1 TIMOTHI 1:5 - PATHIAN LEKHABU THIANGTHO (BSI)

⁵ Ei un thuhil ding I kol pen uh hi ahileh, lunggil thiangtho leh sia leh pha hetna thiang leh ginna tak tak ah kipat pawt hepina ahi zaw ngal a.

1 TIMOTHI 1:5 ပူးပေါင်းရင်းမြစ်များ

SAM 24:4

Khut thiangtho leh lungthim thiangtho nei ah, a lungthim ah bangmalo mai mai ngaitua ngailo ah, lungthim dawha phalo nei ah kitiam ngailo mite chu.

SAM 51:10

Aw Pathian, keima ah hin, thinlung thiangtho siam inla; ka sung hin thagau thak leh dik koi ta’n.

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

ZEPHANIAH 3:7

“Matheilo in ei lau ta’n tiu in, hilna thu le ngai ta’n au; a chung ah thil ka tunsak zosia hi, mu khial ta sam pua’n au,” ka ti hen. Himaleh, a thil phalo bawl uh, a phalo zaw diak a bawl kâl uh a ngaklel ma mau hi.

MATTHAI 12:35

Mipha chun a lungthim gobawm pha ah kipat chun thilpha a suadok sek in: Migilo chun a lungthim gobawm gilo ah kipat chun thil gilo a suadok sek hi.

MATTHAI 5:8

Lunggil ah thiangthote chu mi hampha a hiu; Pathian mu ding ahi ngal un.

NASEPTE 15:9

Ziaziakchun, eimau leh amau kikâl ah kidanglamna bangma a umsak ta puai, amau haw lungthim le ginna’n a sukthian piak ta ngal a.

NASEPTE 23:1

Paul chun, vaihawm pawlte chu en zing in, “Suapite haw, tu’ni tiang ah hin Pathian ma ah sia leh pha hetna thiang tak in ka um zing hi,” a tia.

NASEPTE 24:16

Zia thu hin ka sia leh pha hetna ziakin Pathian lam leh mihing lam inle theitawp ah panpi dingin ka kisa him ahi.

ROMTE 10:4

Kuale a ging tapo chun Pathian dikna chu a chan theina ding un, Khrista chu dan suktawpna a hung hita ahi.

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

ROMTE 14:15

Himaleh, la thil nêk ziakin la suapi a sukliam chun, hepina um talo la hi tai. Ama â ding ah Khrista thi ta, mi dang khat chu la thil nêk in manthai sak dâ hen.

ROMTE 9:1

Khrista ah chun thutak ka gen ahi, juau ka gen puai; ka sia leh pha hetna hin Thagau Thiangtho ah chun ei hetpi ahi.

1 KORINTH 13:1

Mihingte leh vansawlchâkte pau in thu gen maleng, hepina ka neilo chun, dak gi a hem, vaikhutbet gi a hem gual bep ka hi.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

DAN LEKHABU 10:12

Aw Israel, tu’hin Lalpa la Pathian un a hun phût chu bang ahi tam? Ama Lalpa la Pathian uh la lau ua, a lampi zosia la zui ua, la hepiu ah, Lalpa la Pathian uh chu la lungthim zosia leh la ngaituanau zosia ah ama na bep la sep ding uh,

1 TIMOTHI 1:18

Ka chapa Timothi, la chungchâng ah genlawknate tawh kituak in zia thuhilnate hi ka hun pia ahi; tichun, ziate chu la zui ah, kidona pha chu la do theina dingin.

1 TIMOTHI 1:19

Ginna leh sia leh pha hetna thiang tak vop zing in. Mi khenkhat in a sia leh pha hetnau chu paitha’n, ginna lam ah chun kuang kek gual in a buaisia tau hi;

1 TIMOTHI 3:9

Sia leh pha hetna thiang tak ah ginna thugûk vopdet mi ahi diu ahi.

2 TIMOTHI 1:3

Ka pu leh pate’n a la ho gual un, sia leh pha thiang tak nei ah a na ka sep, Pathian kiang ah sûn leh jan ah ka pauchapnate ah chun nanghaw hun hezing in, kipak thu ka gen zing sek ahi.

2 TIMOTHI 1:5

Ginna tak tak nangma ah um chu ka hezing hi; zia ginna chu a lim in la pi Loisi leh, la nu Euniki ah a um in, tu’hin nangma ah le a um hi ti ka hechian tai.

2 TIMOTHI 2:22

Khanglai nopnate chu jamsan inla, lungthim thiangtho tak ah Lalpa min lam taphot te tawh felna, ginna, hepina leh kichamna te hi del zaw ta’n.

TITA 1:15

Mithiangtho â dingin bangkim a thiangtho ah; himaleh, mibuakte leh ginglote â dingin vang bangma a thiang a um puai; a lungthim uh leh a sia leh pha hetnau nangawnle a buak tai.

HEBRAITE 10:22

lungthim dik tak pu’n, ginna kihetchianna bukim chu nei in, I lunggil sia leh pha hetna chu suthiang in, I taksau le tui thiang ah sil in, ama chu nai hitiu.

HEBRAITE 13:18

Kei â dingin ei pauchap piak un; sia leh pha hetna thiang tak ka nei ui ti ka hechian un, bangkim in dik tak ah um ka guau hi.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

JAKOB 4:8

Pathian chu nai un; tichun, ama’nle hun nai in a. Nang uh mi gilote haw, la khut uh sil thiang unla, nang uh mi phalêmte haw, la lunggil uh hithiang un.

1 PETER 1:22

Thutak mat ziak ah la hinnau la sukthiantho tâk ziak un, kihepituana dik tak la nei thei tau a; lunggil tak in kihepitua chiat tau in.

1 PETER 3:16

Nunnem leh ja um tak ah um in, sia leh pha hetna chîm tak nei unla, nang uh hun gensete’n Khrista ah la umdan uh phat ziakin mualpho in au.

1 PETER 3:21

Zia kibatpi baptisma chun, taksa buakna sukthianna bep hilo in, Pathian lam ah sia leh pha hetna sukthianna hizaw in, Jesu Khrista thawkitna ziakin tu’hin a hun hukhing tai.

1 PETER 4:8

Bangcheng sâng in, phatchuamngai tak in kihepi tua chiat unla; hepina’n gitlo tam tak a khû sek ngal a.

2 PETER 1:7

la Pathian ngaisaknau ah chun suapite ngainatna pansak unla; la suapite ngainatnau ah chun hepina pansak tau in.

1 JOHAN 3:10

Zia hin Pathian chate leh diabol chate chu tâklat ahi: thil diklo bawl taphot chu Pathian ah kipat ahi puau in, a suapite hepilo taphot chule ahi diak puau hi.

1 JOHAN 3:23

A thupiak chu zia hi ahi: A chapa Jesu Khrista min ging in, ama’n thu ei piak gual in kihepi tua chiat leu hing, ti hi.

1 JOHAN 3:3

Kuale, zia kinepna nei taphot chu ama a thiantho gual in a kisuthiangtho sek ui.