1 SAMUEL 9:16 - PATHIAN LEKHABU THIANGTHO (BSI)

¹⁶ “Jing leh tu’hun tuam hileh, Benjaminte gam ah kipat in pawsal pakhat la kiang ah hun sawl ding ka hi, ama chu ka mipi Israelte chung ah vaihawm ding ah sathau la nu’ ding ahi. Ama chun Philistinte khut ah kipat in ka mipite chu hukdok ding ahi; ka mipite gentheina ka mu ta’n, ei konau aw git ka het tâk ziakin,” ti in.

1 SAMUEL 9:16 ပူးပေါင်းရင်းမြစ်များ

2 SAMUEL 3:18

Lalpa‘n David kiang ah: Ka suak David mangcha’n ka mipi Israelte chu Philistinte leh a mêlmateu zosia lak ah kipat hukdok ding ka hi, ti ah thu a la tiam kha tu’hi a hun ahi tai,” ti in.

2 LENGTE 20:5

“Kihei kit vak in chia inla, ka mite chung ah hotu Hezekiah kiang in zia gual hin vagen in: Lalpa, la pa David Pathian chun zia gual hin a gen hi: La pauchapna ka la he ta’n, la mitthi tuite le ka la mu tai; hun sudam kit ding ka hi; ni thum zaw tak leh Lalpa In ah chia to ding la hi.

SAM 102:1

Aw Lalpa, ka pauchapna hi ngaitha’n la, ka kiko thawm hi la kiang tung ta hen.

SAM 106:44

Chutisapi’nle a kiko thawm uh a ngai tha; a lungjinnau chu a hetpi hi.

SAM 25:18

Ka thok genthei dan leh ka buaina hi, ei ngaitua piak inla; ka gitlona zosia ngaidam in.

THUPILTE 16:9

Mihing lungthim in a lampi ding a kiguanggal sek in, Lalpa‘n vang a kalsuan ding danteu a kawkmu sek hi.

JEREMIAH 32:8

Zia gual chun ka paneu chapa, Hanamel chu Lalpa gen gual in suangkul huang sung ah chun a hung a, zia gual hin a hung gen a: “Benjamin gam ah Anathoth khua ka lou mun kha kichawk inla, a neitu hi’na leh a tatdawna thuneina chu nang â ahi ngal a; nang â dingin kichawk ta’n,” a hung ti’n. Tichun, Lalpa gen ahi ti ka he tai.

1 SAMUEL 10:1

Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

1 SAMUEL 14:20

Tichun, Saul tawh a kiang ah sepai um zosia chu chia kawm in kido’na pang dingin a kuan tau ah; a lak ua buaina huaisia tak a tun tâk ziak in, amau leh amau a chemjam un a kisattua sau sau ziang tau hi.

1 SAMUEL 14:23

Tichun, zia ni chun Israelte kiang in zaw’na Lalpa‘n a pia tai. Beth-aven khêl lam tiang in gâl a sat tau ah; chuleh, Saul lam ah pang sepaite chule sîng khat lam a hung ting tau hi. Kido’na thawmgi chu Ephraim tânggam tiang in a kithang tai.

1 SAMUEL 15:1

Samuel in Saul kiang ah chun, “Lalpa‘n a mipi Israelte chung ah leng ah pang ding ah sathau hunnu’ dingin ei sawl ah; ziaziakchun, tu’hin Lalpa thugen hi a la ngai tiam in.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 16:3

zia kithoina chu pang dingin Jesse ko inla; chuleh, la bawl ding hun hil ing ka; a min ka hun hil pen pen chu kei â dingin sathau la nu’ ding ahi,” a tia.