1 SAMUEL 6:20 - PATHIAN LEKHABU THIANGTHO (BSI)

²⁰ Ziaphatchun, Beth-shemesh khua mite chun, “Zia Pathian thiangtho, Lalpa âng ah hin kua a hem ding thei ding? ei nutsia theina dingin kua kiang ah sawlmang ta ding I hiu em?” a tiu a.

1 SAMUEL 6:20 ပူးပေါင်းရင်းမြစ်များ

2 SAMUEL 6:7

Uzzah chung in Lalpa lungnatna a hung puang ta’n; thuthung thingkuang a khut ah a tûk ziakin, Pathian in a chung in khut a tha ta’n, Pathian thuthung thingkuang kiang in a thi den ngal tai.

2 SAMUEL 6:9

Zia ni’ chun David in, “Bangti’n Lalpa thuthung thingkuang chu enkol thei ding ka hita diam?” a ti ziakin, Lalpa chu a lau ta ma ma ziang a.

SAM 76:7

Nangma vang lau um tak la hi! La lungnatna a puansiat phat leh, kua a hem la âng ah ding ngam ding?

THIAMPUTE LEKHABU 11:44

Keima Lalpa la Pathian uh ka hi’ngâl a; kisuthiangtho unla, thiangtho tak ah la um ding uh ahi: keima ka thiangtho ngâl a. Lei chung ah bokvâkte ziakin kisubuak kiu in.

THIAMPUTE LEKHABU 11:45

Keima Lalpa hi la Pathian uh ka hi’theina ding ah Aigupta gam ah kipat nanghaw hun puidokpa kha ka hi; keima ka thiantho gual in, la thiantho ding uh ahi.

MALAKI 3:2

Aleh, a hung ni chu kua a hem thuak zo ah, a ma-âng ah ding zo ma ma ding? Ama chu hâlthianna mei leh puansawpte sabon mat lai gual ahi ngal a;

LUKA 5:8

Himaleh, Simon Peter in zia chu a mu phât in, Jesu kengbul in a hung bokkhup ah, “Lalpa, ei nusia ta’n, migilo ka hi!” a tia.

LUKA 8:37

Ziaphatchun, Gerasin gam leh a tuamvêl ah mi zosia chun a lau ma ma ziak un, amau chu nusia dingin Jesu chu a don tau hi. Tichun, long ah chun a lut ah, a kile’kit tai.

THUPUAN 6:17

A lungnatna ni lopi chu a hung tun tâk hi, kua a hem pang zo ding?” a tiu a.

1 SAMUEL 5:7

Chuleh, Ashdod khua mite chun thil hung tung chu a mu phât un, “Israelte Pathian thuthung thingkuang hi I kiang ua umsak lo ding a hi; ei haw leh I pathian uh Dagon ei gawtna hi a tizat um ta lua hilam,” a tiu a.