1 SAMUEL 5:3 - PATHIAN LEKHABU THIANGTHO (BSI)

³ A jing ah Ashdod khua mite jingkal vaima tak ah tho in, a et ua leh a Dagon pathian uh chu, Lalpa thuthung thingkuang âng ah chun a khup lam in a la kizam ta maiah. Tichun, Dagon chu a umna ngaiah chun a phong ding kit tau a.

1 SAMUEL 5:3 ပူးပေါင်းရင်းမြစ်များ

1 LENGTE 18:26

Tichun, amau chun bawngchal a piak uh chu a lau ah a bawl ua; tichun, jingkal ah kipat sûn chan in Baal min a ko tau ah, “Aw Baal, ei dawnhu in!” ti’n a kiko ua. Himaleh, awgit a um pua, dawnhu’na le a um diak puai. A mâichâm siam uh kîmvêl ah chun a kidiang vêl ziang tau a.

SAM 115:7

Khutte a nei un lah bangma a khoi thei puau ah; kengte a nei un lah a chia thei diak puau in; a gawl unle aw gi a pawtsak thei puau hi.

SAM 97:7

Milim pathian ho zosia a mualpho un, milim bangma hilo suang tapo chu; pathian dang zosia chu a ma-âng in, a bokkhup tau hi.

PAWTDAWNA THU 12:12

Zia jan hileh, Aigupta gam pumpi hung vâkvêl ding ka hi’n: tichun, Aigupta gam sung ah a piang masa pen, mihing hileh, gancha hitaleh hun that gam sik sek ding ka hi: chutichun, Aigupta gam ah pathian zosia hun gawt ding ka hi: Keima hi Lalpa chu ka hi.

ISAI 19:1

Aigupta siatna ding thu kigen chu: En un, Lalpa chu sûmpi hat tak ah leng chung ah chuang in, Aigupta lam in a hung hi; a ma-âng ah chun Aiguptate milim haw chu kithing intin, Aigupta mite lungchang chule a sung un timaw zo ta’n au.

ISAI 40:20

Sana leh dangka thîk nei zolote chun, a muat theilo ding thing a hawl un; sevak ziang lo ding ah milim bawl piak ding, mi khutthiamte a hawl ui.

ISAI 41:7

Mi them thiam chun sana bawlthiam a tîlhangsan ah; sek ah khenzol thiampa chun, sektum dompa a tîlkho ah; a so mat ah pangpa kiang in, “A pha nai,” a ti’n; tichun, tawilok thei talo dingin, thikkilna’n a kilden tau hi.

ISAI 46:7

A liangko ah sepdok in a puau a, a umna ding mun un a tung un, zia chun a ding den tau a; a umnau kipat in a chia chawn thei ta puau hi. Mi khat in bang gual in ko maleh, a dawnhu thei pua’n, a lungkhamnau ah kipat in a hukdok thei puai.

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

MARKA 3:11

Thitha buakte chun ama a mu phât ua leh, a ma-âng in a bokkhup un, “Nang Pathian Chapa chu la hi,” ti’n a kiko sek un.

1 SAMUEL 6:1

Lalpa thuthung thingkuang chu Philistinte gamah tha sagi sung a um a.

1 SAMUEL 6:5

Tichun, gam subuai, vunnatna lim leh santhîm lim hi sana in bawl unla; chuleh, Israelte Pathian chu choihoina piau in; chutileh, la chung uh leh la pathianteu leh la gam chung ua a khut thâk hi a lakdaw thei khâk leh.