1 SAMUEL 7:3 - PATHIAN LEKHABU THIANGTHO (BSI)

³ Ziaphatchun, Samuel in mipite zosia kiang in, “La lunggil tak ua Lalpa lam ah kihei kit gua la hiu chun, la lak ua pathian dang zosia tawh Astarte kha paidok un. La lunggil tak un Lalpa lam ah kihei unla, ama na bep sêm un; chutileh, Philistinte thunuai ah kipat hin hun hukdok ding ahi,” ti’n a gen tai.

1 SAMUEL 7:3 ပူးပေါင်းရင်းမြစ်များ

THILSIAM THU 35:2

Tichun, Jakob in a chanaute leh a kiang ah um zosia kiang in, “La lak ua gam dang pathian um zosia pai mang unla, kihithiangtho unla, la puanteu le theng un:

1 LENGTE 11:33

kei ei nusia in, Sidonte pathiannu Ashteroth (Astarte le kiti,) Moabte pathian Khemosh leh, Ammon mite pathian Milkom a ho ta’n, a pa David hi gual ah ka lampite zui talo in, ka mit mu ah thil dik hi’dingte, ka thugelte leh ka dan bawlte vop talo ah a um ziak ahi.

1 LENGTE 8:48

sal ah puite, a mêlmateu gam ah a lungthim zosiau ah a kisik ua, a gam uh, a pu leh pateu la piakna gam, la khawpi têlchuam leh la min umna ding ah ka sak la In lam hi nga’ la kiang ah a hung pauchap ua chun;

2 LENGTE 17:39

Ahi’n, Lalpa la Pathian uh bep chu la ho ding uh chu a hia; tichun, ama chun la mêlmateu zosia khut ah kipat chun hun hukdok ding ahi,” ti’n a la hil hi.

2 LENGTE 23:15

Zia ban ah chun Bethel ah um mâichâm leh thoimual, Nebat chapa Jeroboam, Israelte gitlo sakpa khan a siam, mâichâm leh thoimualte chu a sukchip piak sik sek a; thoimual chu mei in a hâl ah, vut a suaksak ah; chuleh, a milim dawikhuamte chule a hâl tum piak tai.

1 KHANGTHU 22:19

Tu’hin, la lungthim leh ngaituanau chun Lalpa la Pathian uh hawl tau in. Kipan unla, Lalpa thuthung thingkuang tawh, Pathian ûm leh bêl thiangthote chu a In ah koikhawm hiding in, Lalpa min in Lalpa Pathian a ding ah mun thiangtho chu hun tungding tau in,” ti’n a gen tai.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 19:3

Zia gual chu hitamaleh, gam sung ah dawikhuamte la suksiat ziak leh, la lunggil tak ah Pathian lam la ngat ziakin, nangma ah chun phatna khat a um tho tho hi,” ti’n a gen a.

2 KHANGTHU 20:33

Ahi’n la, thoimualte chu vang a subei thiang nai puai; chuleh, a mipite chunle a pu leh pateu Pathian lam chu a nga sik sek diak puau hi.

2 KHANGTHU 30:19

“Kuale a lungthim gil tak ah, a pu leh pateu Pathian, Lalpa hawl tapo chu, mun thiangtho dan dungzui ah kisuthiang nai lo himaleule Lalpa pha tak chun a ngaidam tai,” ti’n a gen a.

THUPILTE 16:1

Lunggil ah guanggalna chu mihing chantum ahi’n; lei ah dawnhuna chu vang Lalpa â ahi.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 36:3

Judah Inkuante’n a chung ua thil phalo ka tunsak dingte chu a het phat ua leh, mi tin in a thil phalo bawlteu haisan ah, a thiammawnau leh a gitlona zosiau ka ngaidam theina dingin, ti in.

JEREMIAH 4:1

Lalpa‘n a gen a: Aw Israel, la hung kile’kit ah, keima lam ah la hung kit ua, la ki’dak umnau ka mu’na kipat la lîpthâk ua, la mawk vak tâk lo ua,

EZEKIEL 14:6

Ziaziakchun, Israel Inkuante kiang in, Lalpa Pathian in zia gual hin a gen hi: Kisik unla, la milimteu kiheisan tau in; chun, la ki’dak umnau zosia kiheimangsan tau in.

EZEKIEL 18:31

Ka chung ah la thil bawlkhial zosiau haisan unla, lunggil thak leh thagau thak kilâk lût chiat tau in! Aw Israel Inkuante haw, bang ding ah thi laizang ding la hiu em?

HOSEA 14:1

Aw Israel, Lalpa la Pathian lam ah hung kile’kit ta’n; la thulimlo’na ziakin la kipal pûk ta ahi.

MATTHAI 15:8

Zia mite hin a kam un ei chawihoi un: a lungthim un vang ei gamlat ui.

MATTHAI 4:10

Ziaphatchun, Jesu’n a kiang in, “Setan, chia mang in! ‘Lalpa la Pathian chibai bûk inla, ama na bep sêm in,’ ti zik ahi,” a tia.

MATTHAI 6:24

Kuama’n hotu pani na a sêmkop thei puai; pakhat muda in pakhat ngaina’n, pakhat â di’n gunchu intin, pakhat simmaw in a. Pathian leh sum na sêmkop thei pua’n lau.

LUKA 4:8

Jesu’n a dawnhu, a kiang in, “Lalpa la Pathian chu chibai la bûk ah, ama na bep la sep ding ahi, ti zik ahi ngal a,” a tia.

JOHAN 4:24

Pathian chu Thagau ahi’n, ama ho dingte chun, thagau leh thutak in a ho diu ahi,” a tia.

DAN LEKHABU 10:20

Lalpa la Pathian uh la lau ding uh ahi’n; ama bep chu la biak ding uh, ama min bep la vop det ua, ama min bep in la kihaksial sek ding uh ahi.

DAN LEKHABU 13:4

Lalpa la Pathian bep uh la zui ua, ama bep la lau ua, a thupiakte bep la zui ua, a aw bep la ngai ua, ama na bep la sep ua, ama bep la tûkchak ding uh ahi.

DAN LEKHABU 4:29

zia kipat chun, Lalpa la Pathian uh chu, la lungthim leh ngaituanau zosia ah, la hun hawl phat ua leh mu kit bep ta’n lau.

DAN LEKHABU 6:13

Lalpa la Pathian uh chu lau unla, ama na bep sêm in, a min bep in kitiam sek un.

JOSHUA 13:31

Gilead gam kimkhat leh Bashan gam ah leng Og gam ah Ashtaroth tawh Edrei khuate tawh, zia cheng hi a Inkuan dungzui un Manasseh chapa Makir Inkuante â dingin a pia’n, zia chu Makir Inkuan kimkhatte â ding ah kipia chu ahi.

JOSHUA 24:14

Ziaziakchun, tu’hin Lalpa lau dan thiam unla, titakzet leh dik tak in a na sêm un; la pu leh pateu in Luipi gâl lam leh, Aigupta gam ah a na a sep piak uh pathiante kha paitha sik sek unla, Lalpa na bep sêm tau in.

JOSHUA 24:23

Ama’n a kiang un, “Chuti ahileh, la lak ua nam dang pathian umte kha paimang unla, la lunggilteu chu Lalpa Israelte Pathian lam in awnsak tau in,” ti’n a gen a.

VAIHAWMTE 10:16

Tichun, a lak ua pathian dangte chu paidok in, Lalpa chu a ho tau a; chuleh, ama’nle Israelte genthei tak ah um chu a en zo diak ta puai.

VAIHAWMTE 10:6

Israelte chun Lalpa doi lo gual tak in thil a bawlkhial kit tau a. Aram mite pathian Baal leh Astartes, chuleh Sidonte pathiante, Moabte pathiante, Ammonte pathiante leh Philistinte pathian haw chu a hosan tau a.

VAIHAWMTE 2:11

Ziaphatchun, Israelte’n Baal hun ho in, Lalpa mit mu ah thil phalo tak a hun bawl tau a;

VAIHAWMTE 2:13

Lalpa chu jamsan in, Baal leh Astartes chu a ho zaw tau a.

1 SAMUEL 31:10

Saul gâlvante chu Astarte hona tempul sung in a koi un; a luang chu Beth-shan kulbâng in a kil dên tau hi.