1 TIMOTHI 2:4 - PATHIAN LEKHABU THIANGTHO (BSI)

⁴ ama chun mi zosia hukhin ah um ding leh thutak he ding in a dawi hi.

1 TIMOTHI 2:4 ပူးပေါင်းရင်းမြစ်များ

ISAI 45:22

Nanghaw, kawlkil tiang ah umte haw, keima lam hun ngau inla, hukdam in um tau in! Keima bep hi Pathian ka hi’n, a dang a um puai.

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

ISAI 53:11

A thokgimna kipat in vâk mu’n a; a hetna ziakin lungkimna nei ta’n a. Mi diktat, ka nasêmpa chun, mi tam tak diktatsak intin, a dukdaklo’nau zosia ama’n paw ta’n a.

ISAI 55:1

Dangchâk zosia tui tamna lam ah hin hung un; dangka neilote le hung unla, hung kichawk in dawn un! Hung unla, uain leh bawngnawi, dangka ngai lo in, a man bei in hung kichawk tau in.

EZEKIEL 18:23

Lalpa Pathian in, “Migilo in a nunchan haisan ah a hin sâng in, migilo chu a gitlona ziakin thi leh kipak zaw dingin lei ngai ua a hem?” a ti’ngal a.

EZEKIEL 18:32

Kuama thi’na chu ka kipakpi paw’ngal ah, Lalpa Pathian in a tii. Hung kihei un; tichun, hing in lau.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

HABAKKUK 2:14

Tui in tuisuagiat a chup dim gual in, Lalpa lopina hetna chun khawvel hi sukdim hi’n a.

MATTHAI 28:19

ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;

MARKA 16:15

Tichun, a kiang un, “Khawvel zosia’n chiau inla, thilsiam zosia kiang in chanchinpha vagen un.

LUKA 1:77

a mite chu a gitlonau ngaidam ah, hukdamna chu hiatsak dingin.

LUKA 14:23

A pu chun, a suakpa kiang ah chun, ‘Chia inla, lamlian leh dai kiang vêl ah le mi la mu mu hun ko khawm in, ka In ah mi a dim theina ding un.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 17:17

Thutak in amau hi’thiang in, la thu chu thutak ahi ngal a.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

ROMTE 11:14

Chutichun, ka chipite chu ka mitthîpsak ah, a lak ua mi khenkhatte bêk ka hukhin theina dingin.

1 TIMOTHI 4:10

Zia ziak tak ah chun I sêmgim un, I pang ham ham uh ahi; Pathian hing ah chun I kinepnau a um ah, ama chu mi zosia Hukdampa, a gingte â ding ah hizaw diak ahi.

2 TIMOTHI 2:25

a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

2 TIMOTHI 3:7

ziltil ah um zing ngal ah thutak hetdaw’na nei theilote a hiu.

TITA 1:1

Paul, Pathian suak leh Pathian ngaisakna lam ah thutak hetna leh Pathian mi têl, ginna dungzui ah Jesu Khrista sawlchâk chun,

TITA 2:11

Pathian doisakna chun, mi zosia â dingin hukdamna a hun kilatsak tangal a;

HEBRAITE 10:26

Thutak hetna I nei nung un gilo kitleu hin, gitlona thoina ding um kit ta pua’n tin;

JAKOB 3:14

Ahi’n, la lungthim ua thangsiatna leh nangmau bep kikhualna la nei ua leh, kiletsak in thutak chu zuau chansak kiu in.

2 PETER 3:9

Mi khenkhat in chanchûm ah a ngai gual un, Lalpa chu a thutiam lam in a chanchûm puai; kuama manthai ding doilo in, mitin in lunghei leu ti a dawi ziakin la lam un a dawthei zaw ahi.

2 JOHAN 1:1

Upa chun, têlchuam ah um Numei leh a chate, thutak jal ah ka ngainat, keima bep hilo ah, thutak he zosiate’n a ngainat uh kiang ah chun:

THUPUAN 14:6

Chun, lei ah um nam tin, chitin, pautin leh mitinte kiang ah gen ding, kumtuang chanchinpha nei vansawlchâk pakhat vanlai jawl ah lêng ka mu’n.