1 SAMUEL 31:12 - PATHIAN LEKHABU THIANGTHO (BSI)

¹² mi hangsan zosia a hung kuandok un, jan khawvak ah chia in, Beth-shan kulbâng ah Saul tawh a chate luang kikil dên haw chu a va ladok tau ah. Jabesh khua a hun paw tung un, zia tak ah chun a hâl tau hi.

1 SAMUEL 31:12 ပူးပေါင်းရင်းမြစ်များ

1 KHANGTHU 10:12

mi hangsan zosia a kuandok ua, Saul luang leh a chate luang chu vala’n, Jabesh khua lam in a hun puau hi. Chuleh, a guteu chu Jebesh khua gangpi thingbul nuai in a vui un, ni sagi sung anngawl in a sûn tau hi.

2 KHANGTHU 16:14

Ama thân ding ah David khawpi a kibawlna chun a vui tau a. Gimtui siamte’n a thiam theitawp ua a siam uh, gimtui haw lak ah mithi kuang ah chun a sial tauah; ama jana’n meipi nasa tak a sêm tau hi.

JEREMIAH 34:5

thamuang tak in thi ding la hi. Nang masang ah leng a la hita te, la pu la pate â ding ah gimtui a la hâl sek gual un; zia gual ma chun, nang chung ah le gimtui hun hâl in, hun sûn intiu in, “A khawk na e, Lalpa!” hun ti ding ahiu. Zia gual chu hiding in thu ka la gen zawsa ahi tai, Lalpa‘n a tii.

AMOS 6:10

Chuleh, mithi hâl tum ah um ding a chanaupa chun, In sung ah kipat mithiluang a hun lakdaw guat ah, In sungnung pen ah um kua a hem khat kiang ah chun, “La kiang ah mi dang khat a um nalai em?” hun ti leh, ama chun, “A um ta puai,” ti’n dawnhu ta’n a. Ziaphat chuleh, “Katei! Lalpa min chu I suadok lo hial diu ahi,” hun ti’n a.

1 SAMUEL 31:10

Saul gâlvante chu Astarte hona tempul sung in a koi un; a luang chu Beth-shan kulbâng in a kil dên tau hi.