh la thu ngaithate chu hukdam in um in au.

1 TIMOTHI 4:16 ပူးပေါင်းရင်းမြစ်များ

1 KHANGTHU 28:10

Tu’hin, Lalpa chun a mun thiangtho In sa ding ah chun a hun têl ta’ngâl a; lunglut tak leh hat tak in um inla, sêm mualsua ta’n, ti’n a gen tai.

2 KHANGTHU 19:6

zia vaihawm ding ah a guatte kiangah chun, “La mawpuaknau hi ngaitua phau in, mihing thasâng ah vaihawm hilo in, Lalpa thasâng ah vaihawm ah pang la hiu ti ngaitua zing unla; ama chun la vaihawmnau ah hun umpi zing ahi.

PAWTDAWNA THU 23:13

La kiang ua ka gen zosia hi pha tak in ngai un; pathian dangte min him him sua ki’un la, la kam ua kipat in gitdawsak him him kiu in.

ISAI 55:11

zia gual tho ah chun, ka kam ah kipat ka thu pawtdok sa chule, a thawn in kile’kit ziang pua’n tin, ka hi’guat chu hun hi’zo intin, ka sawlna lam lam ah chun, a thil hi’ding zosia chu pha tak in mualsua in a.

JEREMIAH 23:22

Ka vaihawmna hung ding hileuchu, ka mipite kiang in ka thu genjak ding a hiu a; chutileh, a gitlona lampiu leh, a thil phalo bawlteu chu haisan ta ding a hiu a.

MARKA 13:9

Himaleh, nanghaw vang chingthei tak in um un; vaihawmte hun mat sak intiu in, sunagog ah hun vua’n tin uh; keima ziakin vaihawmte leh lengte ma ah, amau hiatsakna dingin pui in um in lau.

LUKA 21:34

La lungthimteu chu nêk papna leh zu duna leh, zia khawvel dam sung ngaituanate ah la kisukbuai lai tak ua leh, la kigin lo lai tak ua a hung tun phut ziang lona ding in, kiging zing in um un.

NASEPTE 26:22

Himaleh, Pathian panpina dong in, tu’ni hin la âng ah dingin, milian leh mineute kiang ah thu gen thei nalai in ka um ah, ka thugen chu Mosi leh Jawlneite’n thil tung ding a gen sekteu tilo chu bangma dang ahi diak puai:

NASEPTE 6:4

Kei uh ka hiu leh, pauchapnate leh thu nasepna’n kipia’ng kau,” a tiu a.

ROMTE 11:14

Chutichun, ka chipite chu ka mitthîpsak ah, a lak ua mi khenkhatte bêk ka hukhin theina dingin.

ROMTE 16:17

Suapite haw, nangmau thu kihilna tawh kikãl ah, kikhenna leh pûkna siamte chu vêngpha ding leh, kiheisan dingin ka don la hiu.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

1 KORINTH 1:21

Khawvel in pilna mang ah Pathian a het zaw tâk lo nung in, Pathian pilna chun ngolhuai tak ah thu kigente chu mang in, a gingte hukdam chu a kipakna lam tak ahi ngal a.

1 KORINTH 9:22

A jawngkhalte ka lâk lut theina dingin, a jawngkhalte kiang in jawngkhal gual in ka um sek hi. Bangti a hem ah khenkhat bêk ka hukdaw theina dingin, mi zosia kiang in bangkim ka hi tai.

1 KORINTH 9:27

himaleh, midangte kiang ah ka tângkopi nung ah paithâk ah ka um lona ding in, ka taksa hi sawizoi in ka thunun sek ahi.

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

KOLOSSA 4:17

Chuleh, Arkhippa kiang ah khan, “Nasepna Lalpa ah la mu kha mualsua dingin chingthei in,” a la tiu in.

1 THESSALONITE 2:16

amau chun, Jentelte kiang ah hukhin a hitheina ding ua thu gen ei khâm ui. Tichun, a gitlo te’nau a hi’dim zing un; himaleh, Pathian lungnatna chu a chung un a hung tung tai.

1 TIMOTHI 1:3

Makedonia gam ah ka chia ding kuan ah ka hun hil gual khan, Ephesa khua’n umzing inla, mi khenkhat in thugin chuam zilsak lo ding ah la hiltheina ding leh,

1 TIMOTHI 4:15

Mi zosia’n la phatchuamna a mutheina ding un zia thilte chu bawl inla, zia thilte ah chun kipe zo in.

1 TIMOTHI 4:6

Ziate chu unaute la hiatsak ahi chun, Khrista Jesu ah nasêm pha, ginna thute leh thuhilna pha la zuite ngei ah chu kivâk thahât hiding la hi.

2 TIMOTHI 2:10

Ziaziakchun, têlte ziak ah chun bangkim in ka thuak zo hi; chutia, amau inle Khrista Jesu ah hukdamna chu, kumtuang lopina chu tawh a mutheina ding un.

2 TIMOTHI 3:14

Himaleh, nang vang, kua kiang ah zil la hem ti kihia’n, la zil leh la hetchiante ah chun umzing in,

2 TIMOTHI 4:2

Thu chu gen in; a hun ah le, a hun lo ah le gunchu zingin; a thiamlo ziau hiatsak inla, zilgai inla, tilkhau inla, daw zo takin thu hil in.

TITA 1:9

thugin dik tak mang ah mite thu a hiltheina ding leh, a nialte chu a zaw theina ding ah, hil ah a um gual ah thu gin um tak chu tudet mi a hi ding ahi.

TITA 2:15

Zia thute hi hil inla, zilgai in. Kuama’n hun simmaw kiu hen.

TITA 2:7

Bangkim ah thilpha lam taphot ah, mi etton dingin kisiam inla; la thugen ah chun la lunglut zia leh la ti’takna a kilat a;

PHILEMON 1:19

Keima Paul in ka khut ngei ah ka hun zik ahi, keima’n dit piak ing ka; keima lam ah nang in la hinna ngei le la bat ahi ti vang ka hi diak puai.

HEBRAITE 12:15

Pathian doisakna chang zo lo ah kuama la hung um lona ding un chingthei tak in um un; la lak ua buaina hun tun thei ding leh, mi tam tak hun subuak thei ding kituak lona zung la lak un ke’dawsak kiu in.

HEBRAITE 13:9

Thuhilna zat chuam taphot zui ziang kiu in; nêk leh dawn thu, a zuite â ding ah le phachuam lo haw hi ngaisak kiu in, lungthim hi vang kidoisakna suk-hat ah um sek ahi.

JAKOB 5:20

migilo a vâkmanna ah kipat pui kit taphot chun, migilo chu thina kipat a thagau hukhing intin, gitlo tam tak le liakhu in ah, ti he tau in.