1 SAMUEL 6:5 - PATHIAN LEKHABU THIANGTHO (BSI)

⁵ Tichun, gam subuai, vunnatna lim leh santhîm lim hi sana in bawl unla; chuleh, Israelte Pathian chu choihoina piau in; chutileh, la chung uh leh la pathianteu leh la gam chung ua a khut thâk hi a lakdaw thei khâk leh.

1 SAMUEL 6:5 ပူးပေါင်းရင်းမြစ်များ

1 KHANGTHU 16:28

Aw chitin lakah sungkuan zosiate haw, Lalpa chu bêl unla, Lalpa kiang ah lopina leh hatna piau in.

1 KHANGTHU 16:29

Lalpa min in lopina a kiang ah piau inla, thillat dingte chawi in, a kiang ah hung tau in. Thiangtho chungchuang in Lalpa chu biau inla;

SAM 18:44

Ei het phat uh leh ka thu a ngai un; gamdang mite chu ka kiang ah kitulut dingin a hung tau hi.

SAM 32:4

A sûn a jan in la khut ka chung ah la nga sek ngal a; khâl nipi’n thil a hi’danglam gual in, ka tha hile a ke hia’i huai ziang tai. (Selah)

SAM 39:10

Lei vokna ka kiang ah kipat in lamang inla; la khut ah hi’mangthai ah um ding ka hi tai.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

PAWTDAWNA THU 12:12

Zia jan hileh, Aigupta gam pumpi hung vâkvêl ding ka hi’n: tichun, Aigupta gam sung ah a piang masa pen, mihing hileh, gancha hitaleh hun that gam sik sek ding ka hi: chutichun, Aigupta gam ah pathian zosia hun gawt ding ka hi: Keima hi Lalpa chu ka hi.

PAWTDAWNA THU 8:17

Amau chun zia gual chun a bawl tau a; Aron in a tiang chu a lâm ah, leivui chu a jep ah; tichun, thovâi chu mihing leh ganchate zosia chung ah chun a chu ta’n; Aigupta gam ah leivui zosia chu thovâi a hung suak zo tai.

PAWTDAWNA THU 8:24

Lalpa’n zia gual chun a hun bawlta’n, Pharaoh leh a miliante In sung ah te chun thosi hon nasa tak a lut ua; thosi hon ziak ah chun Aigupta gam sung pumpi suksiat in a um zo tai.

PAWTDAWNA THU 8:5

Lalpa chun Mosi kiang in, “Aron kiang ah, ‘La tiangkhut kha luite, tuilamte leh dil chung ah te vak jak inla, Aigupta gam sung ah ukêng hun lênsak in,’ ti’n,” a tia.

ISAI 19:1

Aigupta siatna ding thu kigen chu: En un, Lalpa chu sûmpi hat tak ah leng chung ah chuang in, Aigupta lam in a hung hi; a ma-âng ah chun Aiguptate milim haw chu kithing intin, Aigupta mite lungchang chule a sung un timaw zo ta’n au.

ISAI 42:12

Lopina chu Lalpa piau hen la, tuikual gam tin ah a pâkchatna, puangjak chiat tau hen.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JOEL 2:25

La lak ua ka sepai tam tak ka hun sawl tâk, khaubepi hon, khauphak hon leh, thing leh gua nesia khauphâkte leh, thing nêk hât chi khauphâk chite’n a nêksiat uh kumte chu hun din kit ta’ng ka.

JONAH 3:9

I manthailo’na ding un; Pathian chun a lung khiam in, a lungnatna huaisia tak ah kipat chun kihei kit in ah ti kua a hem hethei ding?” a tia.

MALAKI 2:2

Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi

KISIMNA LEKHABU 33:4

Aigupta mite zosia chu vang a chapa upa pen chiat uh, Lalpa‘n amau lak ah a thalup zosia vui in a buai ma mau ah. A pathianteu chung natiang in Lalpa‘n vai a hawm a.

JOHAN 9:24

Ziaphatchun, mitthûmpa chu a ko kit ua, a kiang in, “Pathian chu pâk ta’n! Zia mipa kha vang migilo ahi ti ka hiau hi,” a tiu a.

JOSHUA 7:19

Ziaphatchun, Joshua’n Akan kiang in, “Ka chapa, Israelte Lalpa Pathian chu chawihoi inla, a kiang in kiphuang mai in. Bang a la bawl khâ la hita em? ti, tu’ ma ma hin ei hil inla; ka kiang ah îm kin,” a tia.

THUPUAN 11:13

Zia hundan sung ngei ah chun lîn nasa tak leh huaisia tak a hung kilîng a; khawpi mun sawm ah khen mun khat chu a chim ta’n; linlîng ah chun mi sang sagi a thiu ah; a thi bang sunte chu a lau ma mau ah, van Pathian chu lopina a pia tau hi.

THUPUAN 14:7

Ama chun aw ngai tak in, “Pathian chu lau unla, choihoina piau in; a vaihawm hun a tung tangal a; ama chu lei leh van leh tuisuagiat leh tuinâkte siampa chu a hiziak in bia un,” a tia.

THUPUAN 16:9

Tichun, mihingte chu satna huaisia tak in a hâlkang ta’n; himaleh, zia gawtna chung ah thilhitheina neipa Pathian min chu chawihoi sâng in, a gensiau ah, a lung uh a hei diak puau hi.

1 SAMUEL 5:11

Ziaziakchun, Philistin hotute chu a ko khawm tau a, a kiang un, “Israelte Pathian thuthung thingkuang hi a umna mun ngaiah vathak kit mai un, kei haw leh ka mipiteu ka thigamlona ding un,” a tiu a. A khawpi sung zosiau ah thi ding lau ah patauna a huaisia ma ma ah;

1 SAMUEL 5:9

Himaleh, Gath khua a puak tung zaw phat un, Lalpa‘n zia khua chêngte chu a hun gawt kit ziakin a patau ma ma ziang tau a; khawpi sung ah chêngte lak ah a têk a khang kidang lo in tibawk natna a vei chiat tau a.

1 SAMUEL 6:8

Lalpa thuthung thingkuang chu zia kângtalai chung ah chun koi unla; chuleh, gitlo thoina ding ah a kiang ah la piak ding uh sana milim la siamteu kha thuthung thingkuang ah khum in, Lalpa thuthung thingkuang pang ah chun koi un la. Ziazaw chuleh, kai mang sak leu chin a mun lam zuanah chia mai ding ahi.