1 SAMUEL 9:1 - PATHIAN LEKHABU THIANGTHO (BSI)

¹ Benjamin phung ah mi pakhat a um ah, a min chu Abiel chapa Kish ahi; a pa chu Benjamin suan ah mi hausa tak Aphiah chapa Bekorath chapa Zeror chapa ahi.

1 SAMUEL 9:1 ပူးပေါင်းရင်းမြစ်များ

2 SAMUEL 19:32

Barzillai chu teksia, kum sawmgiat ah upa ahi tai. Ama chu mi hausa tak a hiziak in, lengpa Mahanaim ah a um lai ah nêk ding a la pia ahi.

ESTHER 2:5

Susa lal Inpi ah chun Juda mi pakhat a um ah, a min chu Mordekai a hi; ama chu Benjamin nam ah Kish chapa Shimei chapa Jair chapa ahi.

JOB LEKHABU 1:3

Mi neinung tak ahi ziakin, belam sang sagi, sangawngsau sang thum, bawngchal tuak za nga, sabiltungpi za nga leh nasem ding suak tampi nei in sualam gamkai ah mi hausa pen ahi.

NASEPTE 13:21

Zia nung ah chun leng pakhat a ngêk nalai un; kum sawmli sung vaihawm dingin, Pathian in Benjamin nam ah mi Kish chapa Saul chu a leng uh hiding in a la pia tai.

1 SAMUEL 10:23

Ziaphatchun, a vatai ua, ama chu a vapuidok tau a. Mipi lak a hung lut phatin, a lak un a liangko tiang dawkdok zo ah sâng a la hi’n.

1 SAMUEL 14:51

Kish chu Saul pa ahi’n; Abner pa Ner chu Abiel chapa ahi.

1 SAMUEL 25:2

Maon khua mi pakhat in, Karmel tâng ah gam a nei a. Zia pa chu mi hausa tak a hia; Belam sang thum leh kêlcha sang khat a nei a, Karmel ah chun a belam mul mêt in a um hi.