1 SAMUEL 30:17 - PATHIAN LEKHABU THIANGTHO (BSI)

¹⁷ David in khawthim jul ah kipat jan khawvak leh a jing nitâk lam tiang in a do ta mai ah. A lak ua tangval za li, sangawngsau ah chuang ah taimangte tilo taphot chu a leng un a that gam zo tai.

1 SAMUEL 30:17 ပူးပေါင်းရင်းမြစ်များ

2 SAMUEL 1:1

Saul thi’ nung ah David in Amalekte a vazaw nung in, David chu Ziklag ah ni ni a um a.

2 SAMUEL 8:12

ziate chu Edomte, Moabte, Ammonte, Philistinte, Amalekte leh Zobah khua Rehab chapa, Lengpa Hadadezer ah kipat a gâl lâk cheng chu tawh ahi.

2 LENGTE 7:5

Tichun, khaw’ngui zul in a kipan ua, Aram mite kikulna ah a chun a chia tauah; himaleh, Aram mite kikulna kiang a tun phat un, zia chun kuama a la um ta puau hi.

1 KHANGTHU 4:43

Amalekte lak ah a dam nalai sunte chu a that gam ua, tu’ni tiang hin zia tak chu a lua den tau hi.

SAM 18:42

Hui in leivui a mût mang gual in ka khenbuang in; lam lai buanthuak gual in ka paidok tai.

JEREMIAH 41:15

Himaleh, Nethaniah chapa Ishmael chu a lawite mi pagiat tawh, Johanan khut ah kipat in a suakcha tau a; tichun, Ammonte kiang lam in a chia tau hi.

VAIHAWMTE 4:16

Barak in kângtalai leh sepaite chu Harosheth-ha-goiim tiang in a vadel zui ah. Sisera sepai zosia chu chemjam âng in a puk zo tau ah; a suakcha khat chale a um puau hi.

VAIHAWMTE 7:12

Midiante leh Amalekte, chuleh Sualam gam ah mite zosia chu zia phâijawl ah chun khaubepi hon gual mai in a dim met mut tau a; chuleh, a sangawngsauteu tamdan chule tuisuagiat pâm ah piaunêl gual mai ah simsên ding gual ahi puau a.

1 SAMUEL 11:11

A jing ah chun, Saul in a mipite chu pawl thum in a khen a. Jingkal phalvak ah chun a mêlmateu giamun a zuan un; Ammonte chu sun nisat hun tiang in a that pek tau a; tichun, a suakcha sunte chule a kithejak suak tau ah; pani ziang le a pang khawm ding a um ta puau hi.

1 SAMUEL 15:3

Tu’hin kipan inla, Amalekte chu vado inla, a nei zosiau vasusia sik sek in; a numei a pawsal, naupang leh nausen hitaleh, a bawngchalteu, a belamteu, a sangawngsauteu leh a sabiltungteu natiang uh hawi neilo in that gam in, a ti ahi,” ti’n a gen a.