1 SAMUEL 6:4 - PATHIAN LEKHABU THIANGTHO (BSI)

⁴ Mipite chun, “Aleh, gitlo thoina ding ah ka thakkhawm ding un bang pia ding ka hiu em?” ti’n a dong ua. Amau chun, “Philistinte lak ah hausa panga jat tawh kituak in, zia vunnatna lim hi panga tawh, santhîm lim panga ma ma, sana-ah bawl in thotkhawm un; zia hivei chu la lalteu leh mipi vantangte chung inle a tung chiat ngâl a.

1 SAMUEL 6:4 ပူးပေါင်းရင်းမြစ်များ

PAWTDAWNA THU 12:35

Israelte chun Mosi hil gual in a bawl tau a: Aigupta mite sana leh dangka kicheina vante leh puante chu a la don ua;

JOSHUA 13:3

(Aigupta gam ah sualam Shihor ah kipat mallam ah Ekron gamgi tiang in, zia chu Kanaan mite gam ah ngai ahi’n; Philistinte lal panga: Gaza, Ashdod, Ashkelon, Gath leh Ekron khuate hin a la um ua;) chuleh, mallam ah Avvim khuale a um in;

VAIHAWMTE 14:19

Tichun, Lalpa thagau a chung in a hung tung a; chuleh, Ashkelon khua’n a chia suk ta. Khawpi sung ah tangval sawmthum a that ah, a puansilteu chu lâkpiak in, luaithe’na puanchênte chule a thu hetmaw hilchiante kiang in a pia tai. Tichun, lungna ma ma in a pa In lam in a chiato kit tau hi.

VAIHAWMTE 3:3

Nam dangte chu: Philistinte lal panga, Kanaan mite zosia leh Lebanon tâng ah Baal-hermon ah kipat Lebo-hamath tiang ah chêng Sidon mite leh Hiv mite zosia a hiu a.

1 SAMUEL 5:12

a thilo sunte chule vunnatna a vei un; tichun, mite kâ thawm chun van a thawng hial ziang tai.

1 SAMUEL 5:6

Ashdod khua mite chu Lalpa‘n a soisa’n, Ashdod khua leh a gam bung zosia ah mite chu sudipchâk in, vunnatna huaisia tak in a gawt tai.

1 SAMUEL 5:9

Himaleh, Gath khua a puak tung zaw phat un, Lalpa‘n zia khua chêngte chu a hun gawt kit ziakin a patau ma ma ziang tau a; khawpi sung ah chêngte lak ah a têk a khang kidang lo in tibawk natna a vei chiat tau a.

1 SAMUEL 6:5

Tichun, gam subuai, vunnatna lim leh santhîm lim hi sana in bawl unla; chuleh, Israelte Pathian chu choihoina piau in; chutileh, la chung uh leh la pathianteu leh la gam chung ua a khut thâk hi a lakdaw thei khâk leh.

1 SAMUEL 6:8

Lalpa thuthung thingkuang chu zia kângtalai chung ah chun koi unla; chuleh, gitlo thoina ding ah a kiang ah la piak ding uh sana milim la siamteu kha thuthung thingkuang ah khum in, Lalpa thuthung thingkuang pang ah chun koi un la. Ziazaw chuleh, kai mang sak leu chin a mun lam zuanah chia mai ding ahi.