1 SAMUEL 4:18 - PATHIAN LEKHABU THIANGTHO (BSI)

¹⁸ Pathian thuthung thingkuang chungchâng a gen chu a het phat in, Eli chu kotkhak lam zuan ah a kichutna kipat thal pûk in, a têk tawh a tawi zo bêk ta pua, a ngawngpigu tatbong in a thi tai; Israelte chung ah kum sawmli vai a hawm hi.

1 SAMUEL 4:18 ပူးပေါင်းရင်းမြစ်များ

SAM 26:8

Aw Lalpa, la chênna In, la lopina umna chu ka ngaina na e!

SAM 42:10

Ka taksa chung ah thi’na ding khop beliam um gual in, ei do-te chun ei hakva khum zing un: “La Pathian khoi ah um a hem?” ei tiu a.

SAM 42:3

Ka mitthi hi a sûn a jan ah ka an ahi’n, “La Pathian khoi ah um a hem?” ei ti, ei tiu a.

SAM 69:9

La In ah ka phatchuam ngaina’n ei ne zo ta’n; nangma gensete gensiatna chu ka chung in a chu tai.

THIAMPUTE LEKHABU 10:3

Ziaphatchun, Mosi’n Aron kiang in: “Lalpa‘n a la gen kha zia hi ahi: ‘Keima ei nai tapote kiang ah, thiangtho in kilang ing ka tin; tichun, mi zosiate âng ah chun, choisa’n in um ding ka hi,’ a la ti kha,” a tia. Aron in gen ding he lo in a thip tai.

VAIHAWMTE 15:20

Chun, Philistinte hun ah chun kum sawmni sung vaihawm in a pang tai.

1 SAMUEL 4:13

A hung tai tung hunah chun Eli chu Pathian thuthung thingkuang kha bang a chang na dia aw, ti ah dîpchak tak ah gelkawm in, lamlian pâmah a la kichut lai tak ahi’n. Mipa chu khawpi sung a hung lutah chanchin a genzaw phatin, khawpi sungah mi zosia chu a kap jak ziang tau a.

1 SAMUEL 4:17

Thangko’pa chun, “Philistinte âng ah Israelte a jamsia tauah; sepai hon lak ah mi tam tak a thiu hen, la chate Hophni leh Phinehas le a thi tau ah, Pathian thuthung thingkuang le ei lâkpiak tau hi,” ti’n a hun dawnhu tai.

1 SAMUEL 4:19

Zia hun ah chun Phinehas ji, a monu chu nau nei vang vang ah nauvop ahi’n. Pathian thuthung thingkuang lâkpiak a hiu ti leh, a talpupa leh a pawsal le thi a hiu ti a het phat in, a bokkhupah nau a nei ngâl tai; a nauvei nat a huaisia ngâlah.