1 SAMUEL 5:8 - PATHIAN LEKHABU THIANGTHO (BSI)

⁸ Tichun, Philistinte lak ah hotute chu kikokhawm in, “Zia Israelte Pathian thuthung thingkuang hi bang law ding I hiu em?” a kitiu a. Gath khua mite chun, “Pathian thuthung thingkuang chu kei uh kiang lam ah puai tiu,” a tiu a. Tichun, Israelte Pathian thuthung thingkuang chu Gath khua lam in a pua mang tau a.

1 SAMUEL 5:8 ပူးပေါင်းရင်းမြစ်များ

1 KHANGTHU 7:21

ama chapa chu Zabad, ama chapa chu Shuthelah, Ezer tawh Elead a hiu hi. Amau te ni hi a gamah chêngsa Gath te gancha gu ding ah a chia lai un a la that tau hi.

AMOS 6:2

Kalneh khua chia to unla, en un; zia kipat chun Hamath khaw lopi ah chun chiau inla; zia kipat chun Philistinte gam ah Gath ah chia suk un. Zia leng gamte sâng ah hin la phazawu em? Ahiloleh, la gam uh amau gam sâng in a lianzaw a hem?

ZEKARIAH 12:3

Ziaphat chuleh, Jerusalem chu mizosia â dingin suangtum puakgik in siam ing ka tin; zia suang dom kâng taphot chu huaisia tak in kisuliam in au. Khawvel ah nam zosia a do dingin hung khawm ta’n au.

JOSHUA 13:3

(Aigupta gam ah sualam Shihor ah kipat mallam ah Ekron gamgi tiang in, zia chu Kanaan mite gam ah ngai ahi’n; Philistinte lal panga: Gaza, Ashdod, Ashkelon, Gath leh Ekron khuate hin a la um ua;) chuleh, mallam ah Avvim khuale a um in;

JOSHUA 15:11

Ekron mallam tâng ah kithungto in, Shikke-ron kual khum in a kihei ah, Baa-lah tâng lam hawtheng in, Jabneel lam in a hung pawtdok ah; tichun, Tuisuagiat in a tawp tai.

1 SAMUEL 17:4

Chuleh, Philistinte giamun ah kipat in Gath khua mi pakhat, a min Goliath a hung pawt ah; ama chu tong guk leh khâp khat ah sâng a hin;

1 SAMUEL 17:52

Israel leh Judah sepaite chu kiko kawm in, Gath khua leh Ekron kotpi tiang in Philistinte chu a delzui tau ah; tichun, Shaaraim ah kipat Gath leh Ekron khua tiang in Philistin liamte chu a kizam tek tuk ziang tau a.

1 SAMUEL 29:6

Ziaphatchun, Akhish in David chu a ko ah, a kiang in, “Lalpa hinna sâl in ka gen hi: midik tak la hi’n, gâldona mun ah hung pawt ah, ka kiang ah hung lut kit dingin muanmawna neuchale ka hun nei puai. Ka kiang la hung tun ah kipat tu’ni tiang hin, nangma ah diklona bangma ka mu nai paw’ngâl in. Himaleh, zia miliante hin a hun ngaina puau hi.

1 SAMUEL 5:11

Ziaziakchun, Philistin hotute chu a ko khawm tau a, a kiang un, “Israelte Pathian thuthung thingkuang hi a umna mun ngaiah vathak kit mai un, kei haw leh ka mipiteu ka thigamlona ding un,” a tiu a. A khawpi sung zosiau ah thi ding lau ah patauna a huaisia ma ma ah;

1 SAMUEL 5:7

Chuleh, Ashdod khua mite chun thil hung tung chu a mu phât un, “Israelte Pathian thuthung thingkuang hi I kiang ua umsak lo ding a hi; ei haw leh I pathian uh Dagon ei gawtna hi a tizat um ta lua hilam,” a tiu a.

1 SAMUEL 6:2

Ziaphatchun, Philistinte chun a thiamputeu tawh a dawi thiamteu chu a ko ua, a kiang un, “Zia Lalpa thuthung thingkuang hi bang I law ta diam uh? A umna lam ah thak kit ding hileu hin bang tawh I thakkhawm diam uh?” ti’n a dong tau a.