1 SAMUEL 6:6 - PATHIAN LEKHABU THIANGTHO (BSI)

⁶ Bang ding ah Pharaoh leh Aiguptate gual ah kilochalsak la hiu em? Pathian in tawtbawlna a mat zaw nung ah, Israel mipite thâdaw sak in, a pawtsak tho tho hilo maw?

1 SAMUEL 6:6 ပူးပေါင်းရင်းမြစ်များ

JOB LEKHABU 9:4

Ama chu lunggil ah pil leh, thilhitheina hat ahi ngâl ah, ama dodâl ah lawting ding kua a hem um?

SAM 95:8

Gamthip ah Massah ah gual leh Meribah mun ah, a lungthim uh a hikhau gual un, la lungthim uh hikhau ta kiu in;

PAWTDAWNA THU 10:3

Tichun, Mosi tawh Aron chu Pharaoh kiang in a chia tau ah, a kiang in, “Zia gual hin Hebraite Pathian in a gen hi: Ka ma-âng ah hin kingaitawm nuam lo ah bang chan um nalai ding la hem? Ei ho theina ding un ka mite hun thâdok ta’n;

PAWTDAWNA THU 14:17

Ziaphat chuleh, Aiguptate lungthim chu hun hikhau ing ka tin, amau chun hun del zui intin uh; chuleh, Pharaoh tawh a sakol kângtalai hotute, a sepai zosiate leh a sakol sepaite zosia chung ah chun keima’n choisânna ka chan theina dingin.

PAWTDAWNA THU 14:23

Aiguptate chun a del zui tau a, Tuipi sung tiang in Pharaoh sakolte, a sakol kângtalai natiang in a nung uh a del lut pek tau a;

PAWTDAWNA THU 4:21

Lalpa chun Mosi kiang in, “Aigupta gam lam ah la chia kit phat leh thilmak la bawlthei ding ah ka hun piak zosia kha Pharaoh ma-âng in la bawl suak na em ti enpha’n la; ahi’n, a lungthim hi’tâk ding ka hi; tichun, mipite chu pawtsak nuam pua’n a.

PAWTDAWNA THU 7:13

Lalpa’n a la gensa gual khan, Pharaoh lungthim chu hikhau ah a um nâk lai ziakin amau chu a limsak nai diak puai.

PAWTDAWNA THU 7:14

Ziaphatchun, Mosi kiang in Lalpa chun: “Pharaoh lungthim hikhau in a um ta hen, mipite chu a pawtsak nuam ta puai;

PAWTDAWNA THU 8:15

Ahi’n, Pharaoh chun a thawveng tai ti a het phat in a lungthim a hikhau kit ah; amau chu a limsak nuam diak puai: Lalpa’n a la gensa gual in.

PAWTDAWNA THU 8:32

Himaleh, Pharaoh in zia hun ah hinle a lungthim a hikhau ah, mipite chu a pawtsak nuam diak puai.

PAWTDAWNA THU 9:16

Himaleh, ka thilhitheina ka hun musak theina ding leh khawvel zosia ah ka min la puanjak theina dingin ka hun hinghoi nalai la hi.

PAWTDAWNA THU 9:34

Himaleh, Pharaoh in gialte, guate leh van-gite chu a chawl tai ti a mu phâtin, a gilo zaw diak a; chuleh, ama tawh a miliante chun a lungthim uh a sutâk zaw diak tau hi.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

HEBRAITE 3:13

La lak ua kuale gitlo thepthâk ah lung tâk la um lona ding un, “Tu’ni,” kiti hun chu a um sung in, nisi’n in kitîlhat zing tau in.