1 SAMUEL 30:26 - PATHIAN LEKHABU THIANGTHO (BSI)

²⁶ David chu Ziklag a hung tun kit phatin, a gâl lâk lak ua bang a hem jat chu a gualteu, Judah upate kiang in a thot un, a kiang un, “Lalpa mêlmate ah kipat gâl lâk lak ah kipat nang uh chan ding ah thilpiak ahi,” ti’n thu a thot a.

1 SAMUEL 30:26 ပူးပေါင်းရင်းမြစ်များ

THILSIAM THU 33:11

Pathian in ei hepi ziak leh, ka nei tam hun tawk ziak ah hin, lungsiat tak in ka thil hun piak kha ei pom piak in,” ti’n a phût hâm hâm ah. Tichun, a pom tai.

2 SAMUEL 1:1

Saul thi’ nung ah David in Amalekte a vazaw nung in, David chu Ziklag ah ni ni a um a.

2 LENGTE 5:15

Ziaphatchun, Pathian mi kiang in ama leh a pawlte zosia chu a hung kile’kit ua; ama chu a ma-âng in a hung dingah, “Tu’hin, Israel ah tilo ngal lei chung zosia ah Pathian a um puai ti ka he tai; lungsiat tak in la suak ah kipat hin thilpiak pakhat ei pom piak in,” a tia.

SAM 35:27

Ka dikna chung ah kipakte chu, lim leh kipak ah kiko in: “A suak vangphatna chung ah kipak sek Lalpa lopi chu, chawihoi in um hen!” ti zing tau hen.

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

ISAI 32:8

Himaleh, mi ja’um tapo in ja’um tak thilte a guanggal un, thil ja’um ah chun a kinga sek ui.

2 KORINTH 9:5

Ziaziakchun, suapite hi la kiang ua hung masa’n, thilpiak la tiamsau kha a la siam khol dingin dot kûl in ka hiai. Pawng lâkpiak gual hilo ah, phal tak ah piak gual in kisa zosa la umna ding un.

1 SAMUEL 18:17

Ziaphatchun, Saul in David kiang in, “Zia hin ka chanu upa zaw Merab a um hi; kei â ding ah hangsan tak ah la pan ah, Lalpa gâl la do ngachat phot leh, la ji dingin hun pia’ng ka, ti’n a gen a. Saul in a gêl dan chu, Keima’n that lo lengle Philistinte’n hun that tho tho na’n au,” a ti ziak ahi.

1 SAMUEL 25:27

Chuleh, tu’hin la suak in ka lalpa kiang ah thilpiak ding ah ka hun choite hi, ka lalpa nungzui tangvalte kiang ah hin piak hi hen.

1 SAMUEL 25:28

Lungsiat tak in, la suakpa bawlkhialna hi ngaidam in; ka lalpa hin Lalpa mêlmate do la hiziak in, Lalpa‘n ka pu Inkuan hidet in tin, la dam sung sia thil phalo him him kimu lo ding ahi ngâl a.

1 SAMUEL 30:20

Chuleh, David in belam honte, bawng honte zosia chu a lâkpiak kit tai; ziate chu gancha dangte âng in a hun somdok un, mite chun, “Ziate hi David gâllâkte chu a hiu,” a la tiu a.

1 SAMUEL 30:25

Zia ni kipat chun Israelte’n a zui ding uh dan thu a pia ta’n; tu’ni tiang hin a zui den tau hi.