1 SAMUEL 31:6 - PATHIAN LEKHABU THIANGTHO (BSI)

⁶ Tichun, Saul tawh, a chapa pathumte tawh, a gâlvan chawipa tawh a sepaite chu ni khat sung in a thi khawm tau hi.

1 SAMUEL 31:6 ပူးပေါင်းရင်းမြစ်များ

2 SAMUEL 1:1

Saul thi’ nung ah David in Amalekte a vazaw nung in, David chu Ziklag ah ni ni a um a.

2 SAMUEL 1:12

Zia nitâk lam tiang ah chun anngawl in Saul leh a chapa Jonathan tawh Lalpa sepaite leh Israel Inkuan, chemjam ah thi zosia sûn in a kap tau a.

1 KHANGTHU 10:6

Zia gual chun Saul chu a thi ta’n; ama leh a chapa pathumte tawh a Inkuan un a thi zo tau hi.

VAIHAWMTE 9:54

Kin tak in a gâlvan chawi tangval a ko ah, a kiang in, “La chemjam jutdok inla, ei satlum ziang in; achutiloleh, min, ‘numei thâlup ahi,’ ei ti kha’n au,” a tia. Tichun, tangval chunle a chemjam chun a sun thil ah, a thi tai.

1 SAMUEL 11:15

Tichun, a leng un Gilgal ah chun a chiau ah; chuleh, Gilgal ah chun Saul chu a lengpau hi dingin Lalpa âng ah chun a bawl tau a. Zia tak ah chun Lalpa kiang ah kichamna thillat a lân ua, Israel mipi zosia tawh Saul chu a kipak ma ma tau hi.

1 SAMUEL 12:17

Tu’ni hi gehu bu-ât hun hilo a hem? La chung ua vaihawm ding leng la kidot ziang uh hi Lalpa mit mu ah thil huaisia tak ahi ti la het ua, la mutheina ding un, Lalpa chu ko ing ka tin, van-gi leh gawpi hun zuksak ding ahi,” a tia.

1 SAMUEL 12:25

Himaleh, nunsia tak ah la um zing ua leh vang, nanghaw hi la lengpau pum in hun phiat mang mai ding ahi,” ti’n a hil tai.

1 SAMUEL 26:10

Chuleh, David in, “Lalpa hinna sâl in ka gen ahi: Lalpa‘n ama chu that na’n ah; ahiloleh, a hinkhua bei ni hung tung intin, gâlmun ah le a hinkhua la thei ahi.

1 SAMUEL 28:19

Zia bep chule hilo in, Lalpa‘n Israelte leh nang chu Philistinte khut ah pedok ding ahi tai; jing leh nang tawh la chapate, ka kiang hung tung ding la hitau hi; Israel sepaite chule Lalpa‘n Philistinte khut in pedok ding ahi tai,” a ti piak tai.

1 SAMUEL 31:5

A gâlvan chawipa chun Saul a thi tai ti a mu phât in, ama chemjam chu jukdok in a baw ah, a thi khawm tau a.

1 SAMUEL 31:7

Israel mipi, guamgâl lam leh Jordan lui gâl lam ah umte chun, Israel sepaite taijak leh, Saul tawh a chapate thi thu a het phat un, a khawpiteu taisan in a jam mang zo tau ah; tichun, Philistinte a hung un, bailam tak in a hun lua tau hi.