1 TIMOTHI 2:1 - PATHIAN LEKHABU THIANGTHO (BSI)

¹ Chutichun, a masa pen ah chun, thildot pauchapnate, pauchapna him himte, midang â ding ah pauchapnate leh kipak thu gennate hi mi zosia â ding ah nei piak dingin ka hun tîl la hi;

1 TIMOTHI 2:1 ပူးပေါင်းရင်းမြစ်များ

EZRA 6:10

chutileh, van Pathian kiang in a pom tâk leh a lungdamna lam takah kithoina gimtui a lat ua, Lengpa leh a chate damtheina ding inle ei pauchap piak theina ding un.

SAM 72:19

A min lopi tak kumkhua’n pâk in um hen la; khawvel pumpi hi a lopina’n lua dim suak ta hen. Amen! Amen!

JEREMIAH 29:7

Sal ah la tânnau khawpi zosia a phatna ding ngaituau inla, a phatna ding un Lalpa kiang ah don un; amau phat theina chu nanghaw â ding ah le phat theina ahi ngal a.

NASEPTE 17:30

Pathian in I mawllai hunteu ah ei ngaithiam ah; ahi’n la, tu’hin gamtin ah mi zosia chu lunghei dingin thu a pia ta ahi;

ROMTE 1:8

Khawvel zosia la ginnau chanchin gen ah a um tâk ziakin, Jesu Khrista jal ah chun ka Pathian kiang in kipak thu ka gen masa ahi.

ROMTE 6:17

Himaleh, Pathian kiang in kipak thu um ta hen, nang uh gitlo suak ah a la um lai chu, la kiang ua thugin hung kigen chu la la zop tâk ziak un,

1 KORINTH 15:3

Keima’n ka la mu chu thil poimaw masa pen gual in ka hun hilsawn la hiu, Khrista chu Pathian Lekha thu gen gual in, I gitlo ziak un a hung thi ta’n,

2 KORINTH 8:6

a bul a la patsa, zia hepina nasep hi nangmau ah hi’buting ngal dingin Tita chu ka don tau a.

EPHESA 3:13

Chutichun, nanghaw ziak ah ka thokgimnate ziak ah hin lungkham lo dingin ka ni la hiu; ziate hi la lopinau ahi.

EPHESA 5:20

I Lalpau Jesu Khrista min in, Pathian, Pa ngei kiang ah chun bangkim in kipak thu gen zing tau in.

EPHESA 6:18

Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

PHILIPPI 1:3

Nanghaw ka hetdaw phat si’n leh, ka Pathian kiang in kipak thu ka gen sek hi.

PHILIPPI 4:6

Bangmalo mai mai in lungkham kiu inla, bangkim ah pauchap leh don in, kipak thu gen kawm in, la dotnateu chu Pathian kiang in hiatsak zaw tau in.

1 THESSALONITE 3:12

Chuleh, nangmau chung ah hepina ka hau gual un, la lak ua kihepituana leh mi zosia chung ah hepina chu Lalpa‘n hun hi’pun piak ta hen.

2 THESSALONITE 1:3

Suapite haw, nangmau chung thu ah hin Pathian kiang ah kipak thu gen ding him ka hiu; zia chu hi’ding ah kilawm him ahi, la ginnau chu nasa tak ah khang in, la leng ua la kihepi tua chiatnau chu a khan belap zing ngal a.

1 TIMOTHI 2:4

ama chun mi zosia hukhin ah um ding leh thutak he ding in a dawi hi.

1 TIMOTHI 5:5

Meithâi hi tak tak, ama bep ah um chun, Pathian chung ah kinepna a koi ah, sûn leh jan in don leh pauchap in a um sek hi.

2 TIMOTHI 2:24

Lalpa suak in kinak a chîn ding a hipua’n, mi zosia chung ah nunnem, thuhil thiam leh lungdia thei ahi zawk ding ahi’n,

TITA 2:11

Pathian doisakna chun, mi zosia â dingin hukdamna a hun kilatsak tangal a;

TITA 3:2

kuama gensia lo ding leh, kinak haisan ding leh, nunnem ding leh mi zosia kiang ah thunuaigolna tâklang dingin hil kit in.

HEBRAITE 6:11

Ahi’n, a tawp tiang in kinepna bukim mu dingin, la taimat gual uh khan taimat suazaw diak dingin ka dawi la hiu hi.

JAKOB 5:16

Chutichun, sukdam ah la umtheina ding un, la gitlonateu thupha kichawi tuau in la, kipauchaptua piak un. Midik pauchapna chun thil ahi’thei ah, a phachuam hi.