1 SAMUEL 8:7 - PATHIAN LEKHABU THIANGTHO (BSI)

⁷ Lalpa‘n zia gual hin Samuel kiang in a hun gen ah, “La kiang ah mipite gen zosia chu ngaitua piak mai in; nang hun doilo ahi puau in, a chung ua lal ka hi’na ei doilo ahi zawu hi.

1 SAMUEL 8:7 ပူးပေါင်းရင်းမြစ်များ

PAWTDAWNA THU 16:8

Mosi chun, “Lalpa’n nitâk leh sa la nêk ding uh a hun piak ah, jingkal leh vaithum la vâ sêt uh a hun piak phat leh Lalpa’n a chung ah la phunchiaknau zosia chu a hia’i; kei uh hi bang ka hiu em? kei uh chung ah phunchiak la hi puau ah, Lalpa chung ah phunchiak la hi zawu hi,” a tia.

ISAI 66:4

Ka ko phat leh kuama’n ei dawnhu puau ah, ka ho phat leh a kihiat losak sek un, keima mit mu ngei in thil phalo a bawl un, ka lemsak lo lam lam chu a bawl sek ziak un, a chung un sukgentheina hun tunsak ing ka tin, a lau pen uh a chung un tunsak ding ka hi.

JEREMIAH 34:14

“Mitin in, a chipi Hebrai mi a kiang ah hung kizuaksa, la nasêm ua kum guk sung a pan nung un, a kum sagi’na sî’n leh la thâdaw sek ding uh ahi; la nau a sepnau ah kipat in la thâdaw tei tei diu ahi,” ti in. Himaleh, la pu leh pateu in ka gen a ngai puau ah, ka thugen chule a ngaitha puau hi.

EZEKIEL 2:3

Ama’n ka kiang in, Mihing, ka chung ah nam helmang, Israel mipite kiang in ka hun sawl la hi; a pu leh pateu khang ah kipat tu’ni tiang in, ka chung ah thil a bawl khial tau ahi.

EZEKIEL 3:7

Himaleh, Israel Inkuante chun la thugen ngaisak pua’n au, ka thugen a ngainop lo ziak un; Israel Inkuante zosia milochal leh lung tâk ngen a hiziak un.

KISIMNA LEKHABU 22:20

Zia jan ah chun Balaam kiang ah Pathian hung in, a kiang in, “Ziate chu nangma ko ah hung a hiu chun, kipan inla zui in; ahi’n, la bawl ding ah ka hun hilte bep la vabawl ding ahi,” a tia.

MATTHAI 10:40

Kua’nle a la lop ua leh keima ei lop hi’n tiu in, chuleh, keima ei lop chu keima ei sawlpa lop ahi.

LUKA 10:16

Kuale nang uh thu ngai tapo chu keima thu ngai hi’n tiu in; nang uh hun musit chu keima ei musit hi’n au; kuale keima ei musit chu ei sawlpa musit ahi, a tia.

LUKA 19:14

Himaleh, a gam mite chun ama chu a mu nuam puau ah, a chia nung ah chun palai a sawl zui un, ‘Zia pa hi ka chung ua vaihawm dingin ka doi puau hi,’ a tiu a.

LUKA 19:27

Chuleh, ka mêlmate, a chung ua ka vaihawm ding zadate kha le, zia lam ah hin hun pui un la, ka ma-âng ngei ah hin that un,’ a tia,” ti’n a gen a.

JOHAN 13:16

Titakzet in ka hil la hiu, suak a pu sâng in a lian zaw ngai puai; chuleh, sawl ah um chule a sawlpa sâng in a lian zaw ngai puai.

VAIHAWMTE 8:23

Gideon in a kiang un, “La chung ua vaihawm in pang pua’ng ka tin, ka chapa’n le la chung un vaihawm pua’n ah; Lalpa‘n la chung un vaihawm ding ahi,” ti’n a dawnhu tai.

1 SAMUEL 10:19

Himaleh, tu’ni hin la Pathian uh, la haksatnau leh la buainau zosia lak ah kipat hukdokpa lei dawi puau ah, nanghaw’n a kiang in, ‘Ahipuai, ka chung ua vaihawm ding leng pakhat ei pia’n,’ la tiu in. Zaziakchun, tu’hin la nam leh phung dungzui un Lalpa kiang ah hung kipechiat un a tii,” ti’n a gen a.

1 SAMUEL 12:1

Samuel in Israel mipi zosia kiang ah chun, “Ka kiang ah la thugen zosiau kha ka ngaisak ziakin, la chung ua leng ah pang ding ka hun pia ahi.

1 SAMUEL 12:12

Himaleh, Ammonte lengpa Nahash in hung do ding ahi ti la mu phât un, Lalpa la Pathian uh la chung ua lengpa um zing hi’napi’n, ‘Ahipuai, leng pakhat in ka chung un vaihawm hen,’ la tiu a.

1 SAMUEL 8:22

Samuel kiang ah Lalpa‘n, “A thugen uh chu ngaithâk piak inla, a chung ua leng ding chule koi piak in,” a hun tia. Samuel inle Israel mipite kiang ah chun, “La In lam chiat un chia kit tau in,” ti’n a sawl tai.

1 SAMUEL 8:8

Aigupta gam ah ka puidaw lai ah kipat, tu’ni tiang hin ei kilepsan in, pathian dangte na ei sep san uh hi, nang chung ah le bawl a hiu.