1 SAMUEL 8:18 - PATHIAN LEKHABU THIANGTHO (BSI)

¹⁸ Ziaphat chuleh, nangmau in la kitêl uh la lengpau ziakin hung kap ta’n la tiu in; himaleh, Lalpa‘n hun dawnhu ta pua’n ah,” ti’n a gen hi.

1 SAMUEL 8:18 ပူးပေါင်းရင်းမြစ်များ

2 KHANGTHU 10:11

Ka pa khan la ngawngkol uh gik tak in a hun puaksak hi maw! Keima’n la puakgik uh chu hun belap piak nalai ding ka hi. Ka pa khan mi jepna mol in a hun vaw sek in; keima’n chu ainuvet hun pe’sak in, hun engbawl ding ka hi,’ ti’n gen in,” a tiu a.

JOB LEKHABU 27:8

Pathian ngaisak lote chu, Pathian in a paithâk ah; a hinnau a lâkpiak phat leh, a kinepnau chu bang suak ta ding a hem?

JOB LEKHABU 27:9

Buaina a hun tuak phat ua leh a kiko’na thawm uh, Pathian in hun ngaitha ding a hem?

SAM 18:41

Panpitu ding a ko un, himaleh, a hukdok ding kuama a um puai; Lalpa a ko un, ahi’n, a dawnhu ta puai.

THUPILTE 21:13

Migentheite kâ thawm la kihiatlosak chun, nangma kâ le kuama’n ngaisak pua’n a.

ISAI 1:15

La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.

ISAI 59:1

Ngai un, Lalpa khut chu, a hukdam thei lo ding ah chom talua a hipua’n, a nakhang chule a hethei lo ding ah ngong talua ahi diak puai.

ISAI 8:21

Lunggim tak leh gilkial in gam chu chuan suak intiu in; a gil uh a kial phat leh a lung uh na’n tin, a lengpau leh a pathianteu samsia’n au. A mitteu van lam nga’n tin uh;

EZEKIEL 8:18

Ziaziakchun, lungna tak in thuk ing ka; kimulosak ta pua’ng ka tin, daidawp pua’ng ka; ka het in ngai tak in kap maleule, limsak ta pua’ng ka,” a ti tai.

MIKAH 3:4

Ziaphat chuleh, Lalpa hun ko intiu in, ahi’n la, hun dawnhu ta pua’n a; ziaphat chuleh, nunsia tak ah a tawi ziak un, amau kisêl mangsan ta’n a.

LUKA 13:25

Inneipa chu a hung kipat tak leh, a kot chu hun khak pai ngal intin, ziaphat chuleh, a pawlam ah kipat in, ‘Lalpa, Lalpa, kot ei hon in’ ti’n kot hun kiu intiu in; himaleh, ama chun, ‘Khoilam mi la hiu em ka hun hekha puai’ a la ti ta’n a.

1 SAMUEL 8:17

La gancha honteu lak ah a sawm ah khat kilâk intin, nanghaw le a suakte hung hita’n lau.