1 SAMUEL 30:8 - PATHIAN LEKHABU THIANGTHO (BSI)

⁸ David in Lalpa a dong ah, “Zia pawlte hi ka delzui diam? Ka delpha nalai diam?” ti in. Ama chun, “delzui in; delpha’n la tin, a khut ua kipat vahukdok kit sik sek ding la hi,” ti’n a hun dawnhu tai.

1 SAMUEL 30:8 ပူးပေါင်းရင်းမြစ်များ

THILSIAM THU 14:16

Van zosia a hun la kit sik sek tau ah, a chapa Lot tawh, a van zosia chule a hun la kit tau ah, numeite leh midangte chule a hun pui kit sik sek tau hi.

2 SAMUEL 5:19

David chun Lalpa kiang in, “Philistinte do dingin va kuan to ding ka hi em? Amau chu ka khut in lei pia diam?” ti’n a dong a. Tichun, Lalpa‘n, “Kuan in, Philistinte chu la khut ah hun pe ngei ngei ding ka hi,” ti’n a dawnhu tai.

2 SAMUEL 5:23

David in Lalpa a dot phatin, zia gual hin a hun dawnhu ah: “Va zuan to ziang kiu in; a nung lam un vel unla, begaw thing bul jawn ah chun do un.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

PAWTDAWNA THU 15:9

Mêlma chun, “Del ing ting, delpha têi ka, a gâllâk vanteu chu hawm ing ka tin; a chung ua ka duthusam chu buting in a. Ka chemjam jukdok ing ka tin, ka khut in amau chu sumangthai ing ka,” a tia.

KISIMNA LEKHABU 27:21

Ama chu thiampu Eleazar ma-âng in ding intin, Lalpa ma-âng ah Urim ah thutanna chu dot piak sek intin; ama thu’ pawtdok in, ama thu ma ah lut intiu in, ama tawh a kiang ah Israel mipi um khawm zosia kiton in au,” a ti’n.

VAIHAWMTE 20:18

Chun, Israelte chu a kipandok ua, Bethel ah Pathian kiang ah, “Benjaminte do dingin kua phung pen hi ka kuan masa diam uh?” ti dong dingin a chiau a. Lalpa‘n, “Judah phung ah mite kuan masau hen,” ti’n a hun dawnhu tai.

VAIHAWMTE 20:23

Israelte chu kitîlhangsan kit in, ni masa ah gâldo ding ah a pannau mun ma ah khan a hung kitiang kit tau a.

VAIHAWMTE 20:28

Aron chapa Eleazar chapa Phinehas chu thiampu a pan lai tak ahi;) “Ka chanauteu Benjaminte do ding ah kuan kit nalai ding ka hiu em; ahiloleh, haisan mai ding ka hitau em?” a tiu ah. Ziaphat chun Lalpa‘n, “Do kit un, jing leh amau chu la khut un hun pia ding ka hi tai,” ti’n a hun dawnhu a.

VAIHAWMTE 8:4

Chun, Gideon chu Jordan lui lam in a hung kit ah, a lawite mi za thum chu sawlsam ah chau ma ma in a gâlkâipi kit ta’n.

1 SAMUEL 10:22

Tichun, Lalpa a dong kit ua, “Ama chu zia hi hung pang lo a hem?” ti in; chuleh, Lalpa‘n, “En un, van lak ah kisel ahi,” ti’n a hun dawnhu a.

1 SAMUEL 14:37

Tichun, Saul in Pathian a dong ah, “Philistinte hi ka vadel zui nalai diam? Amau hi Israelte khut in la pia diam?” ti in. Himaleh, zia ni chun a hun dawnhu puai.

1 SAMUEL 23:2

David in Lalpa a dong ah, “Zia Philistinte chu do ah chia ding ka hem?” a tia. Lalpa‘n David kiang in, “Chia inla, Philistinte chu vado inla, Keilah khua chu va hukdok in,” a hun tia.

1 SAMUEL 23:4

Ziaphatchun, David in Lalpa a dong kit ah, Lalpa chun, “Keilah ah chun chiau in; Philistinte chu la khut ah hun pia ding ka hi’ngâl a,” ti’n a hun dawnhu a.

1 SAMUEL 28:6

Saul in Lalpa kiang ah thu a dot phatin, Lalpa‘n mang lam hileh, Urim hileh jawlneite mang inle a dawnhu ta puai.

1 SAMUEL 30:18

David chun Amalekte’n a la puimang zosiau kha a lâkpiak kit sik sek ah; David in a jite ni chule a hukdok kit tai.

1 SAMUEL 30:19

Tichun, a lian a neu, a chapateu leh a chanuteu gâl lâk ah umsa zosia chu, matsua khatle umlo in, David in a leng in a hun pui kit zo tai.