1 TIMOTHI 4:12 - PATHIAN LEKHABU THIANGTHO (BSI)

¹² La khangdawng hi’na kuama’n hun musit ki’hen; himaleh, pau dan leh tawidan, hepina, ginna leh thianthonate ah chun gingtute etton dingin um zaw ta’n.

1 TIMOTHI 4:12 ပူးပေါင်းရင်းမြစ်များ

ZEKARIAH 2:4

a kiang in, “Tai inla, zia tangval kiang ah sawn, Jerusalem chu a sung ah mihing leh gancha a tam bêk ziakin, khawneu kulbâng bei gual mai ah lua dim ah hung um ding ahi, ti vagen in.

MATTHAI 18:10

Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

1 KORINTH 11:1

Khrista ka etton gual in, keima ei enton un.

PHILIPPI 4:8

A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.

1 THESSALONITE 1:6

Thu chu sukgentheina thuak kawm in, Thagau Thiangtho ah kipak tak in la pom ua, kei uh leh Lalpa umdan zuitute la hitau hi.

1 THESSALONITE 2:10

Nang uh gingtute chung ah thiangtho leh dik tak leh, demna bei ah ka um dan uh nangmau leh Pathian a hiatpite la hiu hi.

1 TIMOTHI 1:14

I Lalpau hepina chu, Khrista Jesu ah um ginna leh hepina chun keima ah nasa tak in a dimlêt tai.

2 TIMOTHI 2:15

Pathian âng ah pom tâk, nasemtu zachatna ding neilo, thutak thu chu dik tak ah hilchian thei mi hiding in la theitawp sua in.

2 TIMOTHI 2:22

Khanglai nopnate chu jamsan inla, lungthim thiangtho tak ah Lalpa min lam taphot te tawh felna, ginna, hepina leh kichamna te hi del zaw ta’n.

2 TIMOTHI 2:7

Ka thugen hi ngaitua in, Lalpa chun bangkim in hettheina hun pia ding ahi.

TITA 2:15

Zia thute hi hil inla, zilgai in. Kuama’n hun simmaw kiu hen.

TITA 2:7

Bangkim ah thilpha lam taphot ah, mi etton dingin kisiam inla; la thugen ah chun la lunglut zia leh la ti’takna a kilat a;

JAKOB 3:13

La lak ua pil leh hethiam a um awm? Umdan pha tak ah la thil hi phatteu chu pilna ah kipat nunnemna tawh etsak un.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

1 PETER 5:3

la chanteu chung ah kilalsak lo in, pawlte etton ding ah kisiam zaw’n, kaihuai un.