1 SAMUEL 30:4 - PATHIAN LEKHABU THIANGTHO (BSI)

⁴ Ziaphatchun, David tawh a lawite chu tha leh zung nei talo khop in, ha-ka’n a kap ziang tau hi.

1 SAMUEL 30:4 ပူးပေါင်းရင်းမြစ်များ

EZRA 10:1

Ezra in gitlona thu pha chawi ah, kap kawm ah Pathian In mai tual ah a kipek ziang phatah chun, Israelte lak ah a mei a pa, a si a sên in mipi tam tak a kiang in a hung khawm tau a; mipite chule nasa tak in a kap jak ziang tau a.

KISIMNA LEKHABU 14:1

Chun, mipi zosia chu ngai tak in a kiko ua, jan khua’n a kap tau a.

KISIMNA LEKHABU 14:39

Mosi’n zia thu chu Israelte zosia lak ah a gendaw phatin, mipite chu nasa tak in a patau tau a.

VAIHAWMTE 2:4

Lalpa vansawlchâk in zia thute chu Israelte zosia kiang ah a gen zaw phatin, mipite chu aw ngai tak in, a kap tau a.

VAIHAWMTE 21:2

Chun, mipite chun Bethel mun ah hung in, nitum in Pathian âng ah kitung in, aw ngai tak ah kiko in a kap tau hi.

1 SAMUEL 11:4

Tichun, a thangko sawlteu chu Saul chênna Gibeah khua a hung tun phat un, mipite kiang in a hiatsak tau ah; mipite zosia chu ngai tak in a kap chiat tau a.

1 SAMUEL 30:3

David tawh a lawite khawpi a hung tun phat un, a khuau chu a la kihâltum ta’n; chuleh, a jiteu, a chapa leh chanuteu a leng un sal ah mat a hi zo tau hi ti a he tau a.

1 SAMUEL 4:13

A hung tai tung hunah chun Eli chu Pathian thuthung thingkuang kha bang a chang na dia aw, ti ah dîpchak tak ah gelkawm in, lamlian pâmah a la kichut lai tak ahi’n. Mipa chu khawpi sung a hung lutah chanchin a genzaw phatin, khawpi sungah mi zosia chu a kap jak ziang tau a.