1 TIMOTHI 2:7 - PATHIAN LEKHABU THIANGTHO (BSI)

⁷ Zia ding ah chun thugen ding leh sawlchâk ding, (thutak ka gen ahi, juau ka gen puai,) ginna leh thutak ah Jentelte thu hil ding ah guat ka hi.

1 TIMOTHI 2:7 ပူးပေါင်းရင်းမြစ်များ

SAM 111:7

A khut nasepte chu a ginum in, a dik hi; a thununna thu zosia chu a muan um hi.

THUGENTU 1:12

Keima, Thugentu hi Jerusalem ah, Israelte chung ah leng ka la hi’lai in;

THUGENTU 7:27

Thugentu chun, en tiam in, zia hile a mudawbe chu ahi: Thil dang khat tawh a dang khat I belap leh a pumpi chu a kimu bep hi, ti hi;

JOHAN 7:35

Ziaphatchun, Judate chu a kiho ua, I mu tâk lona ding ua chu khoi ah chia ding a diam? Aleh, Jentel kithe’jakte lak ah thugen ah chia ding ahi diam?

NASEPTE 14:27

A hung tun phat un kochuamte chu a hun ko khawm ua, amau mang ah Pathian in na a sep zosia chu a gensawn ua, Jentelte kiang ah le ginna kot a kihon tâk dante a gen tau a.

NASEPTE 22:21

Ziaphatchun, ama chun, zia kipat hin pawt in, gamla tak ah Jentelte kiang ah hun sawl ding ka hi, ei tia, ti’n a gen a.

NASEPTE 26:20

a lim ah Damaska khua umte kiang ah; zia nung ah chun, Jerusalem khua umte kiang ah leh Jentelte kiang tiang inle, gitlo haisan tak tak ah, thilpha a bawl ua, Pathian lam ah a hung kiheina ding un ka hil zaw sek ta ahi.

NASEPTE 9:15

Himaleh, Lalpa chun a kiang in, “Chia mai in; ama hi Jentelte leh lalte tawh Israel chate kiang ah ka min pawlut ding ah matchâk ding ah ka têl ahi;

ROMTE 1:9

A Chapa chanchinpha nasepna ka thagau zosia ka panna Pathian chu ei hiatpitu ahi; tichun, ka pauchapna ah chun hemil lo in la min uh ka sua zing sek a.

ROMTE 10:14

Ahi’n la, a ginchâk lo uh chu bangti’n a lam diam uh? A thu a het lo uh chu bangti’n ging thei ding a hiu em? Thugen a umlo leh bangti’n a la hethei ding a hiu em?

ROMTE 11:13

Tu’hin, nanghaw Jentelte kiang in ka gen ahi: Jentelte â ding ah sawlchâk ka hiziak in, keima nasep chu ka hun chawisâng ahi.

ROMTE 15:16

Chanchinpha ah thiampu nasepna lam ah chun, Jentelte kiang ah Jesu Khrista nasêmpa ka hi’theina dingin; chutichun, Jentelte kipiakna chu pom tâk leh, Thagau Thiangtho ah sukthiantho a hitheina ding in.

ROMTE 9:1

Khrista ah chun thutak ka gen ahi, juau ka gen puai; ka sia leh pha hetna hin Thagau Thiangtho ah chun ei hetpi ahi.

1 KORINTH 9:1

Zalen hilo ka hem? Sawlchâk hilo ka hem? I Lalpa Jesu mu hi talo ka hem? Nanghaw chu Lalpa a ka sep ga hilo la hiu em?

2 KORINTH 11:31

Lalpa Jesu Pathian leh Pa, (kumtuang in ama chu pâk in um zing hen!,) ama ah chun zuau ka gen puai.

GALATIA 1:16

Jentelte lak ah a chanchinpha ka gen theina dingin, a chapa chu lungdam tak ah keima ah a kilatsak lai khan, taksa leh thisan tawh kiho hilo in,

GALATIA 1:20

La kiang ua thu ka zikte hi Pathian mit mu inle ka zuau puai.

GALATIA 2:16

himaleh, dan thilhite ziakin mi thiamchang in a um puau a, Jesu Khrista gin ziak bep in thiamchang in a um zawu hi, ti I he ngal un; ei unle dan thil hi’ziak hilo in, Khrista ginna ziak ah thiam I chan theina ding un, Khrista Jesu chu I ging uh ahi; dan thil hi’ te ziakin mihing him him thiamchang in um pua’n au.

GALATIA 2:9

Tichun, hepina kei kiang ah piak ah um chu a mu phât un, Jakob, Kipha, Johan leh Inkhuampi ah a ngaiteu chun, kei uh Jentelte kiang ah chia ding leh, amau chu zektante kiang ah chia dingin, kei leh Barnaba chu kipawl theina khut changlam ei pia tau a.

GALATIA 3:9

Chutichun, ginna ah umte chu ginna nei Abraham tawh maljawl in a um khawm sek ui.

2 TIMOTHI 1:11

Zia chanchinpha â ding ah chun, tângsam leh sawlchâk leh thuhilpa hiding ah guat ka hi’n,

2 PETER 2:5

Chuleh, ama ngaisaklote umna khawvel ah khan tui a lêtsak ah, malai khawvel chu a hawi pua’n; ahi’n la, dikna thugenpa Noah kha midang pasagi tawh a hukhing hi.