1 TIMOTHI 2:5 - PATHIAN LEKHABU THIANGTHO (BSI)

⁵ A ziak chu, Pathian pakhat bep a um ah, Pathian leh mihing kikâl inle Palai pakhat bep a um hi, ama Khrista Jesu, Mihing ngei chu,

1 TIMOTHI 2:5 ပူးပေါင်းရင်းမြစ်များ

JOB LEKHABU 9:33

Ka kikâl ua endiktu ding, ka chung ua khut tha thei a um paw’ngâl a.

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

MATTHAI 1:1

Abraham suan, David suan ah Messiah kiti, Jesu hung pian dan chu zia gual hi ahi:

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

LUKA 14:22

Ahi’n, suakpa chun, ‘He pu, la thu ei piak gual ah khan ka hita hen, ahi ziakin mun a awng nalai hi’ a tia.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

NASEPTE 4:12

Midang kuama kiang in hukdamna a um puai, van nuai mihing minsak lak ah ei hukdam thei ding min dang piak in a um pawngal a,” a ti’n.

ROMTE 1:3

zia a Chapa Jesu Khrista I Lalpau, taksa lam thu ah David suan ah siam a hung um chu;

ROMTE 10:12

Judate leh Grikte kikâl ah bangma kikhiakna a um puai, Lalpa pakhat, mi zosia chung ah Lalpa ahi, a min lam tapote chung ah phatna a hau ngal a.

1 KORINTH 8:4

Milim hona kithoina thillat nêk thu ah chun, “Khawvel milimte hi bangma ahi puai,” ti leh, “Pathian pakhat beplo ngal chu a dang a um puai,” ti I hechiat ui.

1 KORINTH 8:6

eimau â dingin vang Pathian pakhat bep a um ah, ama chu thil zosia siampa leh eimau le ama ah I umnau Pa chu ahi’n; ama jal ah thil zosia siam ah um leh, ama ziak ah I hinnau, Lalpa Jesu Khrista pakhat bep chu a um hi.

GALATIA 3:20

Chuleh, palai I ti him him chu mi pakhat sâng ah tam zaw kikâl ah palai a hisek hi; Pathian vang pakhat ahi.

EPHESA 4:6

Pathian pakhat, mi zosia Pa, ama chu bangkim chung ah um ahi’n, bangkim jal in a um ah, bangkim ah le a um hi.

DAN LEKHABU 6:4

Aw Israelte haw, ngai tiam un, Lalpa I Pathian uh bep hi Lalpa ahi.

1 TIMOTHI 6:13

Pathian, thil bangkim hinna pepa leh Khrista Jesu, Pontia Pilat ma ah puandawna pha puangpa âng in thu ka hun pia ahi:

HEBRAITE 12:24

chuleh, thuthung thak palai Jesu, Abel thisan sâng ah thu phazaw gen ding ah thisan kithe’na kiang lam ah hung khawmte la hizaw ngal un.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

HEBRAITE 8:6

Tu’hin chu thutiam phazaw chung ah kiphu det, thuthung phazaw ah palai ahiziak in, Jesu chu nasep phazaw a chang tai.

HEBRAITE 9:15

Ziaziakchun, ama chu thuthung thak palai a hung hita’n, thuthung masa nuai ah bawsiatnate kipat kote chun kumtuang goluana thutiam chu a chan theina ding un, a thina chun a tandok tai.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

THUPUAN 1:13

zia thaumei koina pasagi lak ah chun, mihing chapa hileh kilawm tak, a puanâk a kêngpek chan ah chual, a tai ah sana kawnggâk gâk chu ka mu’n.