1 TIMOTHI 3:16 - PATHIAN LEKHABU THIANGTHO (BSI)

¹⁶ Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

1 TIMOTHI 3:16 ပူးပေါင်းရင်းမြစ်များ

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

MATTHAI 13:11

Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

MATTHAI 28:2

Lalpa vansawlchâk chu van ah kipat hung kumsuk in; thânkot sitna suang kha a hun likdok ah, a chung ah a chut lai in, nasa tak in lîn a hung kilîng hi.

MATTHAI 3:16

Jesu baptisma a chan zaw ah tui lak ah kipat a hung pawt phatin, van a hung kihong a, Pathian Thagau chu vakhu gual in a hung suk ah, a chung ah hung chû a mu tai.

MATTHAI 4:11

Ziazaw chun, diabol chun a nusia ta’n; vansawlchâkte a hung un, a na a hung sep piak tau hi.

MARKA 1:13

Gamthip ah chun Setan thep in ni sawmli a um a; gamsa lak in a um ah, vansawlchâkte chun na a hung sep piak tau a.

MARKA 16:19

Lalpa chun, zia thute chu a gen zaw phatin, van lam ah pui to in a um ta’n, Pathian changlam ah a hang chu tai.

MARKA 16:5

Thân sung ah chun a lut ua leh, tangval pakhat puan chual vâm tak ah kivan, a changlam pang ah kichu chu a muu a; a lau ma mau a.

LUKA 2:32

vâk, Jentelte salvâk ding leh, la mi Israelte lopina ding chu,” a tia.

LUKA 20:44

David chun, Lalpa, a ti leh, bang ti’n a chapa hithei ding a hem?” ti’n a dong a.

LUKA 22:43

Zia lai tak ah chun, van ah kipat in vansawlchâk pakhat a kiang in a hung kilâk ah, a hung hi’hat a.

LUKA 24:4

Lungkham tak ah a um lai un, mi pani puanvam tak, mi sal thei hial sil in a kiang un a hung ding ua.

LUKA 24:51

amau haw a maljawl lai tak in, amau tawh khen in a um ta’n, van lam ah lâk to in a um tai.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 13:3

Jesu chun, Pa’n bangkim a khut ah a koi leh, Pathian ah kipat hung ahi’n, Pathian kiang ah chia kit ding ahi dante chu hezing in;

JOHAN 15:26

Himaleh, Genpiakpa, Pa ah kipat ka hun sawl ding, thutak Thagau chu a hung tun phat leh, keima chanchin ma hi hun taklang ding ahi.

JOHAN 16:28

Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

JOHAN 17:5

Chuleh, He Pa, tu’hin khawvel kisiam masang ah, la kiang ah nangma ngei lopina lei choisa’n gual ah khan ei chawisang kit ta’n.

JOHAN 20:12

vansawlchâk pani puan vâm sil in, Jesu luang lupna mun ah chun, pakhat a lu lam ah, pakhat a keng lam ah kichu a mu’n.

JOHAN 6:62

Chuti ahileh, Mihing Chapa hi masang ah a umna ngai ah khan, a kal to mu leuchin bang la tiding awm?

NASEPTE 1:19

Zia thu chu Jerusalem ah chêng zosia’n a hiau a; ziaziakchun, zia lou mun chu amau pau in Hakeldama a tiu ah, zia chu, “Thisan Lou mun,” ti’na ahi.)

NASEPTE 10:34

Peter chun thu a hun gen pan a: “Tu’hin, Pathian in mi doichuam diak a nei puai ti kichian tak in ka he tai;

NASEPTE 14:27

A hung tun phat un kochuamte chu a hun ko khawm ua, amau mang ah Pathian in na a sep zosia chu a gensawn ua, Jentelte kiang ah le ginna kot a kihon tâk dante a gen tau a.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

ROMTE 10:12

Judate leh Grikte kikâl ah bangma kikhiakna a um puai, Lalpa pakhat, mi zosia chung ah Lalpa ahi, a min lam tapote chung ah phatna a hau ngal a.

ROMTE 10:18

Ahi’n la, a bil un a hepuau ah a hem? He e: “A thawm uh lei chung zosia’n a kithang in, a thuu chu kawl kîmvêl tiang in a thang suak tai,” ti ahi.

ROMTE 16:25

Tu’hin, ka chanchinpha gen leh, Jesu Khrista puanlat ah a umna dungzui leh, khang sawt tak puandaw lo ah a la um thugûk kilatdawna dungzui ah,

ROMTE 16:26

ahi’n la, tu’hun ah hung kipuangdok leh kumtuang Pathian thupiak dungzui ah, jawlneite’n lekha zik mang ah, ginna thuzopna um dawsak theina ding a ti, Jentelte kiang ah hiatsak ah um, a hun hi’hat thei Pathian–

ROMTE 3:4

Hinaisai lo e! Mi zosia zuauthei hi zawu hen la, Pathian chu dik hen; Pathian thu ah: “La thugen in nang thiam a hun chansak ah, vaihawmna la zaw theina dingin,” ti zik gual ah khan.

ROMTE 8:3

Chutichun, Dan in a mamaw chu, ei uh taksa dan ah chawn lo ah, Thagau dan ah chawnte ah hin sukbukim ahitheina dingin,

ROMTE 9:5

pu leh pate kha le amau â a hiu ah, taksa lam thu ah Khrista le amau lak ah kipat hung pawt ahi’n; ama chu thil zosia chung ah um ahi, kumtuang ah pâk tâk Pathian ahi, Amen.

1 KORINTH 15:47

Mi masa chu lei ah siam ahi’n, leivui mihing ahi; himaleh, a pani’na pa chu van ah kipat hung Lalpa chu ahi.

1 KORINTH 2:7

Himaleh, Pathian pilna chu thugûk, pilna kisêlgu gual in ka gen un, zia chu Pathian in khawvel um ma ah I lopina ding ua a la namdet tâk chu ahi.

2 KORINTH 1:19

A ziak chu, Pathian Chapa Jesu Khrista, keima leh Silvana leh Timothi in la kiang ua a thu ka gen uh chu, “Ahi,” ti tawh, “Ahi puai,” a ti gêl gêl pua’n, ama ah chun thil zosia chu, “Ahi,” ti ahi zing hi.

GALATIA 2:8

(zektanlote sawlchâk hiding ah Peter ah sêmpa chun Jentelte sawlchâk hiding in keima ah a sêm ngal a.)

GALATIA 4:4

himaleh, a hunbî a hung tin phatin, Pathian in a Chapa, numei suan in, dan nuai ah hung piang in a hun sawl tai.

EPHESA 1:9

Khrista ah a thiltup, a doilam dungzui ah a lunggil thugûk chu ei hiatsak ta ahi.

EPHESA 6:19

Chanchinpha thugûk chu hangsan tak ah gen ding ah ka kam ka kât ah, thu ka gen theina dingin ei pauchap piak un,

KOLOSSA 1:23

van nuai khawvel thilsiam zosiate kiang ah kigen, la la het tâk uh thutiam kinepna chu, thasuak lo ah la tukdet zing theina ding un, a hung kipia ahi. Keima, Paul hi, zia chanchinpha nasem ding ah chu pang ka hi tai.

KOLOSSA 1:27

Lopina hung tung ding I kinepnau leh, zia thugûk a lopi dan tak sulangpa Khrista nangmau ah a chênna thu a lopi dan tak hi, Jentelte kiang ah gen lang dingin Pathian in ei guat tai.

KOLOSSA 1:6

Zia chanchinpha chu khawvel zosia ah ga ah a pun pek gual in, la kiang un a hung tung ah, Pathian hepina chu thutak ah la ngaithâk ua, la het niu ah kipat in nangmau ah le ga in a pung zing hi.

KOLOSSA 2:2

Pathian thugûk, Khrista ngei hi hetna a hun nei ua, hetchianna lam ah hausa tak ah a hung umtheina ding un, a lungthim uh tîlkho a hiu ah; hepina a kipumkhat theina ding uh chu ka doilam tak ahi ngal a.

2 THESSALONITE 1:10

a mithiangthote suklopi ah um ding leh, ka hun thu hiatsak uh gin ziak ah a gingtute zosia lamdang sak ah um ding ah a hung phat leh,

2 THESSALONITE 2:7

Dan bawsiatna thugûk chun tu’hin le a sêm zing ahi; himaleh, lakmang ah a um masang sia chu, tu’hin a tutâng tadi hi,

1 TIMOTHI 3:9

Sia leh pha hetna thiang tak ah ginna thugûk vopdet mi ahi diu ahi.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

HEBRAITE 7:7

Ahi’n, nial gual lo in a neuzaw chu a lianzaw’n a maljawl sek hi.

HEBRAITE 8:1

Tu’hin, thil I gen zosia ah a thupi chu zia hi ahi: Van ah Chungnung pen lalchutpha changlam ah kichu thiampu lianpen chu I nei ui;

1 PETER 1:12

Amau â ding hilo in, nang uh â ding ah sêmgim a hiu ti hiatsak a hiu hi. Zia thute chu van ah kipat sawl Thagau Thiangtho jal ah chanchinpha hun hilte’n a hun hil tau hi; zia thilte chu vansawlchâkte’n le a het nop uh ahi.

1 PETER 1:20

Ama chu leilung siam masang ah guatlawk hisa, hun nunung lam ah nang uh ziak ah hilat ahi tai.

1 PETER 1:21

Ama jal in, mithi lak ah kipat kaithopa leh a lopina petu Pathian gingte chu la hitau ah; la ginnau leh kinepnau chu Pathian ah kinga ahi.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

1 PETER 3:22

Ama chu van ah chia in Pathian changlam ah a um a; vansawlchâkte, thuneinate leh thil hi’theinate chu ama thu thu ah umsak ahi tai.

1 JOHAN 1:2

Zia kumtuang hinna, Pa kiang ah um leh kei uh kiang ah latsak ah um ta chu la kiang un ka tâklang tau hi:

1 JOHAN 3:5

Ama chu gitlona la mang dingin a hung kilang a; chuleh, ama ah chun gitlona a um puai, ti la hiau hi.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

THUPUAN 17:5

A chal in, “Babulon khawpi thugûk, lei chung ah nawchizuakte leh thânghuaite nu,” ti a kizik a.

THUPUAN 17:7

Vansawlchâk chun ka kiang in, Bangatia maksa la hem? Zia numeinu chuanna sahâng luchang sagi leh kî sawm nei leh a zia nu thugûk chu hun hil ding ka hi.

THUPUAN 7:9

Ka et kit leh, mipi tam tak, simsên lo, gamtin ah mite, pautin ah mite puan vâm sil leh a khut ua tûmbâkte chawi in, Belamno leh lalchutpha ma ah chun a hung ding tau a.