1 SAMUEL 6:3 - PATHIAN LEKHABU THIANGTHO (BSI)

³ Amau chun, “Israelte Pathian thuthung thingkuang hi thak mang ding la tiu ahileh, ama ngawn in thakdok kiu inla, gitlo thoina ding thillat tawh la thot khawm tei tei diu ahi. Chutileh, ngaidam leh tatdaw hita’n lau; tichun, la chung un a khut chu tha talo mai ding a paw em?” a tiu a.

1 SAMUEL 6:3 ပူးပေါင်းရင်းမြစ်များ

JOB LEKHABU 10:2

Pathian kiang in, ei awimaw kin la, lei kinakpina ziak ei hil in, ti’ng ka.

PAWTDAWNA THU 23:15

Thawipanglo Kût la bawl diu ahi: a hunbî ding ah ka guatna Abib tha leh, thu ka hun piak gual in ni sagi thawipanglo vaithum la nêk diu ahi: zia tha hin Aigupta gam ah kipat hung pawtdok la hiziak un. Kuama khutngawn in ka kiang ah a hung kilat lo ding uh ahi.

PAWTDAWNA THU 34:20

Sabiltung piang masa pen chu belamno in la tat ding ahi; la tat nop lo leh, a ngawngpigu la hekbot ding ahi. La chapa piang masa pen taphot chule la tat ding ahi. Kuama ka âng ah khutngawn in a hung kilâk lo ding uh ahi.

PAWTDAWNA THU 8:15

Ahi’n, Pharaoh chun a thawveng tai ti a het phat in a lungthim a hikhau kit ah; amau chu a limsak nuam diak puai: Lalpa’n a la gensa gual in.

THIAMPUTE LEKHABU 5:6

A thil bawlkhialna ziak ah kithoina ding ah lat dingin: gan hon lak ah belampi a hem, kelpi a hem khat Lalpa kiang ah lat dingin a hun kai ding ahi; tichun, thiampu’n a gitlona chung thu ah kitatna hun bawl piak in a.

THIAMPUTE LEKHABU 6:6

A thil bawlkhial thoina dingin Lalpa âng ah belamchal khat demna bei, belam hon lak ah kipat kiphutawk a sak, thiampu kiang in bawl khial ngaidamna ding ah kithoina dingin a hun piak ding ahi.

DAN LEKHABU 16:16

Lalpa‘n a guatna ding mun ah chun, pawsal zosia kum si’n ah thumvei a vakilâk sek ding uh ahi; thawipanglo kût bawl hun tawh, Hapta Kût bawl hun tawh Bawkcha Kût bawl hun ah te hin. Lalpa ma âng ah khutngawn in a vakilak lo ding uh ahi;

1 SAMUEL 5:11

Ziaziakchun, Philistin hotute chu a ko khawm tau a, a kiang un, “Israelte Pathian thuthung thingkuang hi a umna mun ngaiah vathak kit mai un, kei haw leh ka mipiteu ka thigamlona ding un,” a tiu a. A khawpi sung zosiau ah thi ding lau ah patauna a huaisia ma ma ah;

1 SAMUEL 5:7

Chuleh, Ashdod khua mite chun thil hung tung chu a mu phât un, “Israelte Pathian thuthung thingkuang hi I kiang ua umsak lo ding a hi; ei haw leh I pathian uh Dagon ei gawtna hi a tizat um ta lua hilam,” a tiu a.

1 SAMUEL 5:9

Himaleh, Gath khua a puak tung zaw phat un, Lalpa‘n zia khua chêngte chu a hun gawt kit ziakin a patau ma ma ziang tau a; khawpi sung ah chêngte lak ah a têk a khang kidang lo in tibawk natna a vei chiat tau a.

1 SAMUEL 6:8

Lalpa thuthung thingkuang chu zia kângtalai chung ah chun koi unla; chuleh, gitlo thoina ding ah a kiang ah la piak ding uh sana milim la siamteu kha thuthung thingkuang ah khum in, Lalpa thuthung thingkuang pang ah chun koi un la. Ziazaw chuleh, kai mang sak leu chin a mun lam zuanah chia mai ding ahi.

1 SAMUEL 6:9

Chuleh, en zui un; Beth-shemesh lam a zot chun a gam lam uh zuan hi ding a hiu; ziaphat chuleh, zia gual ah natna hun tut hi ama ziak ahi ti kichian ta’nah; achutiloleh vang, ei gawt hi ama khut hilo ahi ti hetthei hin tin, a tung ding mawng ahi ti kihechian ta’nah,” ti in.