1 SAMUEL 7:5 - PATHIAN LEKHABU THIANGTHO (BSI)

⁵ Ziaphatchun, Samuel in, “Israel mipi zosia chu Mizpah ah hun ko khawm unla, Lalpa kiang ah hun dot piak ing ka,” a tia.

1 SAMUEL 7:5 ပူးပေါင်းရင်းမြစ်များ

THILSIAM THU 20:7

Tu’hin, mi ji kha pia kit ta’n; a pawsal kha jawlnei ahi ngal in, hun pauchap piak intin, dam mai in la. La piak kit lo leh chu thi ngei ding la hi ti he’n, nang tawh, la nei zosia natiang in,” a ti tai.

THILSIAM THU 31:49

Laban chun, “I kikhen phat leh Lalpa’n ei vêng gêl ta hen” a ti ziakin, a suangphu chu Mizpah a sak a.

2 LENGTE 25:23

Chuleh, sepai hotu zosia tawh, amau leh a sepaiteu tawh, Babulon Lengpa chun a vaihawm ding un Gedaliah a tundaw piak tai ti a hun het phat un, Mizpah ah Gedaliah kiang in a hung ua; ziate chu: Nethaniah chapa Ishmael, Kareah chapa Johanan leh Netophi mi Tishumatha chapa Jaazaniah leh, Maka mi chapa Jazaniah te hi a hiu a; ziate sia chu a sepaiteu sia tawh a kiang in a hung tau a.

NEHEMIAH 9:1

Zia tha ah a ni sawmni leh li ni chun, Israel mipite chu anngawl ah saidip puan sil in, leivui kibuak khum in a kikhawm tau a.

JEREMIAH 40:6

Ziaphatchun, Jeremiah chu Mizpah khua Ahikam chapa Gedaliah kiang in a chia ah; a gam ah mipi nutsia ah umte lak ah chun a vachêng tai.

HOSEA 5:1

Aw thiampute haw, he tau in! Aw, Israel Inkuante haw ngaisak un! Aw lengpa Inkuante haw, a la ngaiphau in! Vaihawmna chu la chung un hung tung ding ahi ngal a; Mizpah ah thâng kikam leh, Tabor tâng ah lên kijak tawh bang la hitau in;

JOEL 2:16

mipi ko khawm un, kikhawppina chu suthiangtho unla; pitingte ko khawm unla, chapangte leh nawichep lai nausente natiang ko khawm un. Mopa’n a pindan nusia hen la; monu’nle a chutna nusia hen.

JOSHUA 15:38

Dilan, Mizpeh, Jokthe-el,

JOSHUA 18:26

Mizpeh, Kephirah, Mozah,

VAIHAWMTE 10:17

Ziaphatchun, Ammonte chu kigâlvan in, Gilead mun ah a kikul tau ah; amau do dingin Israelte le hung khawm in Mizpah mun in a kikul tau a.

VAIHAWMTE 20:1

Ziaphatchun, Israelte zosia Dan ah kipat Beer-sheba leh Gilgal gam tiang in a hung kuandok tau ah; mipi pungkhawmte chu kithu gual tak in Mizpah mun ah Lalpa ma-âng in a kikhawm tau a.

1 SAMUEL 10:17

Samuel in mipite chu Mizpah khua Lalpa kiang in a ko khawm a;

1 SAMUEL 12:17

Tu’ni hi gehu bu-ât hun hilo a hem? La chung ua vaihawm ding leng la kidot ziang uh hi Lalpa mit mu ah thil huaisia tak ahi ti la het ua, la mutheina ding un, Lalpa chu ko ing ka tin, van-gi leh gawpi hun zuksak ding ahi,” a tia.

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.

1 SAMUEL 7:12

Chuleh, Samuel in Mizpah tawh Jeshanah kikâl ah chun suang pakhat a phu ah, a min in Ebenezer a sak tai; ama’n, “Zia chan hin Lalpa‘n ei panpi ahi,” a ti ziak a hi.

1 SAMUEL 7:16

Kum si’n leh Bethel, Gilgal leh Mizpah a chuantha zing ah; tichun, zia munte ah kipat hin Israelte chung in vai a hawm tai.

1 SAMUEL 7:4

Tichun, Israelte chun a lak ua Baal leh Astarte haw chu paidok in, Lalpa na bep a sêm tau hi.

1 SAMUEL 8:6

Himaleh, “Ka chung ua vaihawm ding leng ei pia’n,” a ti ziak un Samuel chu a lungawi ta pua. Samuel chu Lalpa kiang in a pauchap a;