1 SAMUEL 6:16 - PATHIAN LEKHABU THIANGTHO (BSI)

¹⁶ Philistin hausa pangate chun zia chu a mu phât un, zia ni ma ma chun Ekron lam in a kile’kit tau a.

1 SAMUEL 6:16 ပူးပေါင်းရင်းမြစ်များ

JOSHUA 13:3

(Aigupta gam ah sualam Shihor ah kipat mallam ah Ekron gamgi tiang in, zia chu Kanaan mite gam ah ngai ahi’n; Philistinte lal panga: Gaza, Ashdod, Ashkelon, Gath leh Ekron khuate hin a la um ua;) chuleh, mallam ah Avvim khuale a um in;

VAIHAWMTE 16:5

Philistinte lak ah miliante amanu kiang in a hung un, a kiang in, “Ama chu hun jawlgu’n la, zia gual lawm ah a hâtna thugûk hi bang a hem ti hun dongdok in; chutileh, ama zo hitiu in, kântom thei hita’n a; chutia chu la hun bawlthei leh ka leng un dangka shekel sang khat leh za khat chiat hun pia’ng kau,” a va tiu a.

VAIHAWMTE 3:3

Nam dangte chu: Philistinte lal panga, Kanaan mite zosia leh Lebanon tâng ah Baal-hermon ah kipat Lebo-hamath tiang ah chêng Sidon mite leh Hiv mite zosia a hiu a.

1 SAMUEL 5:10

Ziaphatchun, Israelte Pathian thuthung thingkuang chu Ekron lam a tut kit tau a. Himaleh, Ekron khua Pathian thuthung thingkuang puak tung ahi phatin, Ekron khua mite chu a kikojak un, “Bang dingah kei haw leh ka mi teu that dingah Israelte Pathian thuthung thingkuang la hun puak lut uh a hem?” a tiu a.

1 SAMUEL 6:12

Bawngpite ni chu ham kawm kawm in, Beth-shemesh lam zuan in zang tak in a chia tau a; vei leh chang ah pêtlo in a chia pek un, Philistin hausate chun a gamgiu Beth-shemesh chan a vazui tau hi.

1 SAMUEL 6:4

Mipite chun, “Aleh, gitlo thoina ding ah ka thakkhawm ding un bang pia ding ka hiu em?” ti’n a dong ua. Amau chun, “Philistinte lak ah hausa panga jat tawh kituak in, zia vunnatna lim hi panga tawh, santhîm lim panga ma ma, sana-ah bawl in thotkhawm un; zia hivei chu la lalteu leh mipi vantangte chung inle a tung chiat ngâl a.