1 TIMOTHI 2:3 - PATHIAN LEKHABU THIANGTHO (BSI)

³ Zia chu I Hukdampau Pathian mit mu in a pha’n, a pom tâk hi,

1 TIMOTHI 2:3 ပူးပေါင်းရင်းမြစ်များ

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

LUKA 1:47

“Ka hinna hin Lalpa a chawihoi ah; ka thagaule ka Hukdampa Pathian ah chun, a kipak ma ma hi;

ROMTE 14:18

Kuale zia gual ah Khrista nasêm ah pangte chu Pathian pom tâk a hiu in, mihing pâkchâk le a law sek ui.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

PHILIPPI 4:18

Bangkim ka nei ta’n, ka hau ahi; Epaphrodita khut ah thil lei hun thawtteu kha ka la mu’n, ka kiningting tai. Zia chu thillat gimtui, Pathian â ding ah kithoina pom tâk leh kipak um chu a hi.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

1 THESSALONITE 4:1

Chutichun, suapite haw, a tawp pen in la umdan ding uh leh Pathian la kipaksak dan ding uh, tu’ la umdan uh, keimau ah kipat la zil uh hi, la hau diakna ding un Lalpa Jesu ah chun ka ni un ka tilkhau la hiu.

1 TIMOTHI 1:1

Paul, I hukdampau Pathian leh Khrista Jesu I kinepnau, thupiak dungzui ah Khrista Jesu sawlchâk hin,

1 TIMOTHI 4:10

Zia ziak tak ah chun I sêmgim un, I pang ham ham uh ahi; Pathian hing ah chun I kinepnau a um ah, ama chu mi zosia Hukdampa, a gingte â ding ah hizaw diak ahi.

1 TIMOTHI 5:4

Meithâi pakhat chun chate a hem, tute a hem a nei chun, ama Insung ah sakhaw lam ah a mawpuakna zil masa hen la, a nu leh pate chung ah phatna thuk hen; zia chu Pathian mit mu ah kipak um ahi ngal a.

2 TIMOTHI 1:9

Ama chun I thilhite dungzui hilo in, ama thiltup leh a hepina dungzui in ei hukhing in, kona thiangtho in ei ko a. Zia hepina chu khawvel kisiam ma ah, Khrista Jesu ah ei piak a hita’n;

HEBRAITE 13:16

Ahi’n, thilpha hi leh kipanpitua ding hemil puai tiu, zia chu Pathian pom tâk kithoina chu ahi.

1 PETER 2:20

La gitlo ziak ua la thok uh chun, thuak hat tak in um maleu chun, pâkchâkna bang a hem la law ding uh? Ahi’n la, la bawl phat ziak ua la thok ua, thuak-hat tak ah la um ua leh, zia chu Pathian kipakna lam ahi.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.