1 SAMUEL 31:1 - PATHIAN LEKHABU THIANGTHO (BSI)

¹ Philistinte chun Israelte a do un; chuleh, Israel sepaite chu Philistinte lau in a jamsia tau a; tichun, Gilboa tâng ah chun thalup in a um zeng zung ziang tau hi.

1 SAMUEL 31:1 ပူးပေါင်းရင်းမြစ်များ

2 SAMUEL 1:21

Nanghaw Gilboa munsângte haw, la chung un daitui leh gua zu ki’hen la, ga tam tak le piang ta ki’hen. Zia tak ah chun mihat phaw chu sukbuak ahi’n, Saul phaw ngei sathau ah jutzol chu a um ta puai.

2 SAMUEL 1:6

Zia tangvalpa chun, “Gilboa tângvûm ah chun ka vavâk lut in; Saul chu a chemjam kisutthil sak in, sakol kângtalai leh a chung chuang mite chun a hun ûm un.

2 SAMUEL 4:4

Saul chapa Jonathan in chapa pakhat a nei ah, ama chu a kengbai ahi. Jezreel ah kipat Saul leh Jonathan thi thuthang a la het lai ua khan ama chu kum nga mi bep ahi nalai a. Zia lai ah chun ama donnu chun a la taipi leh a kinaw tâkluat ziakin a khetha khan, a keng chu a la sukbai khâk ahi. A min chu Mephibosheth ahi.

1 SAMUEL 12:25

Himaleh, nunsia tak ah la um zing ua leh vang, nanghaw hi la lengpau pum in hun phiat mang mai ding ahi,” ti’n a hil tai.

1 SAMUEL 28:1

Zia hun lai ah chun, Israelte do dingin Philistinte chun a sepaiteu a ko khawm tau a. Akhish in David kiang ah chun, “Nang tawh la sepaite hi gâl do ah kuan khawm ding I hiu ti la het ding ahi,” ti’n a gen a.

1 SAMUEL 28:15

Ziaphatchun, Samuel in Saul kiang ah chun, “Bang ding ah ei subuai mai mai ding bep ah ei kodok la hi em?” a hun tia. Saul in, “Philistinte’n ei do un, Pathian in lah ei nusia ta’n; mang lam hileh, jawlneite mang inle ei dawnhu nuam ta pua’n, ka lung a kham ma ma phatin, nang in ka bawl ding ei hil lechin tia, hung ko ka hi,” ti’n a dawnhu a.

1 SAMUEL 28:19

Zia bep chule hilo in, Lalpa‘n Israelte leh nang chu Philistinte khut ah pedok ding ahi tai; jing leh nang tawh la chapate, ka kiang hung tung ding la hitau hi; Israel sepaite chule Lalpa‘n Philistinte khut in pedok ding ahi tai,” a ti piak tai.

1 SAMUEL 28:4

Philistinte chu a kiko khawm tau ah, a hung kuan un, Shunem ah chun a kikul tau a. Saul inle Israelte zosia a ko khawm ah, Gilboa mun in a kikul tau a.

1 SAMUEL 29:1

Philistinte chun a sepaiteu zosia Aphek mun in a ko khawm un, Israelte chu Jezreel tuinâk mun in a kikul ua.