1 TIMOTHI 1:10 - PATHIAN LEKHABU THIANGTHO (BSI)

¹⁰ mithanghuaite, tawkawhûkte, mihing ah kiveite, juautheite, juau ah kihaksialte leh,

1 TIMOTHI 1:10 ပူးပေါင်းရင်းမြစ်များ

THILSIAM THU 19:5

Lot chu a hun ko ua, “Tu’jan ah la kiang ah mi hung lûtte kha khoi lam ah a um tau em? Amau ka pawl theina ding un ei hun pedok in,” a tiu a.

THILSIAM THU 37:27

Hung un, Ishmaelte kiang ah sawn zuak zaw mai hitiu: ama hi I nau uh, I suapiu leh I taksa ngei ngei uh ahiziak in a chung ah khut tha puai tiu,” a ti’n. A suapite chunle lem a sa tau a.

THILSIAM THU 40:15

Hebraite gam ah kipat ei gûk mang uh ka hi’n; zia gam ah hinle suangkul ah lutna ding khop ah sukkhial bangma ka nei puai,” a tia.

PAWTDAWNA THU 20:7

Lalpa la Pathian min chu la sua tempot lo diu ahi; a min sua tempot taphot chu Lalpa’n thiamchang ah, suachâksak lo ding ahi ngal a.

PAWTDAWNA THU 21:16

Kuale mi gu ah zuak mang a hem, a khut ah kol nalai a hem chule tha ngei ngei ding ahi.

HOSEA 10:4

Thu mai mai a gen un, zuau ah kitiam in thuthungte a siam un; loulai ah jawtlam kuak sung ah, sachik gûnei gual in kihêkna a hung pawtdok hi.

THIAMPUTE LEKHABU 18:22

Numei gual in pawsal la luppi lo ding ahi; zia chu thil ki’dak um ahi.

THIAMPUTE LEKHABU 20:13

Pawsal in numei a luppi gual ah pawsal a luppi chun, thil ki’dak um tak bawl a hiu ah, a pani un tha gêl ding a hiu. A thisan mawu kipuak in au.

ZEKARIAH 5:4

Keima sepai honte Lalpa ngei in ka gen ah, ka sawldaw ahi tai; tichun, migucha In ah lut intin, diklo tak ah ka min ah kihaksialte In ah le lut in a; zia In ah chun chêng den intin, zia In ah um, a thing leh suangte chule kâng tum ta’n a,” a tia.

ZEKARIAH 8:17

midangte siatna dingle la lungthim un ngaitua kiu inla, zuau thu ah kitiamna ngaina kiu in; zia zosia hi ka thil huatte chu ahi, ti hi Lalpa kamsuak chu ahi.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

ROMTE 1:26

Ziaziakchun, Pathian in jachâk um tak ah hûk phal in a kihei mangsan tai. A jiteu nasan le a numei hi’nau chu dan lo gual ah mang in a kisiam danglam tau a.

DAN LEKHABU 24:7

Kuale Israelte lak ah mi khat pum mat ah, suak ah mang a hem, Israel mi chu zuak mang a hem a um chun, zia mi manpa chu thalup ding ahi. Zia gual ah chun la lak ua gitlona la hithian kawm kawm ding uh ahi ngâl a.

1 TIMOTHI 4:6

Ziate chu unaute la hiatsak ahi chun, Khrista Jesu ah nasêm pha, ginna thute leh thuhilna pha la zuite ngei ah chu kivâk thahât hiding la hi.

1 TIMOTHI 6:3

Kua’nle thuhilna chuam a hun hil ah, thu dik, I Lalpa Jesu Khrista thute leh, Pathian ngaisakna tawh kituak ah thuhilnate pom lo ahi chun,

2 TIMOTHI 1:13

Khrista Jesu ah um ginna leh hepina ah chun, thuhilna dik keima ah kipat la hiatte kha tudet zing ta’n.

2 TIMOTHI 4:3

Mite’n thuhilna dik a ngaithâk peilo hun uh hung tung ding ahi ngal a; a nakhangteu a zat ziakin amau nopna tawh kituakte gen dingin, thuhil dingte kichom khawm ding a hiu;

TITA 1:13

Zia a thugen chu a dik him hi. Ziaziakchun, ginna dik tak a neitheina ding un na tak in zilgai in.

TITA 1:9

thugin dik tak mang ah mite thu a hiltheina ding leh, a nialte chu a zaw theina ding ah, hil ah a um gual ah thu gin um tak chu tudet mi a hi ding ahi.

HEBRAITE 13:4

Mi zosia’n kichenna hi jau hen la, jalkhun le sukbuak hi ki’hen; tasualte leh ângkawmte chu Pathian in vaihawm piak ding ahi.

JUDA 1:7

Zia gual ma chun, Sodom leh Gomorrah leh a kîmvêl ah khuate tawh, buakna ah kipumpiak ah, hûkna vâl talua a del tâk ziak un, kumtuang mei ah phuba lâk ah um in, khang kihilna a umdan uh kha hezing un.

THUPUAN 18:13

Chuleh, thîngthâlte, thilgimtuite, gimtui kinu’thawte, begawte, uainte, Oliv sathaute, changbuangte, gehu bute, bawngte, belamte, sakolte, kângtalaite, suak leh sal leh mihing hinnate, zia te hi a hiu.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

THUPUAN 22:15

A pawlam in uichate, dawithiamte, thânghuaite, tualthatte, milim hote leh juau thu dawi leh juau thugen chîngte um in au.