1 SAMUEL 7:12 - PATHIAN LEKHABU THIANGTHO (BSI)

¹² Chuleh, Samuel in Mizpah tawh Jeshanah kikâl ah chun suang pakhat a phu ah, a min in Ebenezer a sak tai; ama’n, “Zia chan hin Lalpa‘n ei panpi ahi,” a ti ziak a hi.

1 SAMUEL 7:12 ပူးပေါင်းရင်းမြစ်များ

THILSIAM THU 22:14

Abraham in zia tak mun chu Jehovah Jireh ti a sak ah; tu’ni tiang ah hin, “Lalpa tâng ah chun piak in um nai tiu,” a ti sek gual uh hin.

THILSIAM THU 35:14

Jakob in ama a ho’na mun tepte’na dingin suangphu a bawl ah; a chung in dawn chi thilpiak a sung ah, sathau a sun khum tai.

SAM 71:17

Aw Pathian, ka khangdawn lai ah kipat in lei hil ta hen; tu’tiang hin la thilbawl mak takte chu, ka puangjak zing nalai hi.

SAM 71:6

Ka piandaw ah kipat in nang ah ka kinga hen; ka nu sûl ah kipat ei hukdokpa chu nang la hi. Hun chawihoi zing ing ka.

PAWTDAWNA THU 17:15

Tichun Mosi’n mâichâm pakhat a siam ah, a min dingin Jehovah Nissi ti a sak tai.

ISAI 19:19

Zia ni phat chuleh, Aigupta gam lailung ah chun, Lalpa â ding ah mâichâm khat hung kidin intin; chuleh, a gamgi bul ah chun Lalpa min in khuam pakhat hung kiphut in a.

NASEPTE 26:22

Himaleh, Pathian panpina dong in, tu’ni hin la âng ah dingin, milian leh mineute kiang ah thu gen thei nalai in ka um ah, ka thugen chu Mosi leh Jawlneite’n thil tung ding a gen sekteu tilo chu bangma dang ahi diak puai:

2 KORINTH 1:10

Ama’n zia gual thi lau umna lak ah kipat chun ei hukdok ta’n, ei hukdok zing in, ei hukdok kit jel in ah ti, ama chung ah kinepna ka nei uh ahi.

JOSHUA 4:9

(Chuleh, thuthung thingkuang jawn thiampute dinna mun, Jordan lui lai tak ah chun Joshua’n suang sawm leh ni a phu ah; ziate chu tu’ni tiang hinle a umzing nalai hi).

1 SAMUEL 14:35

Chuleh, Saul in Lalpa â dingin mâichâm pakhat a siam ah, zia chu Lalpa â ding ah a mâichâm bawl masakna penle ahi.

1 SAMUEL 4:1

Chun, Samuel thugen chu Israelte zosia’n a he suak tau a. Zia hun lai ah chun, Philistinte chu Israelte do dingin a kisauah; amau do dingin Israelte le a kuandok ua. Amau chu Ebenezer ah a kikul un, Philistinte chu Aphek in a kikul ui.

1 SAMUEL 5:1

Philistinte chun Pathian thuthung thingkuang chu a lâkpiak phat un, Ebenezer ah kipat in Ashdod a paw tung tau a;

1 SAMUEL 7:11

Israelte chu Mizpah ah kipat pawtdok in Philistinte chu a delzui un, Beth-kar khua tiang in a that gam tau hi.