1 SAMUEL 9:7 - PATHIAN LEKHABU THIANGTHO (BSI)

⁷ Ziaphatchun, Saul in tangval kiang ah chun, “A kiang in chia ta lehin, zia pa chu bang I puak piak diam? I dip ah vaithum a um ta pua’n, Pathian mi kiang ah piak ding bangma I nei ta pua’n. Aleh I nei bang a um him him em?” ti’n a dong a.

1 SAMUEL 9:7 ပူးပေါင်းရင်းမြစ်များ

1 LENGTE 13:7

Ziaphatchun, lengpa chun Pathian mi kiangah chun, “In ah ei hung zui inla, an hung ne’n la, thilpiak khat hun pia’ng ka,” a tia.

1 LENGTE 14:3

Vaithum chûn sawm tawh vaithum kan peite leh khuaizu thawl khat tawh chawi inla, a kiang ah vachia in. Naupang hi bang a hung ti diam ti hun hil in ah, a tia.

2 LENGTE 4:42

Baal-shalishah ah kipat mi pakhat a hung in, thâiga masate ah kipat Pathian mi an ding a hun chawi piak a: Barli bu ah kisiam vaithum tang sawmni tawh a dip sung ah buhum kila thak haw ahi’n. Elisha chun, “Zia chu mipite kiang ah pia’n la, nêksak in,” a tia.

2 LENGTE 5:15

Ziaphatchun, Pathian mi kiang in ama leh a pawlte zosia chu a hung kile’kit ua; ama chu a ma-âng in a hung dingah, “Tu’hin, Israel ah tilo ngal lei chung zosia ah Pathian a um puai ti ka he tai; lungsiat tak in la suak ah kipat hin thilpiak pakhat ei pom piak in,” a tia.

2 LENGTE 5:5

Aram lengpa chun, “Chia ta’n la leh, keima’n Israel lengpa lekhathot ding tawh hun sawl ding ka hi,” a tia. A chia ta’n, dangka talent sawm, sana shekel sang guk leh kivanna puan tuak sawm le a keng a.

2 LENGTE 8:8

lengpa chun Hazael kiang in, “Thilpiak chawi inla, Pathian mi chu lamtua dingin vachia in. Zia damlona kipat hin ka damdok kit diam ti ama chu Lalpa dotsak in,” a tia.

2 LENGTE 8:9

Tichun, Hazael chun thilpiak, Damaska van chikim, sangawngsau sawmli puakkhop sêt a keng ah, ama kimupi dingin a chia tai. A lut ah, a ma-âng in, “La chapa Aram ah Lengpa Ben-hadad in, ‘Zia ka damlo’na kipat hin ka damdok kit diam? ti vadong in,’ tia ei sawl ka hi,” a tia.

EZEKIEL 13:19

Ka mipite lak ah barli bu khutdim khat leh an kam khat ah ei zuak thanghuai ah, zuau ah ka mipite la them zo un, a hing dingte that ah, a thidingte la hawi ui.

VAIHAWMTE 6:18

La kiang ah thilpiak ding vala, ka hung kit ah, la âng ah ka lui masia chu ei la nusia kin,” a tia. Ama’nle, “La hung kit masia a la um zing ing ka,” ti’n a dawnhu tai.