1 TIMOTHI 1:16 - PATHIAN LEKHABU THIANGTHO (BSI)

¹⁶ Himaleh, ziaziak tak ah chun ahi jangaina chu ka mu; chutia, a gilo pen keima ah Jesu Khrista dawtheina kim latsak ah um chu, tu’nung ah ama hun gingte chun, kumtuang hinna a mu ding uh chu etsakna hiding in.

1 TIMOTHI 1:16 ပူးပေါင်းရင်းမြစ်များ

2 KHANGTHU 33:19

A pauchapna, Pathian in a thildot a dawnhu dan, a gitlona zosia leh a ginum lo dante, a thoimual siamna munte, dawikhuam a bawlte leh a milim siamte leh a kingainiam ma’ a thilbawl zosia chu, thiamgau in a thil tepte’na lekhabu chun a la zik lut suak ta ahi.

SAM 25:11

Aw Lalpa, la min ziakin ka gitlona ngaidam in, ka gitlona a huaisia ngal a.

PAWTDAWNA THU 34:8

Mosi’n kin tak ah leitual sî bokkhup in chibai a bûk ta’n.

ISAI 1:18

Lalpa‘n, “Tu’hin hung unla, ngaitua khawm hitiu, la gitlonateu chu puan sandup gual in um maleh, vûk gual in vâm in a; santhîp ziang ta maleh, samul vâm gual hung hi’n a.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

KISIMNA LEKHABU 23:3

Balaam in Balak kiang in, “Ka vachia mang sung in nang in la hâlmang thillatte hi a la umpi zing in. Ei hung kimupi ding ah Lalpa a hung khâk leh. Ei musak zosia chu la kiang ah hun hil na’ng ka,” a ti’n. Tichun, tângvûm khat in a vachiasan tai.

LUKA 15:10

Ka hil la hiu, zia gual ma chun, Pathian vansawlchâkte ma ah chun migilo pakhat lungheina ziakin kipakna a um sek ahi, a tia.

LUKA 23:43

Jesu’n a kiang in, “Titakzet in ka hil la hi, tu’ni hin Paradis ah ka kiang ah um ding la hi,” ti’n a dawnhu tai.

LUKA 7:47

Ziaziakchun ka hil la hi, a gitlona tam tak chu ngaidam a hi tai; ama chun ei hepi ma ma ngal a. Kuale ngaidamna dong tawm chun hepinale a nei tawm ui,” a tia.

JOHAN 20:31

himaleh, zia lekhabu hi, Jesu chu Pathian Chapa Messiah chu ahi ngei hi, ti la hun taksan ua, ama ging ah, a min ah kumtuang hinna la neina ding ua zik ahi zawi.

JOHAN 3:36

Kuale Chapa ging chun kumtuang hinna a nei tai; chuleh, kuale Chapa ging lo chun hinna mu pua’n tin, Pathian lungnatna chu um zaw’n a, a tia.

JOHAN 5:24

Titakzet in ka hil la hiu, kuale ka thu he ah, ei sawlpa ging chun, kumtuang hinna a nei tai, vaihawmna lut ta pua’n tin, thina kipat pawt in hinna’n lut zaw ta’n a.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

JOHAN 6:40

Chuleh, zia hi ka Pa doigual chu ahi, kuale Chapa mu ah, ama gingcha chun kumtuang hinna nei uh hen la; chuleh, nitawp ni leh ama chu keima’n kaitho leng,” a tia.

JOHAN 6:54

Kuale ka taksa hi ne’, ka thisan dawn chun kumtuang hinna a nei hi, zia mi chu nitawp ni phat leh kaitho kit ding ka hi;

NASEPTE 13:39

zia Jesu ginna ziak ah chun, Mosi Dan in a tatdaw theilo chu a hung tandok ta ahi.

ROMTE 15:4

Pathian Lekha thu, ngilneina leh kitilkhona chung ah kinepna I nei thei zawkna ding un, malai ah thu a la kizikte kha, eimau kihilna ding ah zik a la hingal a.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

1 KORINTH 7:25

Tu’hin, nungak thiangthote chungchâng in Lalpa thupiak him ka nei puai; ahi’n, muan um ding ah Lalpa‘n hepina ei piak ziakin ka ngaidan gen ing ka.

2 KORINTH 4:1

Pathian hepina ziak ah zia nasepna hi ka nei ziak un ka lungthuai puau hi.

EPHESA 1:12

Ei haw Khrista ah ginna a la nga masate hi a lopina pâkna I hung hi theina ding un.

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

EPHESA 2:7

Chutichun, hun hung tung kit ding ah te chun Khrista Jesu ziak ah I chung ua nunnem in, a hepina lopi hau dan te’gual lo chu ei musak theina ding in.

2 THESSALONITE 1:10

a mithiangthote suklopi ah um ding leh, ka hun thu hiatsak uh gin ziak ah a gingtute zosia lamdang sak ah um ding ah a hung phat leh,

1 TIMOTHI 1:13

Tu’ma khan Pathian gensepa, a hi’gentheipa leh a hi’liampa a la hitama leng, ginglo pum ah ka la hetlo ziak, ahiziak in jangaina chu ka mu ahi.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

1 PETER 3:20

amau chun malai ah Noah dam lai ah Long tuk sungsia, Pathian dawtheina a ngak lai khan thu a mang puau ah, zia Long ah chun mi tawmcha, mi pagiat, tui ah kipat hukhin in a um uh ahi.

2 PETER 3:15

Lalpa dawtheina chu hukdamna’n guat un. I suapiu doitak Paul in le, pilna piak ahi dungzui in la kiang un a hun zik tai.

2 PETER 3:9

Mi khenkhat in chanchûm ah a ngai gual un, Lalpa chu a thutiam lam in a chanchûm puai; kuama manthai ding doilo in, mitin in lunghei leu ti a dawi ziakin la lam un a dawthei zaw ahi.