1 SAMUEL 9:9 - PATHIAN LEKHABU THIANGTHO (BSI)

⁹ (Masang lai ah chun, Israel gam ah Pathian kiang ah thu dong ding ah a chia phat ua leh, “Hung tiam in, thiamgau thil hetheipa kiang ah chia hi ti,” a ti sek un; tu’lai ah jawlnei I titeu hi zia lai ah chun thiamgau a la ti sek ziak uh ahi).

1 SAMUEL 9:9 ပူးပေါင်းရင်းမြစ်များ

THILSIAM THU 25:22

A nauvop chu a gilpi sung in a kidel tau ah; ama chun, “Zia gual ah hin bangti’n hing leh dam in um ding ka hi em?” ti’n Lalpa dong dingin a chia tai.

2 SAMUEL 24:11

Jingkal ah David a thaw phatin, David in thiamgau a mat sek jawlnei Gad kiang in zia gual hin Lalpa‘n thu a hun gen a:

2 LENGTE 17:13

Lalpa chun, Israel leh Judah chung thu ah chun, jawlnei zosia leh thil mu lawk theite zosia chu mang in, “La umchan phaloteu chu kiheisan un la, la kiang ua ka hun sawl, ka suak jawlneite leh la pu la pateu kiang ah thu ka la piakte zosia dungzui in, ka dan siamte hi pha tak in hun zui tau in,” ti’n a hil zing tho hi.

1 KHANGTHU 21:9

ziaphatchun, David in thiamgau ah a nei Gad kiang in, zia gual hin Lalpa‘n a hun gen ta’i:

1 KHANGTHU 26:28

chuleh, thiamgau Samuel, Kish chapa Saul, Ner chapa Abner leh Zeruiah chapa Joab in Pathian kiang ah a lat thiantho zosiau chule Shelomoth leh a suapite’n a enkol ui.

1 KHANGTHU 29:29

Tu’hin, Lengpa David nasep dan haw zosia chu, a bul ah kipat a tawp tiang in thiamgau Samuel lekhabu leh jawlnei Nathan lekhabu leh, thiamgau Gad lekhabu ah te chun ziklut chiat ahi’n;

1 KHANGTHU 9:22

Tichun, kotkhak leh a huang sung veng ding ah kiguatte chu a leng un za ni sawm leh pani a hiu. A leng un a phunggui dungzui chiat leh a chênnau khua dungzui in zik lut chiat a hiu a. David tawh thil mulawk thei Samuel chun amau sepna ding chiat ah chun a koidet tau hi.

2 KHANGTHU 16:10

Ziaphatchun, Asa chu thiamgau chung in a lungna ma ma ta’n, kol busak in suangkul in a khum tai; a thugen ziak ah a lungnat man ah zia gual ah chu a bawl ahi. Zia hun ah chun Asa in mi dang dangte le a sugenthei ma ma hi.

2 KHANGTHU 16:7

Zia lai tak ah chun, thiamgau Hanani chu Judai gam ah Lengpa Asa kiang in a hungah, a kiang in, “Lalpa la Pathian ah kinga’ lo ah Aramte lengpa la kingak zawk tak ziakin, Aramte lengpa sepaite chu la tha’suak ta ahi.

ISAI 29:10

Lalpa‘n i-mut thûtna thagau la chung un, a hun buntha ta’n, nang uh jawlneite, la mit uh a hun tuam piak tai; nang uh mulawk theite, la luchang uh a tuam piak tai.

ISAI 30:10

Zia mite chun, thil mulawk theite kiang in: “Bangma mu ta kin,” a tiu a; jawlneite kiang in, “Ka kiang un thudik bangma gen ta kiu in; thu ngainop um cha cha gen unla, ngaituana vantang mai mai gen un;

AMOS 7:12

Chun, Amaziah in Amos kiang in, “Aw nang thil mu’lawk theipa, Judai gam ah jam mang in, la nêk ding vakilaw in thu vahil lawk in;

1 KORINTH 12:17

Taksa pumpi hi mit hiziang ta leh, hetna chu khoi ah a um ta diam? Taksa pumpi hi bil hiziang taleh, gim hettheina chu khoi ah a um ta diam?

VAIHAWMTE 1:1

Tu’hin, Joshua thi’nung in Israel chate’n Lalpa kiang in, “Keihaw lak ah Kanaan mite do ding ah kuan to masa ding leh amau vado masa ding chu kuate ka hiu em?” ti’n a dong tau a.

VAIHAWMTE 18:5

Amau in a kiang ah chun, “Ka chiana ding lam ua chun lawting ding ka hiu em ti ka he nuam un, lungsiat tak in Pathian ei dot piak in,” a ti tau a.

1 SAMUEL 9:10

Saul inle tangval kiang ah chun, “A phai; hung in chia ngâl hi ti,” a tia. Tichun, Pathian mi umna khua chun a vachia tau hi.