1 SAMUEL 31:10 - PATHIAN LEKHABU THIANGTHO (BSI)

¹⁰ Saul gâlvante chu Astarte hona tempul sung in a koi un; a luang chu Beth-shan kulbâng in a kil dên tau hi.

1 SAMUEL 31:10 ပူးပေါင်းရင်းမြစ်များ

JOSHUA 17:11

Issakhar leh Asher gam sung ah chun Manasseh in Beth-shean leh a khawpelte, Ibleam leh a khawpelte, Dor leh a khawpelte, Endor leh a khawpelte, Taanakh leh a khawpelte leh Megiddo leh a khawpel ah chêng zosia (a pathumna hi Naphtali ahi’n) a nei un.

VAIHAWMTE 1:27

Chun, Manasseh inle Beth-shean leh a khawpel ah chêngte, Taanakh leh a khawpel ah chêngte, Dor leh a khawpel ah chêngte, Ibleam leh a khawpel ah chêngte leh Megiddo leh a khawpel ah chêngte chu a nawdok pua’n; zia Kanaan mite chu gam sung in a chêng zing tau ahi.

VAIHAWMTE 2:13

Lalpa chu jamsan in, Baal leh Astartes chu a ho zaw tau a.

1 SAMUEL 21:9

Thiampu chun, “Philistin mipa, Elah phâijawl ah la thalup Goliath chemjam kha, puan ah pha tak ah kituam, Ephod sung ah kikoi a um hi; zia tilo chu a dang khat chale umlo a hiziak in, la dawi leh kilâk in,” a tia. David in, “Zia khel tha chu um ding a hem, ei hun pia’n,” a ti tai.

1 SAMUEL 31:12

mi hangsan zosia a hung kuandok un, jan khawvak ah chia in, Beth-shan kulbâng ah Saul tawh a chate luang kikil dên haw chu a va ladok tau ah. Jabesh khua a hun paw tung un, zia tak ah chun a hâl tau hi.

1 SAMUEL 7:3

Ziaphatchun, Samuel in mipite zosia kiang in, “La lunggil tak ua Lalpa lam ah kihei kit gua la hiu chun, la lak ua pathian dang zosia tawh Astarte kha paidok un. La lunggil tak un Lalpa lam ah kihei unla, ama na bep sêm un; chutileh, Philistinte thunuai ah kipat hin hun hukdok ding ahi,” ti’n a gen tai.