1 SAMUEL 7:6 - PATHIAN LEKHABU THIANGTHO (BSI)

⁶ Tichun, mipi zosia Mizpah ah hungkhawm in, tui a khai un; kithoina thillat in zia tui chu Lalpa âng in a sungtha tau a. “Lalpa chung in ka la bawlkhial tau hi,” ti’n, zia ni chun an a ngawl tau a. Tichun, Samuel in Mizpah ah kipat in Israel zosia chung in vai a hawm tai.

1 SAMUEL 7:6 ပူးပေါင်းရင်းမြစ်များ

THILSIAM THU 31:49

Laban chun, “I kikhen phat leh Lalpa’n ei vêng gêl ta hen” a ti ziakin, a suangphu chu Mizpah a sak a.

2 SAMUEL 14:14

I leng un thizo ding I hitau hi; luak kit thei tâk lo ding ah, leitual ah tui kibua tawhbang I hitau hi. Himaleh, Pathian in vang hinna khat châle lamang lo ding ahi; nawdaw ah um chu a kum a khua’n a um den saklona dingin, lampi hun gual tuak piak ding ahi.

1 LENGTE 8:47

sal ah puiman ahi’na gam ua a hung kihiatdawu ah, a kisik ua, sal ah puite gam ah la kiang ah a hun dot ua, “Ka gilo tau hi; ka hikhial tau ah, gilo tak in thil ka la bawl tau hi,” a hun tiu a;

1 KHANGTHU 11:18

Mi Pathumte chun Philistinte giamun lak chu hawtheng in, Beth-lehem khawpi kul kotkhak kiang ah tuikul ah tui chu vathal in, David kiang in a hun pia tau a, himaleh, David in zia tui chu a dawn nuam pua’n; Lalpa â dingin a buntha ta mai a,

2 KHANGTHU 20:3

Jehoshaphat chu a lau ma ma ziang ta’n; Lalpa a hun hawl phatin Judai gam pumpi anngawl ah pauchap ding thu a hun puang tai.

NEHEMIAH 9:27

Ziaziakchun, a mêlmateu khut in la pedok ah, amau chun nasa tak in a sugenthei tau hi. A genthei lai tak ua nang a hun ko thawm uh van ah kipat in la ngaithâk piak ah; tichun, la ja’ngaina a nasat dungzui in a mêlmateu lak ah kipat hukdok ding la pia ahi kha.

JOB LEKHABU 16:20

Pathian kiang ah mitthi tui ka sungdok in, ka gualte chun ei nuisan ui;

JOB LEKHABU 3:24

Ka vaithum nêk ding gual in, thûm leh mâuna a hung tung in, ka thûm leh maunate chu, tui gual in a luangdok hi.

JOB LEKHABU 33:27

Zia mipa chun midangte kiang in, “Ka la bawl khial ta’n, a dik chu ka la pêt mangsan ta’n; ahi’n la, thuk in ka um puai.

JOB LEKHABU 40:4

Ngaitia, kei hi bangmalo mai ka hi’n, nang hun dawnhu ah bang gen ding ka hem? Ka kam hi huk mai zaw’ng ka.

JOB LEKHABU 42:6

Ziaziakchun, kei leh kei ka kiki’dak ta’n, leivui leh vut lak ah kitung in, ka kisîk ta ahi, ti in.

SAM 106:6

Ka pu leh pateu tawh ka la gilo zo tau in; thil phalo ka la bawl tau in, diklo tak in ka la bawl tau hi.

SAM 119:136

La dan bawsiat ahi ziakin, ka mitthi tui luipi gual in a luang tai.

SAM 42:3

Ka mitthi hi a sûn a jan ah ka an ahi’n, “La Pathian khoi ah um a hem?” ei ti, ei tiu a.

SAM 6:6

Ka thûmna ziakin ka gim ta’n; jan si’n in ka mitthi tui in ei chûm a, ka lupna le ka mitthi tui in a chêk suak hial ta ahi.

SAM 62:8

Aw mipite haw, ama chu ging zing un, la thinlung gil teu a ma’n sungdok unla; Pathian chu I kisêlnau ahi. (Selah)

JEREMIAH 31:19

Ka vâkmang zaw phatin, ka kisik ta’ngâl a; mudaw ka hi’phatin, ka malpi ka bêng a; ka khanglai nunsiatna ka put zing ziakin, ka mualpho in, ka lungngai hi,” ti in

JEREMIAH 36:9

Judai gam ah Lengpa, Josiah chapa Leng Jehoiakim lal kum ngana, tha kua a ti’n ni chun, Jerusalem ah mi zosia tawh, Judai gam khawpi kipat Jerusalem ah hung khawm zosia chun Lalpa âng ah anngawl ding thu a puang tau a.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

KÂ LATE 2:11

Ka kâ na’n ka mitthi tui a kang hial tai; ka bupi le a kichok a; ka mite hi’siat a hiziak un, nausente leh naupangte chu, kotzing tin ah thidang ah a um zo tâk ziak un, ka thinkha nasan lei tual ah butthâk in a um tai.

KÂ LATE 3:49

Ka mitthi luang zing intin, chawlnga pua’n a.

KÂ LATE 5:16

Ka luchang ua kipat in, lallukhuk a ketha ta’n; ka gitlo tâk ziak un, ka chung uh a gik na e!

EZEKIEL 20:4

A chung ua vaihawm ding la hem, mihing, a chung ua vaihawm ding la hi em? Chuti ahileh, a pu leh pateu ki’dak a umnau chu hil inla,

HOSEA 5:1

Aw thiampute haw, he tau in! Aw, Israel Inkuante haw ngaisak un! Aw lengpa Inkuante haw, a la ngaiphau in! Vaihawmna chu la chung un hung tung ding ahi ngal a; Mizpah ah thâng kikam leh, Tabor tâng ah lên kijak tawh bang la hitau in;

JOEL 2:12

Ahi’n la, tu’hin le Lalpa‘n, la lungthim zosiau in anngawl ah, kap leh lusûn kawm in ka kiangah, hung kihei kit un;

THIAMPUTE LEKHABU 16:29

Zia hi la kumtuang dan ding ua guat chu ahi: Tha sagi’na, a ni sawm ni chun la kisukgenthei ding uh ahi; nanghaw hileh, la lak ua malzinte’nle na la sep lo ding uh ahi.

THIAMPUTE LEKHABU 26:40

Himaleh, keima ei kalnateu, a pu a pateu gitlona tawh amau gitlonate leh, keima ei dodâl ah ei kalnateu leh a vâkmanna teu a kipuan ua;

LUKA 15:18

Kipan ing ka tin, ka pa kiang in, He pa, van ah mi chung leh nangma mit mu in thil ka hi’khial tai.

JOSHUA 18:26

Mizpeh, Kephirah, Mozah,

VAIHAWMTE 10:10

Tichun, Israelte’n Lalpa kiang in, “Ka Pathian uh nusia in Baalte ka la ho tâk mai uh hi, la chung in thil ka la bawlkhial tau ahi,” a tiu a.

VAIHAWMTE 10:15

Chun, Israelte’n Lalpa kiang in, “Ahi puai, thil ka bawlkhial ma mau hi; pha lasak dan dan in ka chung un bawl mai inla; ahi’n, tu’ni hin ei hukdok in!” a ti tau a.

VAIHAWMTE 2:4

Lalpa vansawlchâk in zia thute chu Israelte zosia kiang ah a gen zaw phatin, mipite chu aw ngai tak in, a kap tau a.

VAIHAWMTE 20:23

Israelte chu kitîlhangsan kit in, ni masa ah gâldo ding ah a pannau mun ma ah khan a hung kitiang kit tau a.

VAIHAWMTE 20:26

Ziaphatchun, Israel mipi zosia tawh sepai zosia chu Bethel ah chia kit in, Lalpa âng ah kitung ah kap in, nitâk lam tiang in an a ngawl tau a. Chuleh, Lalpa âng ah hâlmang thillat leh kichamna kithoina thillatte a lân tau a.

VAIHAWMTE 3:10

Lalpa thagau a chung in a um ah, Israelte chung in vai a hawm tai; gâl do in a kuandok ah, Lalpa chun Aram ah lengpa Kushan-rishathaim chu a khut in a pia tai; chuleh, a khut in Kushan-rishathaim chu a zo tai.

1 SAMUEL 1:15

Himaleh, Hannah in, “Ka hipuai ka Lalpa; numei lungkham talua ka hi; zu leh khamthei thil ka dawn pua’n, Lalpa kiangah ka lunggil sungah umte ka gendok a hizawi.

1 SAMUEL 10:17

Samuel in mipite chu Mizpah khua Lalpa kiang in a ko khawm a;

1 SAMUEL 12:10

Ziaphatchun, Lalpa a hun ko un, zia gual hin a gen tau a: ‘Lalpa nungngat in Baalte leh Astarte ho san in ka la gilo tau hi; himaleh, tu’hin ei hukdok inla, nangma na bep sêm tâng kau,’ a tiu a.

1 SAMUEL 7:15

Samuel in a dam sung zosia chu Israelte chung in vai a hawm tai.